logo

сиёсат

ИШТИРОКИ ЭМОМАЛӢ РАҲМОН ДАР ҶАЛАСАИ СОЗМОНИ ҲАМКОРИИ ИҚТИСОДӢ

Шоми 28 феврали соли 2017 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади иштирок дар ҷаласаи сарони давлатҳои аъзои Созмони ҳамкории иқтисодӣ вориди шаҳри Исломободи Ҷумҳурии Исломии Покистон шуданд.

Дар Фурудгоҳи байналмилалии шаҳри Исломобод Президенти Ҷумҳурии Тоҷикистон Эмомалӣ Раҳмонро намояндагони воломақоми кишвари мизбон гарму самимӣ истиқбол гирифтанд.
Ба хотири пазироии меҳмони олимақом горди фахрӣ ва оркестри нафасӣ саф кашида, майдони фурудгоҳ бо парчамҳои Тоҷикистону Покистон, аксҳои сарони давлатҳои ду кишвар ва шиору навиштаҷот оро ёфта буд.
Дар маросими истиқболи Пешвои миллат муҳтарам Эмомалӣ Раҳмон Суруди миллии Ҷумҳурии Тоҷикистон садо дода, аз тӯпхонаҳо шиллик парронда шуд.


1 март дар шаҳри Исломободи Ҷумҳурии Исломии Покистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кори Иҷлосияи 13 - уми Созмони ҳамкории иқтисодӣ иштирок ва суханронӣ намуданд.

Созмони ҳамкории иқтисодӣ ниҳоди муътабари минтақавию байнидавлатии иқтисодӣ буда, Ҷумҳурии Тоҷикистон аз соли 1992 узви он мебошад. Моҳи сентябри соли 2004 вохӯрии 8 - уми сарони давлатҳо ва ҳукуматҳои кишварҳои аъзои ин созмон дар шаҳри Душанбе баргузор шуда буд.
Дар кори Иҷлосияи 13 - уми Созмони ҳамкории иқтисодӣ сарони давлатҳо ва ҳукуматҳои Ҷумҳурии Тоҷикистон, Озарбойҷон, Туркия, Туркманистон, Қазоқистон, Қирғизистон, Покистон, Эрон ва муовини Сарвазири Ҷумҳурии Ӯзбекистон, сафири Ҷумҳурии Исломии Афғонистон дар Покистон, ҳамчунин намояндагони Ҷумҳурии Туркияи Кипри Шимолӣ, Ҷумҳурии Мардумии Чин, Созмони Милали Муттаҳид иштирок намуданд.
 Кори иҷлосия бо нутқи муқаддимавии раиси Иҷлосияи 12 - уми Созмони ҳамкории иқтисодӣ - Президенти Ҷумҳурии Озарбойҷон Илҳом Алиев  оғоз гардида, Сарвазири Ҷумҳурии Исломии Покистон Навоз Шариф раиси иҷлосияи 13 - ум интихоб шуд.
Зимни суханронии худ дар кори иҷлосия Президенти Ҷумҳурии Тоҷикистон Эмомалӣ Раҳмон изҳор доштанд, ки дар давраи мавҷудияти худ Созмони ҳамкории иқтисодӣ ба рушду тавсеаи бештару хубтари ҳамкориҳои бисёрҷонибаи кишварҳои аъзо мусоидати фаъол карда, дар ин самт бо талошҳои муштарак заминаи ҳуқуқии ҳамкории ҷонибҳо дар самтҳои афзалиятнок ташаккул ёфтааст ва ҷиҳати густариши тиҷорати байни кишварҳо, рафтуомади мардум ва ҳамлу нақли транзитӣ шароити созгор фароҳам оварда шудааст.
Сарвари давлати Тоҷикистон Эмомалӣ Раҳмон таъкид намуданд, ки рушду тавсеаи робитаҳои гуногунҷанба бо кишварҳои аъзои созмон аз самтҳои муҳими сиёсати хориҷии Тоҷикистон ба ҳисоб рафта, саҳми онҳо дар гардиши савдои берунаи Ҷумҳурии Тоҷикистон беш аз 36 фоизро ташкил медиҳад.
Дар суханронии худ Президенти Ҷумҳурии Тоҷикистон Эмомалӣ Раҳмон барои тақвияти ҳамгироии давлатҳои аъзои Созмони ҳамкории иқтисодӣ дар соҳаи иқтисоду тиҷорат, сармоягузорӣ, низоми нақлиётию транзитӣ, сохтмони иншооти энергетикӣ ва инфрасохтори сайёҳӣ, истифодаи самараноки захираҳои гидроэнергетикӣ ва татбиқи лоиҳаҳои хурду бузурги минтақавӣ пешниҳодҳои судманд намуданд.
Рушди ҳамкории минтақавӣ дар роҳи истиқрори сулҳу субот дар Афғонистон ва таъмини амнияту суботи тамоми минтақа аз ҳадафҳои муҳими роҳбарияти давлату Ҳукумати Ҷумҳурии Тоҷикистон арзёбӣ шуд ва таъкид гардид, ки Тоҷикистон аз ҷалби ҳамсояи наздики худ – Афғонистон ба равандҳои ҳамгироии минтақавӣ ба хушнудӣ истиқбол намуда, аз фаъолияти фонди махсуси Созмони ҳамкории иқтисодӣ оид ба барқарорсозии Афғонистон ва ҷараёни татбиқи Нақшаи чорабиниҳо оид ба таҷдиди иншооти иҷтимоӣ дар ин кишвар ҷонибдорӣ менамояд.
Изҳори итминон карда шуд, ки Созмони ҳамкории иқтисодӣ ва кишварҳои аъзои он дар татбиқи нақшаҳо ва ҳадафу вазифаҳои вобаста ба захираҳои об дар доираи Даҳсолаи байналмилалии амал «Об барои рушди устувор» барои давраи солҳои 2018 - 2028, ки бо ташаббуси Ҷумҳурии Тоҷикистон ва қатъномаи махсуси Созмони Милали Муттаҳид эълон гардидааст, фаъолона иштирок менамоянд.
Сарвари давлат Эмомалӣ Раҳмон бори дигар омодагии Ҳукумати Тоҷикистонро барои густариши муносибатҳои мутамаддин ва ҳамкориҳои васею воқеӣ бо ҳамаи кишварҳои хайрхоҳ ва созмонҳои байналмилаливу минтақавӣ таъкид намуда, изҳор доштанд, ки ин мавқеи созгори сиёсати хориҷии Тоҷикистон буда, бар усулҳои пазируфташуда ва халалнопазири дӯстии пойдор, баробарҳуқуқӣ ва эътимоду эҳтироми мутақобила асос ёфтааст. Изҳори умед карда шуд, ки натиҷаҳои кори иҷлосияи имрӯза боз як омили муассире дар тақвияти бештари ҳамкориҳои судманди иқтисодии кишварҳои аъзои он мегардад.
Вобаста ба дурнамои ҳамкориҳои минтақавии давлатҳои аъзои созмон табодули афкори судманд доир гардида, аз ҷониби сарони давлатҳо ва ҳукуматҳои кишварҳои аъзои Созмони ҳамкории иқтисодӣ Эъломияи Исломобод қабул карда шуд.
Дар хотима барои саҳми назаррас дар рушди илм ва соҳаҳои гуногун ба 7 нафар олим, аз ҷумла, ба намояндаи Ҷумҳурии Тоҷикистон, саркотиби илмии Академияи илмҳои Ҷумҳурии Тоҷикистон, доктори илмҳои биология Абдусаттор Саидов ҷоизаи Созмони ҳамкории иқтисодӣ дар соҳаи илм ва технология супурда шуд.


1 март дар доираи иштирок дар кори Ичлосияи 13 - уми Созмони ҳамкории иқтисодӣ Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Исломобод бо Президенти Ҷумҳурии Туркия Реҷеп Тайип Эрдоган мулоқот намуданд.

Дар вохӯрӣ вазъ ва дурнамои муносибатҳои дуҷониба ва бисёрҷонибаи Тоҷикистону Туркия мавриди баррасӣ қарор гирифтанд.
Барои рушду тавсеаи бештари ҳамкории байнидавлатӣ ҳавасмандии зиёд зоҳир гардид ва таъкид шуд, ки дар давоми 25 соли барқароршавии муносибатҳои дипломатии Тоҷикистону Туркия бо талошҳои муштарак ҳамгироии байнидавлатӣ дар соҳаҳои сиёсӣ, иқтисодӣ ва иҷтимоӣ бемайлон густариш ёфта, сатҳу зинаҳои беҳтару хубтареро касб кардаанд.
Ҷонибҳо ҷиҳати рушди муомилоти иқтисодию тиҷоратӣ ва дарёфти роҳу усулҳои нави беҳтарсозии нишондиҳандаҳои гардиши савдои берунии байнидавлатӣ фикру мулоҳизаҳои судманд баён намуданд.
Тақвияти кори Комиссияи муштараки байниҳукуматӣ оид ба ҳамкориҳои иқтисодиву тиҷоратӣ, таҳкими ҳамкориҳои минтақавӣ дар бахшҳои энергетикаву коммуникатсия, ҷалби доираи соҳибкорию сармоягузории ҷониби Туркия дар татбиқи лоиҳаҳои бунёди корхонаҳои муштарак ва ба роҳ мондани ҳамкории манфиатбори дуҷониба дар соҳаҳои саноат, кишоварзӣ, нақлиёти байналмилалӣ ва туризм, аз самтҳои афзалиятнок ва ояндадори робитаҳои густурдаи байнидавлатӣ арзёбӣ гардид.
Сарони давлатҳо ҷиҳати гузарондани нахустин Шӯрои ҳамкории Тоҷикистону Туркия, рӯзҳои фарҳангии ду давлат дар кишварҳои ҳамдигар, табодули донишҷӯёну омӯзгорон, хусусан афзун намудани шумораи квотаҳои таҳсил дар муассисаҳои олии таълимии Туркия барои шаҳрвандони Тоҷикистон ва роҳандозии робитаи пайвастаи аҳли илму эҷод ба мувофиқа расиданд.
Ҳар ду ҷониб барои таҳкими муштаракоти дуҷонибаю минтақавӣ дар мубориза бар зидди терроризму экстремизми байналмилалӣ ва мусоидат ба раванди барқарорсозии сулҳу субот дар Афғонистон ҳамфикрии хешро таъкид намуданд.
Президенти Ҷумҳурии Туркия Реҷеп Тайип Эрдоган аз Президенти Ҷумҳурии Тоҷикистон Эмомалӣ Раҳмон даъват ба амал овард, ки дар фурсати муносиб бо сафари расмӣ ба Туркия ташриф оваранд. Даъват бо камоли майл пазируфта шуд.


1 март дар ҳошияи Иҷлосияи 13 - уми Созмони ҳамкории иқтисодӣ мулоқоти Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Сарвазири Ҷумҳурии Исломии Покистон Муҳаммад Навоз Шариф баргузор шуд.

Аз дидори наву фурсати муносиб барои суҳбати самимӣ изҳори хушнудӣ карда, ҷонибҳо вазъи кунуниву дурнамои муносибатҳои гуногунҷанба ва масъалаҳои вобаста ба ҳамкориҳои минтақавию байналмилалии Тоҷикистону Покистонро мавриди баррасӣ қарор доданд.
Аз рушду тавсеаи бештари муносибатҳои байнидавлатӣ изҳори қаноатмандӣ карда шуд ва таъкид гардид, ки муколамаҳои мунтазами сатҳи баланди сиёсӣ асоси таҳкими равобит ва ҳамкории ду кишвари дӯст дар ҳама арсаҳо ва соҳаҳо ба ҳисоб мераванд.
Ҷонибҳо доир ба иштироки фаъол дар татбиқи лоиҳаи минтақавии сохтмони хати барқи баландшиддати CАSА - 1000, ҷалби имкониятҳои сармоягузории Покистон ба лоиҳаҳои гидроэнергетикӣ, инфрасохторӣ, нақлиётӣ ва транзитии Тоҷикистон ва рушди тиҷорати байни Тоҷикистону Покистон бо истифода аз долони иқтисодии Чину Покистон фикру мулоҳизаҳои судманд баён доштанд.
Ба сатҳи ҳамкориҳои Тоҷикистон бо Покистон дар чаҳорчӯбаи созмонҳои ҷаҳонию минтақавӣ, аз ҷумла дар доираи Созмони Милали Муттаҳид, Созмони ҳамкории Шанхай, созмонҳои ҳамкории иқтисодӣ ва ҳамкории исломӣ баҳои баланд дода шуд.
Дар мулоқот ҳамзамон масоили ҳамкориҳои сохторҳои қудратӣ, ниҳодҳои мудофиавӣ ва хадамоти амниятии Тоҷикистону Покистон, иштироки фаъол дар мубориза бар зидди терроризму экстремизми байналмилалӣ, қочоқи маводи мухаддир ва мусоидати бештар ба таъмини сулҳу амният дар кишвари Афғонистон мавриди баррасӣ қарор гирифтанд.


Баёни ақида (0)    Санаи нашр: 02.03.2017    №: 48-49    Мутолиа карданд: 1519
17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД

СҲШ, ИДМ ВА СААД БОРИ АВВАЛ АЛАЙҲИ ТЕРРОРИЗМ МАШҚҲОИ МУШТАРАК МЕГУЗАРОНАНД

ҶАҲОН ДАР ЯК САТР

ФУТБОЛ. ТОҶИКИСТОН БАР ТИМИ ӮЗБЕКИСТОН ҒОЛИБ ОМАД

ТОҶИКИСТОН. 7 ҲАЗОРУ 581 БЕМОРИ COVID – 19 ШИФО ЁФТ

04.09.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 7 ҲАЗОРУ 482 КАС РАСИД

ОЗМУНИ XVII БАЙНАЛМИЛАЛИИ «САНЪАТИ КИТОБ». «УФУҚҲОИ ИСТИҚЛОЛ» СОҲИБИ ШОҲҶОИЗА ГАРДИД

ПЕСКОВ БА АЙБДОРСОЗИИ МОСКВА ДАР ҲОДИСА БО НАВАЛНИЙ ҶАВОБ ГАРДОНД


Дар сомонаҳои дигари Тоҷикистон хонед