logo

Хабарҳо

"Ҷумҳурият": пайравӣ аз Пешво шараф аст!

Озмуни «Пайрави Пешво» ҷамъбаст гардид
Аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  Соли ҷавонон эълон гардидани соли 2017 агар аз як ҷиҳат ҷалби ҷомеа ба ҳалли мушкилоти ҷавонон бошад, аз ҷониби дигар бо мақсади боло бурдани мавқеи онҳо дар ҷомеаи шаҳрвандист. Воқеан ҳам, имрӯзҳо ҳазорон – ҳазор ҷавонони ҳимматбаланд ва масъулиятшинос бо дастгирӣ аз сиёсати суботкорона ва ободгаронаи Сарвари давлат дар рушди соҳаҳои мухталиф шарафмандона заҳмат кашида истодаанд. Дар доираи Соли ҷавонон ва бо мақсади муаррифии ҷавонони муваффақу болаёқат Нашрияи расмии Ҷумҳурии Тоҷикистон – рӯзномаи «Ҷумҳурият» озмуни «Пайрави Пешво» - ро роҳандозӣ намуд, ки он аз 10 феврал оғоз ёфта, то 10 майи соли ҷорӣ идома дошт. Маросими ботантанаи  ҷамъбасти озмун рӯзи 12 май бо ширкати васеи сарварони нашрияҳои марказӣ ва қаламкашон дар толори Маҷмааи  табъу нашри «Шарқи озод» сурат гирифт.
Қурбоналӣ Раҳмонзода,  сармуҳаррири рӯзномаи «Ҷумҳурият», иброз дошт:  «Ҳадафи асосӣ аз баргузории озмун дар баробари муаррифии ҷавонони муваффақу болаёқат тарғиби саҳми онҳо дар бахшҳои роҳбарӣ, ихтироот, илму технологияҳои навин, соҳибкорӣ ва дигар соҳаҳои муҳими иҷтимоию иқтисодии мамлакат мебошад. 
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо эълон доштани соли 2017  ҳамчун Соли ҷавонон бори дигар собит сохт, ки  давлат ва Ҳукумати кишвар ба ин неруи созанда ва пешбарандаи ҷомеа эътимоду боварии комил доранд».
Моҳира Сангмамадова, муовини сармуҳаррири рӯзнома ва раиси ҳайати ҳакамон, таъкид намуд, ки барои ширкат дар озмуни «Пайрави Пешво» қаламкашони ҷумҳурӣ зиёда аз 60 асари журналистӣ пешниҳод намуданд. Аз миёни онҳо беш аз 20 мавод нашр гардид». Дар озмун ҳам олимону адибони варзида ва ҳам рӯзноманигорони навқалам ширкат варзиданд.
Бо қарори ҳайати ҳакамон, ки ба он намояндагони Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Ассотсиатсияи публитсистони Тоҷикистон шомил буданд, 11 нафар ширкаткунандаи фаъоли озмун барои нашри матолиби ҷолиб бо «Ифтихорнома» - и рӯзномаи «Ҷумҳурият» ва мукофоти пулӣ сарфароз гардонда шуд.
Бо роҳандозии чунин як озмун дар мавзӯи муҳим рӯзномаи «Ҷумҳурият» низ бо ташаббусҳои бунёдкоронааш пайрави воқеии Пешво будан ва дар гул - гулшукуфии кишвар саҳм гирифтану дар тарғиби фаъолияти фарзандони шуҷоатмандаш камари ҳиммат бастанашро бори дигар собит намуд. Аз ҳама муҳим, дар зимни офаридани портрети як гурӯҳи ҷавонони лаёқатманд чеҳраи кулли ҷавонони кишвар низ офарида шуд, ки ба давлату миллати худ содиқона хизмат намуданро рисолати асосии шаҳрвандӣ ва қарзи фарзандӣ мешуморанд.
Ҷамъбасти озмун нишон дод, ки миёни ҷавонони пештозу созандаи миллат пайравони воқеии Пешвои миллат аксариятро ташкил медиҳанд, ки ин фоли нек ва гувоҳ аз ояндаи дурахшони Тоҷикистони азиз аст.
М. ТАБАРӢ,
Р. КАРИМЗОДА, «Ҷумҳурият»


Баёни ақида (0)    Санаи нашр:    №:    Мутолиа карданд: 366

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед