logo

иқтисод

ПАХТА. БО ҲАШАРОТ ВА КАСАЛИҲО ЧӢ ГУНА МУБОРИЗА БАРЕМ?

Пахта зироати асосии кишоварзӣ ба ҳисоб рафта, солҳои охир ба рушди соҳа аҳамияти ҷиддӣ дода мешавад. Дар натиҷаи роҳандозии тадбирҳои саривақтии агротехникӣ пахта ҳосили хуб медиҳад. Лекин сари вақт мубориза набурдан бар зидди зараррасонҳо ва касалиҳо зимни инкишофи интенсивии онҳо барои гирифтани ҳосили хушсифат монеаи ҷиддӣ пеш меорад.
Ҳимояи рустаниҳо аз организмҳои зараррасон ва касалиҳо нақши муҳим дорад.
Аз ҳашароти зараррасон дар киштзорҳои пахта бештар кирми ғӯза, кирми тирамоҳӣ, сафедболакҳо, ширинчаҳо, трипси тамоку, тортанаккана ва аз касалиҳо пажмурдашавии вертисиллёзӣ, пажмурдашавии фузариозӣ, пӯсиши реша ва гоммоз зарари калон мерасонанд.
Муборизаи барвақтӣ бар зидди ҳашароти зараррасон ва касалиҳо нақши муҳим дорад. Дар давраи нашъунамои ниҳолҳо вобаста ба шароити иқтисодии хоҷагиҳои пахтакор мубориза бар зидди ҳашароту касалиҳо бо усулҳои агротехникӣ, кимиёӣ ва биологӣ ба амал бароварда мешавад.
Тавассути сари вақт ҷамъ овардани ғӯзапоя, боқимондаҳои зироатҳо, шудгори тирамоҳӣ ва нест кардани алафҳои бегонаи атрофи майдонҳо миқдори зараррасонҳои зимистонгузаронро  70 – 80 % кам кардан мумкин аст.
Яке аз усулҳои пурсамари ҳозиразамони пешгирии паҳншавии ҳашароти зараррасон ва ба қадри имкон кам кардани миқдори онҳо васеъ истифода бурдани домҳои феромонӣ мебошад. Домҳои феромониро ба ҳар як гектар ду ё сетогӣ дар вақти бегоҳирӯзӣ мегузоранд.
Озмоишҳо нишон доданд, ки дар як шабонарӯз ба домҳои феромонии истеҳсоли Ҳиндустон аз 82 то 95 ва ба домҳои феромонии истеҳсоли Молдова 23 – 28 фард шапалаки кирми пахта афтидааст, ки ин нишондоди баланд мебошад. Ба хоҷагиҳои пахтакор тавсия дода  мешавад, ки домҳои феромониро васеъ истифода баранд.
Дар майдони пахта дар қитъаҳои хурд рустаниҳои шаҳддиҳанда (шибит, кашнич, райҳон, ҷамбил, хуҷаста, ҳино коштан хуб аст. Дар вақти гулкунии мавсимӣ рустаниҳои шаҳддиҳанда миқдори зиёди ҳашароти фоидаоварро (энтомофагҳоро) ҷалб менамоянд, ки ин паҳншавии зараррасонҳои пахтаро пешгирӣ менамояд.
Баъди ба итмом расидани кишти пахта сари вақт нобуд сохтани алафҳои бегонаи гирду атрофи заминҳо, ки ҳашаротҳо дар онҳо тухми худро мегузоранд, зарур аст.
Барои коркарди пахта дар давоми нашъунамо бар зидди ҳашароти зараррасон пеститсидҳои Конфидор, Кинмикс, Аплауд,  БИ – 58 (нав), Рогор – С, Суми – алфа, бар зидди касалиҳо ва барои коркарди тухмӣ доруҳои Субтилбен – 26 D, Бранатак ва дар давоми нашъунамои пахта пошидани доруи Субтилбен – 26 D тавсия дода мешавад.
 Чораҳои  пешниҳодшударо сари вақт истифода бурда, ҳосили хушсифат  ба даст овардан имконпазир аст.
Қаҳҳор ҚАҲҲОРОВ,
мудири кафедраи ҳифз ва карантини  рустаниҳои  ДАТ  ба номи Шириншоҳ Шоҳтемур,  доктори илмҳои кишоварзӣ


Баёни ақида (0)    Санаи нашр: 10.04.2017    №: 73    Мутолиа карданд: 385

24.05.2018


Симои сиёсӣ ва фарҳангии Пешвои миллат

Мулоқоти Шукурҷон Зуҳуров бо Алекен Еминбахэ

Вохӯрии ҳайати вазоратҳои корҳои дохилии Тоҷикистону Ӯзбекистон

Рӯнамоии иқтидори сайёҳии кишвар дар Боку

ҶАЙҲУН. ПИЁЗ ЗИЁДУ ХАРИДОР КАМ

Ҷаҳон дар як сатр

СҲШ: таваҷҷуҳи вижа ба таъмини амнияти лоиҳаҳои байналмилалии стратегӣ

Ширкати 15 ҳазор меҳмон дар ҳамоиши иқтисодии Петербург

Макрон бо умеде ба Санкт-Петербург меояд, ки «Русияро ба Аврупо орад»

Дар Ҳилманд 15 нафарро аз асорати «Толибон» озод карданд

Қазоқистон гандуми бисёрсола парвариш кардан мехоҳад

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ


Дар сомонаҳои дигари Тоҷикистон хонед