logo

иҷтимоиёт

ВАҲДАТ БА ВАҲДАТ ОМОДАГӢ МЕГИРАД

Ҷашни 20 - солагии Ваҳдати миллӣ имсол дар шаҳри Ваҳдат баргузор мешавад. Бо мақсади дар сатҳи баланд таҷлил намудани ин ҷашни бузурги миллӣ омодагиҳо  рӯз то рӯз вусъат меёбанд.
- То имрӯз дар 11 ҷамоати шаҳраку деҳот, назди биноҳои ташкилоту муассисаҳо, корхонаҳо ва шафати роҳҳои мошингард беш аз 51 ҳазор бех гулу буттаҳо ва ниҳолҳои ороишиву сояафкан шинонда шудааст, - иброз дошт Ислом Ҳайдарзода, роҳбари дастгоҳи раиси шаҳри Ваҳдат.
Дар нақшаи чорабиниҳои шаҳрдорӣ бунёди иншооти истиқоматию маъмурӣ, таълимию варзишӣ ва истеҳсолӣ яке аз бахшҳои асосиро ташкил медиҳад. Айни ҳол сохтмони биноҳои истиқоматии 6 - ошёна  бо маркази савдо дар кӯчаи Рӯдакӣ ва ҳафтошёна дар кӯчаи Сомониён, корхонаҳои истеҳсоли афшураи мева, коркарди сабзавот, истеҳсоли мебел ва маҳсулоти сохтмонӣ пурра ба сомон расидааст. Корҳои сохтмонӣ дар биноҳои чорошёнаи маркази ташхису табобат, ду панҷошёна, се сездаҳошёна,  як бистуякошёнаи истиқоматӣ, бинои нави маъмурии ШВКД, варзишгоҳ барои 25 ҳазор ҷойи нишаст ва  бинои муассисаи таълимӣ барои 640 ҷойи нишаст бо маром ҷараён доранд. То Ҷашни 20 - солагии Ваҳдати миллӣ ин иншооти тозабунёд ба истифода дода мешаванд.
Ҳамчунин, сокинон, кормандони корхонаю ташкилот, муассисаҳо, ҷамоатҳои шаҳраку деҳот дар тамоми гӯшаву канори шаҳр, кӯчаю маҳалла, оромгоҳҳо, шоҳроҳи  Душанбе - Ваҳдат,  Ваҳдат - Файзобод, Ваҳдат - Кӯлоб барои боз ҳам ободу зеботар гардондани шаҳр рӯзҳои истироҳат ба ҳашари умумишаҳрӣ мебароянд. Дар назар аст, ки то рӯзи ҷашн дар боғи фарҳангию фароғатии шаҳр иншооти Парчами миллӣ бо баландии 50 метр афрохта шавад. Дар доираи корҳои ободонӣ  ҳамаи биноҳои истиқоматии баландошёна таъмир ва рангубор карда, мешаванд.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 28  августи соли 2014 санги аввали сохтмони яке аз калонтарин варзишгоҳҳои кишварро, ки дар масоҳати 7,5 гектар барои 25 ҳазор тамошобин бунёд мешавад, гузошт ва ин боиси сарфарозии сокинони шаҳр гардид. Варзишгоҳ ҳамчун макони баргузории бозиҳои байналмилалии варзишӣ ва тантанаҳои ҷашнӣ пешбинӣ шудааст.
- Дар сохтмони варзишгоҳ кормандони ҳамаи ҷамоатҳои шаҳраку деҳот ва идораю муассисаҳои шаҳр саҳм гирифта истодаанд, - гуфт Фотима Табарова, директори варзишгоҳ.     
Ифтитоҳи ду иншооти бузурги ҷашнӣ - варзишгоҳ ва муассисаи таълимӣ барои 640 ҷой дар маҳаллаи 20 - солагии Истиқлолияти давлатӣ бо иштироки Пешвои миллат муҳтарам Эмомалӣ Раҳмон сурат мегирад. Корҳои сохтмонии ин ду иншоот ба андозаи 85 дарсад иҷро гардидаанд.
Бино ба гуфтаи Ислом Ҳайдарзода, дар канори варзишгоҳ бунёди боғи фарҳангию фароғатӣ дар майдони 3,5 гектар ба нақша гирифта шудааст. Чароғонкунӣ, ҳамвору мумфаршсозии кӯчаву растаҳои маркази шаҳр, аз ҷумла хиёбони Рӯдакӣ, кӯчаҳои Сомониён, 20 - солагии Истиқлолият ва маҳаллаи Роҳатӣ, бомаром идома доранд. Баъди ба истифода додани иншооти ҷашнӣ шумораи зиёди сокинони маҳаллӣ бо ҷои кор ва маоши хуб таъмин хоҳанд шуд. 
Раҳматулло КАРИМЗОДА, «Ҷумҳурият»


Баёни ақида (0)    Санаи нашр: 11.04.2017    №: 74    Мутолиа карданд: 216

14.11.2017


Ҷаласаи якҷояи тадорукоти чорабиниҳои байналмилалӣ

Мулоқоти Сироҷиддин Аслов ва Эрлан Абдилдаев

Таъсиси шабакаи нави телевизионӣ

Бизнес - форуми соҳибкорони Тоҷикистону Ҳиндустон баргузор хоҳад гашт

Ҷаҳон дар як сатр

Ҳалокати беш аз 450 нафар аз заминҷунбӣ дар Эрон

Трамп ҷонибдори сабуксозии таҳримоти зиддирусӣ

Занон ва кӯдаконро аз Сурия ба Грозний оварданд

Коршиносон кишварҳоеро ном гирифтанд, ки аз тағйироти иқлим бештар зарар диданд

Чин. Минтақаи политсияро роботҳо «забт карданд»

13.11.2017


Ҷаҳон дар як сатр

Путин ва Трамп кишварҳои дунёро ба афзунсозии ёрӣ ба Сурия даъват карданд

Трамп қазияи «дахолати русӣ» - ро монеаи сунъии муносибатҳо номид

Пазироии Бангкок аз намояндагони СҲШ ва ЭСКАТО

Норасидтарин кӯдаки дунё дусола шуд

11.11.2017


Баррасии масъалаи истифодаи технологияҳои инноватсионӣ дар соҳаи роҳсозӣ

Тасвиби Ёддошти тафоҳум байни Вазорати мудофиа ва САҲА

Вохӯрӣ бо Мирча Чиопрага

Ҷарроҳии ройгони кӯдакон ва наврасон

ФУТБОЛ. Тими ҷавонони кишвар ба Чемпионати Осиё роҳхат гирифт

09.11.2017


Мулоқоти Сироҷиддин Аслов ва Муҳаммад Ҷавод Зариф

Баррасии масоили ҳамкории минтақавӣ дар соҳаи назорати маводи нашъаовар

Таҷлили Рӯзи милитсия дар Тоҷикобод

Роҳсозони ИДМ дар Душанбе ҷамъ омаданд

ФУТБОЛ. Ин бор миёни бонувон

Ҷаҳон дар як сатр

Путин ва Трамп дар ҳамоиши АТЭС қазияи ҶХДК - ро баррасӣ мекунанд

Артиши Сурия охирин истеҳкоми «Давлати исломӣ»-ро ба муҳосира гирифт

СММ давлатҳои арабро ба лағви муҳосираи Яман даъват намуд

Столтенберг: «Пас аз торумори «ДИ» амалҳои террористӣ дар Аврупо ва ИМА эҳтимол доранд»

Маҳви 54 ҳазор ҷангӣ дар Сурия

Дар Арабистони Саудӣ 800 миллиард долларро мусодира мекунанд

06.11.2017


Шукурҷон Зуҳуров ҳайати Парлумони Аврупоро ба ҳузур пазируфт

Тақвияти ҳамкориҳо бо Япония


Дар сомонаҳои дигари Тоҷикистон хонед