logo

сиёсат

ВАҲДАТ ВА ХУДШИНОСИИ МИЛЛӢ

Созишномаи умумии истиқрори сулҳ ва ризоияти миллӣ, ки аз имзои он 20 сол сипарӣ мегардад, шаҳодати пирӯзии хиради мардуми сулҳпарвар ва фарҳангсолори тоҷик аст. Зеро, маҳз ҳамин хиради азалӣ буд, ки муқовиматҳои мусаллаҳонаи солҳои аввали Истиқлолияти давлатӣ на бо зӯри силоҳ, балки аз роҳи музокирот бартараф гардиданд. Халқи тамаддунофари тоҷик зери ҳамин ливо ба иттиҳоди комил даст ёфт ва инак, дар фазои сулҳу субот кишвари азизи мо сол ба сол шукуфону рӯзгори мардум бамаротиб беҳтар мешавад.
Мардуми соҳибмаърифату сулҳпарвари мо дар партави сиёсати хирадмандонаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ваҳдати миллиро ҳамчун шарти асосии пешрафти ҷомеа донистанд. Имрӯз Ваҳдати миллӣ ва таҷрибаи сулҳофарии тоҷикон, ки ҳосили талошҳои хастанопазири Сарвари муаззами давлат аст, аз ҷумлаи сабақҳои басо арзишмандест, ки на танҳо дар кишвари маҳбубамон, балки дар сатҳи байналмилалӣ низ мавриди омӯзишу истифода қарор гирифтааст.
Ваҳдат рамзи воқеӣ ва ҷавҳари фалсафаи сулҳофарӣ, фарҳангсолориву таҳаммулпазирии миллати тоҷик ва таҷассумгари иттиҳоду ҳамбастагии тамоми мардуми Тоҷикистон мебошад. Он арзишест, ки миллати моро аз ҳалокат нигоҳ дошт, ба сӯи ояндаи дурахшон раҳнамун сохт, рукнҳои давлатдорӣ ва низоми ҳуқуқиро дар мамлакат истеҳком бахшид. Танҳо баъд аз имзои Созишномаи умумии истиқрори сулҳ ва ризоияти миллӣ имкон фароҳам омад, ки дар мамлакат ислоҳоти фарогир дар аксари бахшҳо ба роҳ монда шавад. Сатҳи таълиму тарбия ва камолоти насли наврас бо истифода аз низомҳои муосири таълимӣ сифати нав касб кард. Зеро ба хубӣ эҳсос шуд, ки ҳар қадар насли ҷавон маърифатноку босавод шавад, ҳамон қадар пояи ваҳдат, сулҳу салоҳ, якдилию якдигарфаҳмӣ пурқувват мегардад. Самараи ваҳдат аст, ки имрӯз  таъмини рушди босуботи ҳамаи соҳаҳои ҳаёти ҷомеа муҳайё гардида, дар иқтисодиёту иҷтимоиёт, фарҳангу ҳунар ва илму маориф пешравиҳо назаррасанд.                                  
Маҳз дар партави сулҳу субот ва таҳкими Истиқлолияти давлатӣ сатҳи зиндагӣ, маърифату ҷаҳонбинӣ ва худшиносиву ғурури миллии мо такомул ёфта, назария ва амалияи давлатдории Тоҷикистони озоду демократӣ дар ҷаҳони муосир эътироф гардид.
Бинобар ин, ҳар як фарди худогоҳи мамлакатро зарур аст, ки дар рӯҳияи ватандӯстиву меҳанпарастӣ, расидан ба қадри истиқлолият ва тарбияи наврасону ҷавонон, яъне наслеро, ки ояндаи давлату миллат, таъмини амнияту субот ва ободиву пешрафти Ватан дар дасти онҳост, вазифаи худ шуморад. Президенти кишварамон муҳтарам Эмомалӣ Раҳмон соли 2017-ро Соли ҷавонон эълон намуда, дар Паёми навбатии худ ба Маҷлиси Олӣ изҳор доштанд, ҳар тадбире, ки дар мамлакат андешида мешавад, пеш аз ҳама, ба таъмини беҳдошти ҳаёти ҷавонон равона шудааст. Ин таваҷҷуҳи Сарвари давлат ва ғамхориҳои Ҳукумати ҷумҳурӣ нисбат ба ҷавонон тақозо мекунад, ки онҳо бо дарки баланди хештаншиносӣ ва худогоҳии миллӣ барои ба вуҷуд овардани натиҷаҳои арзишманди илмиву эҷодӣ талош варзанд.
Барои расидан ба ин ҳадафҳои олӣ зарур аст, ки бо ҷонибдорӣ аз сиёсати созандаи давлату Ҳукумати ҷумҳурӣ дар ҳифзи арзишҳои истиқлолият ва сулҳу ваҳдат иқдоми тоза анҷом диҳем, ҷавонони худшиносу ватандӯстро тарбия намоем.
Субҳон УСМОНОВ, 
устоди Донишкадаи давлатии санъати
тасвирӣ  ва  дизайни Тоҷикистон


Баёни ақида (0)    Санаи нашр: 26.04.2017    №: 85    Мутолиа карданд: 517

18.04.2018


Вохӯрии Сироҷиддин Аслов ва Рашид Мередов

Сармоягузорӣ ва соҳибкорӣ матраҳ гардиданд

Тақвияти мубориза алайҳи терроризм

Тавсеаи ҳамкориҳои гумрукӣ

Футболи соҳилӣ дар Тоҷикистон

МАЛАЙЗИЯ. Дастоварди навбатии хонандагони тоҷик дар олимпиада

Меркел зарурати вохӯрӣ бо Путинро таъкид намуд

Могерини: «24-25 апрел дар Брюссел қазияи Сурия баррасӣ мегардад»

Аз чор се ҳиссаи аҳолии Яман ниёзманди ёрии башарист

Туркманистон бандари $2 миллиардиро мекушояд

17.04.2018


Омодагӣ ба интихоботи миёнадаврӣ

«Роҳбалади беҳтарин» озмуни КИ ҲХДТ дар шаҳри Кӯлоб

Рӯзи илм таҷлил гардид

Дурахши дзюдогарони кишвар дар ҷомҳои Аврупову Осиё

Вашингтон вақтҳои наздик низомиёнашро аз Сурия мебарорад

Нигаронии президенти Олмон аз дуршавии бештари Русия ва Ғарб

Департаменти ИМА барои идомаи муколама бо Димишқ шарт гузошт

Коршиносон то 100 доллар расидани нархи нафтро пешгӯӣ карданд

16.04.2018


Баргузории ҷаласаи Кумитаи тадорукоти Конференсияи байналмилалии сатҳи баланд

Вохӯрии Сироҷиддин Аслов ва Ли Ён Хо

Иҷлосияи 23-юми Шӯрои вазирони корҳои хориҷии Созмони ҳамкории иқтисодӣ доир мешавад

НОҲИЯИ РӮДАКӢ. Ифтитоҳи ду бинои таълимӣ

13.04.2018


Оғози бунёди «Қасри Бахт»

Густариши ҳамкориҳои байнипарлумонӣ

Мулоқоти Ҳамрохон Зарифӣ ва Кэйҷи Фуруя

Баррасии масъалаи дастрасии хизматрасониҳои молиявӣ ба соҳибкории хурду миёна ва аҳолӣ

«Шоми мақом»

Варзиш

Меркел ба зарбазании Сурия ҳамроҳ шудан нахост

Пушков: «Бе Русия СММ дуюм НАТО мешавад»

Меваю сабзавоти Осиёи Миёна бо ёрии Вашингтон ба Прибалтика меравад

Ҷанҷоли «нобелӣ» дар академияи Шведсия

Роҳандозии низоми шинохти фаврии чеҳра дар Чин

12.04.2018


НОҲИЯИ ҶАББОР РАСУЛОВ 93 км роҳ таъмир мешавад


Дар сомонаҳои дигари Тоҷикистон хонед