logo

иқтисод

ДЕВАШТИЧ. ЧАНД ПАҲЛУИ ЯК ПРОБЛЕМА

Дар ноҳияи Деваштич баҳри истифодаи имкониятҳои дохилӣ оид ба дурусту самаранок истифода бурдани манбаъҳои мавҷудаи об, азхудкунии заминҳои обёришаванда ва таъминоти аҳолӣ бо оби тозаи нӯшиданӣ корҳои муайяну мақсаднок амалӣ шуда истода бошанд ҳам, аммо дар ин самт масъалаҳои ҳалталаб ҳанӯз бисёранд.
Барои захира намудани об ҷиҳати обёрии заминҳои хоҷагиҳои қисми поёнии ноҳия обанбори Даҳанасой сохта шудааст, ки сарчашмаи захираи онро асосан чашмаҳо ва обҳои боришоти аввалибаҳорӣ ташкил медиҳанд. Аммо тайи чанд соли охир бинобар афзоиши аҳолӣ, кандани чоҳҳои амудӣ, хушксолиҳои пай дар пай ва кам шудани боришот аксар чашмаҳо хушкида, боиси коҳишёбии захираи об ва дар натиҷа таъмин нагардидани эҳтиёҷоти кишоварзони ноҳия, бахусус минтақаи поёнии ноҳия, бо об шудааст. Аз ин сабаб, дар мақомоти иҷроияи маҳаллии ҳокимияти давлатӣ имкониятҳои иловагиро ҷустуҷӯ менамоянд, то захираи об дар обанбори Даҳанасой зиёд гардад.
Бино ба гуфтаи раиси ноҳия Рустам Ҷӯразода, дар доираи имкониятҳои мавҷуда сохта ба истифода додани хати обгузари Даҳкатсой - Даҳанасой, ки тавассути он бояд оби сойи Даҳкатсой (аз дарёи Оқсу) ба обанбори Даҳанасой оварда шавад, дар назар аст. Ҳанӯз дар замони Иттиҳоди Шӯравӣ лоиҳаи ин иншоот омода гардида, барои сохтмони он кӯшишҳои зиёд шуда бошад ҳам, мутаассифона, то ҳол сохтмони он ба таъхир афтодааст. Мавқуфгузории сохтмон дар марҳилаи кунунии пешрафти хоҷагии халқи ноҳия мушкилоти зиёдеро ба миён меорад.
Дар сурати амалӣ гардидани сохтмони ин лоиҳа дар баробари беҳтар намудани имкониятҳо доир ба захира намудани об дар обанбори Даҳанасой, инчунин, хоҷагиҳои ноҳия бо истифода аз ин хати обгузар метавонанд миқдори заминҳои корами обии худро аз ҳисоби заминҳои лалмии дар маҷрои ин хат ҷойгиргашта зиёд намоянд.
Мувофиқи маълумоти дастрасшуда, дар маҷрои ин хати обгузар дар маҷмӯъ наздик ба 6 ҳазор гектар замини корами лалмӣ мавҷуд аст. Ҳамзамон, баробари равон шудани оби Даҳкатсой ба Даҳанасой,  масъалаи бо оби нӯшокӣ таъмин намудани аҳолии деҳаҳои Даҳкат, Нуробод, Чағат, Муҷун, Панҷбоғ ва деҳаҳои дигари поёноби обанбори Даҳанасой ҳалли худро меёбад. Инчунин, дар сурати ба миқдори зарурӣ захира гардидани об мушкили бо оби нӯшокӣ таъмин кардани маҳаллаҳои навбунёди ноҳияро дар мавзеи Даштикон метавон ҳал кард, - изҳор дошт Рустам Ҷӯразода.
Аз ҳисобҳои дақиқи омории соҳа бармеояд, ки агар аз Даҳкатсой ҳар сония 1000 литр об ба Даҳанасой ҷорӣ гардад, дар як сол дар обанбори он 8,2 миллион метри мукааб об ҷамъ мешавад. Талафоти об то расидан ба Даҳанасой даҳ дарсадро ташкил медиҳад.
- Ғунҷоиши лоиҳавии обанбори Даҳанасой ба 42 млн. метри мукааб баробар буда, то имрӯз ягон маротиба дар он чунин миқдор об захира нашудааст. Аз ҳама зиёдтар соли 2009 дар ҳаҷми 12,7 миллион метри мукааб  ҷамъ гардидаасту халос, - гуфт раиси ноҳия.
Дар сурати амалӣ гардидани сохтмони мазкур 15 ҳазор гектар замини ташналаб шодоб мешавад, ки ин ба беҳтар шудани сатҳи некуаҳволии аҳолӣ мусоидат мекунад. Ҳамчунин, дар қисмати болооби хати навбунёди обгузар, ки тарҳрезӣ шудааст, деҳаҳои Даҳкат, Хишекат, Офтобрӯя, Росровут ҷойгиранд ва дар ин мавзеъҳо вобаста ба зиёд шудани шумораи аҳолӣ ниёз ба васеъ намудани маҳали аҳолинишин ба миён омадааст. Баробари бунёди хати обгузари Даҳкатсой - Даҳанасой имконияти дар майдонҳои мавҷудаи заминҳои деҳаҳои номбурда ташкил кардани маҳаллаҳои нав ба вуҷуд меояд.
Дар қисмати поёнии ноҳия, ки қариб 40000 нафар аҳолӣ дорад, аз оби нӯшиданӣ танқисӣ мекашанд. Дар мавзеъҳои Даштикон ва Сексарӣ сарчашмаҳои оби нӯшокӣ умуман мавҷуд нестанд. Ҳол он ки тибқи қарорҳои дахлдори Ҳукумати кишвар дар ин мавзеъҳо бояд  маҳаллаҳои нав бунёд ёбанд ва аз дигар минтақаҳои ноҳия муҳоҷирони экологӣ ба  ин ҷо кӯч банданд. Бинобар ин сабабҳои ҷиддӣ, кашидани хати обгузар ва захира намудани миқдори зарурии об имрӯзҳо ногузир гаштааст.
Мувофиқи таҳлилҳои мутахассисон, обёрии заминҳо ва ба гардиши кишоварзӣ ворид кардани майдонҳои бекорхобида яке аз омилҳои асосии таъсиси ҷойҳои нави корӣ барои сокинон мегардад. Обёрии заминҳо ва истеҳсоли ҳар чи бештари маҳсулоти кишоварзӣ бошад, кишварро барои расидан ба ҳадафи муҳими стратегӣ - таъмини амнияти озуқаворӣ наздик месозад.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 20.04.2017    №: 81    Мутолиа карданд: 624
17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД

СҲШ, ИДМ ВА СААД БОРИ АВВАЛ АЛАЙҲИ ТЕРРОРИЗМ МАШҚҲОИ МУШТАРАК МЕГУЗАРОНАНД

ҶАҲОН ДАР ЯК САТР

ФУТБОЛ. ТОҶИКИСТОН БАР ТИМИ ӮЗБЕКИСТОН ҒОЛИБ ОМАД

ТОҶИКИСТОН. 7 ҲАЗОРУ 581 БЕМОРИ COVID – 19 ШИФО ЁФТ

04.09.2020


ТОҶИКИСТОН. ШУМОРАИ ШИФОЁФТАГОН АЗ КОРОНАВИРУС БА 7 ҲАЗОРУ 482 КАС РАСИД

ОЗМУНИ XVII БАЙНАЛМИЛАЛИИ «САНЪАТИ КИТОБ». «УФУҚҲОИ ИСТИҚЛОЛ» СОҲИБИ ШОҲҶОИЗА ГАРДИД

ПЕСКОВ БА АЙБДОРСОЗИИ МОСКВА ДАР ҲОДИСА БО НАВАЛНИЙ ҶАВОБ ГАРДОНД


Дар сомонаҳои дигари Тоҷикистон хонед