logo

иқтисод

ЗАРШӮӢ. ТАЪМИНИ ШАРОИТ ДАР МАДДИ АВВАЛ

Мавзӯъ аз раванди татбиқи «Нақшаи чорабиниҳои Ҳукумати Ҷумҳурии Тоҷикистон оид ба беҳтар кардани фазои сармоягузорӣ дар бахши саноат, дастгирии соҳибкории истеҳсолӣ ва рушди истеҳсолоти миллӣ барои солҳои 2016 – 2018» сарчашма гирифт. Он рушди саноати маъдан тавассути сода кардани ҷараёни таъсиси артелҳо барои истихроҷи канданиҳои фоиданок мебошад.
 
Таъсиси артелҳои заршӯӣ яке аз самтҳои фаъолияти соҳибкорӣ ба ҳисоб меравад. Ба он мардум аз қадим таваҷҷуҳ доштанд. Дар даврони шӯравӣ ҳатто барои ҷалби одамон ба ин кор ва истихроҷи барзиёди кон мукофотпулӣ пешниҳод мегардид, барои худфаъолоне, ки дар артелҳо ва ё тибқи шартнома бо корхонаҳои истихроҷи тилло кор мекарданд, дафтарчаҳои меҳнатӣ мекушоданд, то ин ки худфаъолон собиқаи корӣ пайдо карда, аз ҳамаи имтиёзҳои мавҷуда дар оянда истифода баранд.
Коршиносони соҳаи геология бартарияти истихроҷ ва коркарди конҳои пошхӯрдаро дар нисбат ба конҳои маъдан осон ва бе харҷи маблағҳои калон муҳим арзёбӣ мекунанд. Ба андешаи онҳо, фаъолияти озод яке аз роҳҳои хуби коркарди конҳо бе пардохти маблағ аз буҷет ба ҳисоб меравад. Одамон бе талаби маблағ метавонанд худашон (бо гузаштан аз курсҳои махсуси геологӣ) аз маҷрои дарёҳо тилло шуста, ба давлат супоранд. То имрӯз аз 100 ҳазор тонна тиллое, ки дар ҷаҳон истеҳсол шудааст, 25 дарсадаш ба истифодаи конҳои пошхӯрда рост меояд. Дар ҷумҳурӣ соли 2011 ҳиссаи тиллои истеҳсолшуда аз конҳои пошхӯрда 30 дарсадро ташкил дод. Ҷалби шаҳрвандон ба ин намуди фаъолият сатҳи зиндагии аҳолӣ, хусусан мардуми деҳотро бо таъмини ҷойи кор беҳтар мегардонад. Ин самти фаъолият барои сайёҳони хориҷӣ низ ҷолиб аст.
Барои ба таври васеъ таъсис додани  артелҳо сода кардани ҷараёни дастрасии иҷозат муҳим мебошад. Пурзӯр гардондани назорат аз болои фаъолияти ғайриқонунии баъзе аз соҳибкорон ба пешрафти соҳа ва ғанӣ гардондани буҷети давлатӣ мусоидат менамояд.
Вобаста ба ин масъала лоиҳаи Қарори Ҳукумати Ҷумҳурии Тоҷикистон «Дар бораи қоидаҳои додани иҷозат барои истихроҷи канданиҳои фоиданоки пошхӯрда бо усули худфаъолӣ ва худбиёрӣ», ки аз ҷониби Вазорати молияи Ҷумҳурии Тоҷикистон мақоми ваколатдор таҳия шудааст, мавриди баррасӣ қарор дорад.
- Соҳибкорони инфиродие, ки аввалан кори худро аз шустани пошхӯрдаҳо оғоз карданд, марҳила ба марҳила коргоҳҳои хурд бунёд намуданд. Ҳоло теъдоди онҳо  ба 6 адад расидааст, - гуфт Бахтиёр Шарифов, сардори раёсати саноати маъданҳои кӯҳӣ ва металлҳои қиматбаҳои Вазорати саноат ва технологияҳои нави ҷумҳурӣ. Ба андешаи ӯ, аксари коргоҳҳои заршӯӣ дар замони истиқлолият бо фароҳам овардани шароити мусоид бунёд шудаанд. Масалан, дар қад – қади дарёи Яхсу, воқеъ дар ноҳияи Ховалинг заршӯӣ аз қадим маъмул буда, танҳо дар давраи соҳибистиқлолӣ дар ин минтақа ширкатҳои хурди заршӯӣ ба фаъолият оғоз карданд. Қаблан дар заминаи ашёи хоми ватанӣ танҳо як корхона фаъолият мекард: корхонаи  давлатии «Тиллои тоҷик». Ягона корхонаи заршӯие, ки дар даврони шӯравӣ таъсис ёфтааст, артели «Помир» мебошад, аммо ҳоло он  барои истихроҷи канданиҳои фоиданок иҷозат надорад. Аз 6 коргоҳи заршӯӣ артели «Одина» бо захираи бештари кони пошхӯрда ва техникаи нав фаъолияти беҳтарро ба роҳ мондааст ва имкони истеҳсоли 265 килограмм тиллоро дорад.
Ба андешаи Миралӣ Ташрифов, сардори шуъбаи назорати  геологии Саридораи геологияи назди Ҳукумати ҷумҳурӣ, барои муаяйн кардани захираи дақиқи  конҳо бурдани корҳои ҷустуҷӯӣ - иктишофӣ зарур мебошад. Дар баробари бартариятҳо дар вақти коркард баъзе мушикилиҳо низ ҷой доранд, захираҳои начандон калони баъзе конҳо бо коркард шудан зуд анҷом меёбанд.
Аз захираи умумии тиллои пошхӯрда қисми зиёдаш ба Вилояти Мухтори Кӯҳистони Бадахшон рост меояд. Махсусан, ноҳияи Мурғоб барои пешрафти соҳа ва рушди иқтисоди миллӣ имконияти барҷаста дорад. Тавре муовини раиси ноҳияи Мурғоб Исрор Исроров иброз медорад, дар қаламрави паҳновари Мурғоб ба ғайр аз нафту газ маъданҳои зиёде маҳфузанд. Геологҳо макони 300 маъдани кӯҳиро маълум кардаанд, ки онҳо барои ташхис, коркард ва истихроҷ пешниҳод шудаанд. Солҳои қаблӣ мардум ба истихроҷи тилло ва нуқраи конҳои мавзеи Якҷилва ва ба Чину Осиёи Марказӣ содир кардани он машғул буданд. Ҳамчунин, кони водии Рангкӯл бо усули заршӯӣ мавриди истифода қарор дошт. Тайи солҳои охир дар мавзеъҳои Савуқсой, Қараҷилға, Пшарт, Элчисой, Базарик, сароби Оқсу ва дигар маконҳо конҳои тилло ва нуқра, ҳамчунин, сурб, қалъагӣ, сурма, бор ва даҳҳо намуд сангҳои қиматбаҳо ва серхаридор кашф шудаанд. Алҳол бо розигии Ҳукумати ҷумҳурӣ ширкати «СА - Минерал» - и Ҷумҳурии Қазоқистон ба омӯзиши геологии кони нуқраи мавзеи Якҷилва машғул аст. Чанде аз ширкатҳои кишвари Чин низ дар ин самт кор мебаранд. Бо ба истифода додани неругоҳҳои барқи обии «Оқсу 1 ва 2» ноҳияи Мурғоб дар бахши коркард ва содироти ганҷҳои зеризаминии худ дар ҷумҳурӣ дар сафи пеш қарор хоҳад гирифт.
Айни замон дар вилоят дар самти сода гардидани он ҷараёни таъсиси корҳои амалӣ камтар ба мушоҳида мерасанд. Дар доираи татбиқи Барномаи рушди иқтисодию иҷтимоии Вилояти Мухтори Кӯҳистон Бадахшон дар давраи то соли 2015 афзоиши ҳаҷми истеҳсоли маснуоти саноатӣ дар заминаи конҳои тиллои пошхӯрда, махсусан аз ҳисоби кони Сариоби мавзеи Сағирдашти ноҳияи Дарвоз ва Рангкӯли ноҳияи Мурғоб, бо сохта ба истифода додани корхонаҳои заршӯӣ ва истеҳсоли нуқра, инчунин, бо истифода аз захираҳои кони Баҷув («Икар») ва ҷалби сармояи хориҷӣ дар ноҳияи Рӯшон ташкили корхонаи коркарди маъдани тилло пешбинӣ гардид. Амалӣ шудани ин тадбирҳо имкон медод, ки 770 нафар бо кори доимӣ таъмин шавад. Аммо аз сабаби татбиқи нопурраи баъзе аз бандҳои барнома  амалишавии ин нақшаҳо муддате ақиб монд. Сарфи назар аз ин, дар доираи татбиқи барнома корҳои тадқиқотӣ – геологӣ дар кони Сариоби Сағирдашт соли 2010 анҷом дода шуда, соли 2011 корхонаи муштараки ҶДММ «Таком Голд» оид ба истихроҷи тилло дар кони Сариоби Сағирдашт фаъолияташро шурӯъ намуд.
Оҳистамоҳи Вафобек, «Ҷумҳурият»


Баёни ақида (0)    Санаи нашр: 12.04.2017    №: 75    Мутолиа карданд: 743
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед