logo

маориф

Донишкада номи Саидмӯъмин Раҳимовро гирифт

Мо, олимон, устодон, кормандону донишҷ-ӯёни Донишкадаи давлатии тарбияи ҷисмонии Тоҷикистон муждаи тозаро ҷиҳати номгузорӣ намудани ин муассисаи таълимӣ ба номи яке аз фарзандони барӯманди миллат қаҳрамони ҷаҳон дар ҷодаи гӯштин, устоди зиндаёд Саидмӯъмин Раҳимов шунида шоду мамнун гардидем. Ба ин хотир Шӯрои оҷилии илмии олимон даъват шуд. Ин падидаи сиёсию фарҳангию варзиширо, ки бо иқдоми наҷибу бевоситаи Президенти мамлакат Эмомалӣ Раҳмон ва Ҳукумати Тоҷикистон рӯйи кор омадааст,  онҳо хуш пазируфтанд ва арзу сипоси бепоён намуданд. Олимон ва устодон зикр карданд, ки қадрдонии заҳматҳову талошҳои ин ҷаҳонпаҳлавон, ки воқеан дар гӯштини кишвар нотакрор мебошад, ба рушди соҳа, тарбияи дурусти варзишгарони миллат мусоидат менамояд. Аз ин хабари хуш на танҳо мо, балки ҳама варзишгарони мамлакат хушнуд шуданд.
Саидмӯъмин Раҳимов, воқеан ба чунин арҷгузорӣ сазовор аст. ӯ аксари умри пурбаракаташро барои рушди соҳаи варзиши мамлакат, хоса гӯштин бахшид ва шогирдони зиёдеро ба камол расонд. Донишу таҷриба, заковати азалиашро дар ин роҳ дареғ надошт ва бо ҳиссу ифтихори бузурги ватандорӣ пайваста содиқона хидмат намуд.
Ҳанӯз аз хотир нарафта ва таърих худ гувоҳ аст, ки моҳи сентябри соли 1975 дар шаҳри Минск –пойтахти ҷумҳурии Белорус беҳтарин гӯштингирони дунё, ахтарони рахшону маъруфи самбо барои ширкат дар озмун ҷамъ омада буданд. Аз номи давлати пуриқтидори Иттиҳоди Шӯравӣ ва мардуми 250- миллионаи он дар вазни 100 килограмм намояндаи Ҷумҳурии Тоҷикистон, дастпарвари мактаби гӯштини кишвар, тоҷикписар Саидмӯъмин Раҳимов дар ин озмун ширкат варзид ва ба гирифтани унвони чемпиони ҷаҳон мушарраф гардид. Паҳлавони номвари тоҷик аз оғоз то ба охири озмуни байналмилалӣ истодагарӣ карда тавонист. Паҳлавонони номии кишварҳои ҷаҳонро мағлуб намуд ва бори нахуст дар таърихи варзиши кишвар ҷойизаи тиллоӣ, ҷойизаи олии озмунро ба даст овард.  Ҳамин тавр, ин дастоварди ӯ на танҳо дастоварди миллат буд, балки дастоварди тамоми халқҳои кишвари соҳибқудрат ба шумор мерафт.
Ин пирӯзии паҳлавони тоҷик то дер дар матбуоти Иттиҳоди Шӯравӣ ва дигар кишварҳои дунё тарғибу ташвиқ шуд.
Саидмӯъмин Раҳимов чемпиони Иттиҳоди Ҷамоҳири Шӯравии Сотсиалистӣ (1973, 1975), чемпиони Спартакиадаи VI халқҳои ИҶШС (1975), Устоди спорти класси байналмилалӣ (1973), Устоди спорти Тоҷикистон (1971), узви командаи яккачини самбочиёни ИҶШС (1973) буд. Чемпиони чандкарати ҷумҳурӣ оид ба гӯштини миллӣ, тарзи озод, дзю-до ва классикӣ гардидааст.
Соли 1967 ҳангоми хидмат дар сафи Қувваҳои Мусаллаҳи ИҶШС аз рӯи варзиши сабук рекордсмени дивизия шуд.
Соли 1974 оид ба дзю-до меъёри устоди спорти ИҶШС-ро иҷро кард. Соли 1977 дар Бозиҳои спортии деҳоти ИҶШС дар шаҳри Кишинёви Ҷумҳурии Молдова бори сеюм ҷойи якумро мушарраф гардид. Чандин сол ба ҳайси раиси Кумитаи варзиши ҷумҳурӣ фаъолият намуд.
Мо, кормандони донишкада, аз он ифтихор дорем, ки Саидмӯъмин Раҳимов дастпарвару хатмкардаи ин муассисаи таълимӣ мебошад. Барои боло рафтани сатҳи донишкада ва донишандӯзиву маҳорати варзишии донишҷӯён пайваста дастуру маслиҳатҳои судбахш медод. Инчунин бо иштироку сӯҳбатҳои самимиву гармаш шӯълаҳои умедро барои ноил шудан ба дастовардҳои бузурги ҷаҳон дар дилҳои мо фурӯзон медошт. Албатта, ин ҳама ба пешрафти фаъолияти мо ва муваффақиятҳои шогирдони муассиса таъсири неки худро гузошт.
Ба номи ҷаҳонпаҳлавон, устоди зиндаёд Саидмӯъмин Раҳимов номгузорӣ шудани донишкада моро вазифадор месозад, ки сатҳи таълимро боз беҳтар намоем, то шогирдон дар арсаи олам ба пирӯзиҳои бузург ноил гарданд.

Шодӣ САФАРОВ,
ректори Донишкадаи давлатии тарбияи
ҷисмонии ба номи Саидмӯъмин Раҳимов

Шанбе, 1 августи  соли  2009.  № 96 (21 603). Соли 85-уми нашр.


Баёни ақида (0)    Санаи нашр:    №:    Мутолиа карданд: 774

28.02.2020


ҶАРАЁНИ ОМОДАГИҲО БА БАРГУЗОРИИ КОНФЕРЕНСИЯИ БАЙНАЛМИЛАЛӢ МАТРАҲ ШУД

ОҒОЗИ БУНЁДИ БОЗ ЯК ОСОИШГОҲ ДАР ГУЛИСТОН

ДАР НАМОИШГОҲИ БАЙНАЛМИЛАЛИИ «ИНТУРМАРКЕТ – 2020» ИМКОНИЯТҲОИ САЙЁҲИИ ТОҶИКИСТОН МУАРРИФӢ МЕГАРДАНД

ХАТМКУНАНДАГОНИ БАРНОМАИ ДАСТГИРИИ МАБЛАҒГУЗОРИИ ТИҶОРАТӢ СОҲИБИ ШАҲОДАТНОМА ШУДАНД

ҲАМКОРИИ БМТ ВА КОРПОРАТСИЯИ БАЙНАЛМИЛАЛИИ МОЛИЯВӢ

“ГАНҶИ СУХАН”. ҲАМОИШЕ, КИ МАЪРИФАТ МЕАФЗОЯД

ХУРОСОН ҲУСНИ ТОЗА МЕГИРАД

ҶОМИ КФО – 2020. "ХУҶАНД" БА МАРҲАЛАИ ГУРӮҲӢ РОҲ ЁФТ

AMAZON АВВАЛИН МАРКАЗИ САВДО БИДУНИ ХАЗИНА КУШОД

ӮЗБЕКИСТОН ВА УКРАИНА АЛОҚАИ РОҲИ ОҲАНРО БАРҚАРОР НАМУДАНИЯНД

ИТТИҲОДИ АВРУПО САНАИ МУЗОКИРОТ БО БРИТАНИЯРО ОИД БА ШАРИКӢ ГУФТ

ИМА: АФҒОНИСТОН БОЯД ДАР ФИКРИ ҚАТЪИ ҶАНГ БО "ТОЛИБОН" БОШАД

Ҷаҳон дар як сатр

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР


Дар сомонаҳои дигари Тоҷикистон хонед