logo

сиёсат

БОЗДИДИ САРВАРИ ДАВЛАТ АЗ МАРКАЗИ ТАЪЛИМИИ "ПОЙТАХТ"

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба маркази таълимии «Пойтахт» - и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар ноҳияи Фирдавсии шаҳри Душанбе ташриф оварда, дар расми ифтитоҳи иншооти нави ин марказ иштирок намуданд.

Президенти Ҷумҳурии Тоҷикистон Эмомалӣ Раҳмон дар марказ коргоҳи дӯзандагӣ, толори маҷлису чорабиниҳои фарҳангӣ, бинои наву муосири таълимӣ ва таълимгоҳи радиотехникии идоракунии сарҳадро мавриди баҳрабардорӣ қарор дода, бо шароиту имконияти таълимию бозомӯзии сарҳадбонони мамлакат аз наздик шинос шуданд.
Маркази таълимии «Пойтахт» пойгоҳи асосии таълимию бозомӯзии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ба ҳисоб рафта, то имрӯз дар он шумораи зиёди сарбозони навдаъват, мутахассисони ҳарбии махсус, аз қабили минаҷӯён, алоқачиён, кинологҳо, ронандаҳо, нишонзанҳо ва тирандозон ба бозомӯзию таълим фаро гирифта шудаанд ва барои идома додани хизмат ба қисмҳои ҳарбии сарҳадӣ сафарбар гардидаанд.
Бинои таълимӣ, таълимгоҳи радиотехникӣ, толори маҷлису чорабиниҳои фарҳангӣ ва коргоҳи дӯзандагӣ дар доираи дастуру супоришҳои бевоситаи Пешвои миллат муҳтарам Эмомалӣ Раҳмон ҷиҳати баланд бардоштани савияи донишу малака, омодагии ҳарбӣ, рӯҳияи сарбозӣ ва ҳисси худшиносию ватанпарастии муҳофизони сарҳад бунёд гардида, бо муосиртарин таҷҳизоти таълимию хизмати марзбонӣ таъмин мебошанд.
Бинои таълимӣ ва толори маҷлис бо 500 ҷои нишаст аз ҷониби ҶДММ «Сарманзил - 2014» ба маблағи умумии 2 800 000 сомонӣ бунёд гардида, корҳои сохтмону васлкунии таълимгоҳи муосири радиотехникии идоракунии сарҳадро ҶДММ «Мурод - 2010» ба сомон расондааст. Коргоҳи дӯзандагӣ низ дар муҳлати кӯтоҳ бунёд ва бо таҷҳизоти зарурӣ, аз қабили мошинаҳои дӯзандагӣ ва дастгоҳи пахтазанӣ таъмин карда шудааст.
Бинои таълимии навбунёд аз бист толори бозомӯзию такмили маҳорати низомӣ иборат буда, бо таҷҳизоти муосиру электронии ҳарбӣ-таълимӣ таъмин мебошад. Дар таълимгоҳи навбунёд аз рӯи 18 ихтисос кадрҳои низомии ҷавон омода гардида, ба бозомӯзӣ фаро гирифта мешаванд ва он барои бевосита гузарондани машқҳои таълимии низомӣ ва бозомӯзӣ бо истифода аз амалиётҳои электронӣ ниҳоят мувофиқ аст. Бартарияти таълимгоҳи навбунёд дар он мебошад, ки машқҳои таълимии низомӣ ва таҷрибаҳои бозомӯзӣ бо истифода аз техникаю муҳимоти ҷангии электронӣ гузаронда шуда, аз ин баъд хароҷот ва масрафи зиёдатии яроқу дигар лавозимоти низомиро ҳангоми машқҳо ба маротиб коҳиш медиҳад.
Зимни шиносоӣ Сарвари давлат Эмомалӣ Раҳмон ба таҷрибаи фаъолияти ин гуна таълимгоҳҳои низомӣ, ки дар минтақа бемисл аст, баҳои баланд дода, барои такмилу тақвияти маҳорату малакаи хизматчиёни Қувваҳои Мусаллаҳ, беҳтар гардондани шароиту имкониятҳои хизмати марзбонӣ ва дар ҳолати хуби корӣ нигоҳ доштани ин гуна марказҳои таълимӣ ба роҳбарони сохторҳои низомӣ ва мақомоти ҳифзи ҳуқуқу тартибот дастуру супоришҳои мушаххас доданд.
Дар бинои таълимии радиотехникии идоракунии сарҳад ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳ муҳтарам Эмомалӣ Раҳмон омодагии сарҳадбонон дар самти ташкил ва гузарондани амалиёти ошкору дастгирсозӣ ва безарар гардондани гурӯҳи қочоқбарон ва марзшиканон пешкаш гардонда шуд.
Барои гузарондани чунин намоишҳо дар ин таълимгоҳ нақшаи яке аз минтақаҳои сарҳадии Тоҷикистону Афғонистон сохта шуда, барои гузарондани он ҳайати шахсӣ ва техникаю сагҳои хизматии Қӯшунҳои сарҳадӣ ҷалб гардиданд.
Президенти мамлакат Эмомалӣ Раҳмон баъди шиносоӣ бо фаъолияти маркази таълимии «Пойтахт» дар толори навбунёди «Кохи Шараф» бо ҳайати шахсии ҷузъу томҳои низомии мамлакат вохӯрӣ намуданд. Дар вохӯрӣ аз ҳайати шахсии сохторҳои низомӣ бори дигар даъват ба амал оварда шуд, ки ба Ватан хизмати содиқонаю софдилона карда, дар ҳифзи дастоварду музаффариятҳои даврони соҳибистиқлолӣ саҳми муносиб гузоранд.
Дар маҷмӯъ тақвият бахшидани ҳифзи марзи давлатӣ, боло бурдани сатҳи омодагии ҷузъу томҳои низомӣ ва беҳсозии таъминоти моддию техникии онҳо, таҳкими интизоми ҳарбӣ, баланд бардоштани рӯҳияи маънавӣ, ҳисси ватандӯстию масъулиятшиносӣ ва таҷрибаву маҳорати касбии муҳофизони марз аз тадбирҳои муҳим ва асосие мебошанд, ки пайваста дар маркази таваҷҷуҳи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор доранд.
Бунёд ва мавриди баҳрабардорӣ қарор гирифтани иншооти нави маркази таълимии «Пойтахт» - и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон низ аз ҷумлаи тадбирҳоест, ки маҳз дар доираи талабот ва дастуру супоришҳои Президенти Ҷумҳурии Тоҷикистон Эмомалӣ Раҳмон анҷом дода шудааст.


Баёни ақида (0)    Санаи нашр: 22.02.2017    №: 40    Мутолиа карданд: 1802

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед