logo

сиёсат

ТОҶИКИСТОНУ ӮЗБЕКИСТОН. ПАЙКИ НЕКИ МУНОСИБАТҲОИ ДӮСТИЮ БАРОДАРӢ

Вақтҳои охир дар муносибатҳои Тоҷикистону Ӯзбекистон вазиши боди  муроду нарм ба мушоҳида мерасад. Асосгузори сулҳу ваҳдати миллӣ - Пешвои миллат, Президенти Ҷумҳурии  Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев баҳри таҳкиму густариши муносибатҳои дӯстию бародарии халқҳои тоҷику ӯзбек кӯшиш ва ҳавасмандии зиёд нишон медиҳанд. Дар тӯли ҳамагӣ  беш аз ҳафт моҳ ба Тоҷикистон ташриф овардани вазири корҳои хориҷии Ӯзбекистон Абдуазиз Комилов, фаъол гардидани комиссияи байниҳукуматии Тоҷикистону Ӯзбекистон ва дар ҳамин замина ба даст омадани тавофуқ ва оғоз ёфтани парвози тайёраҳо миёни Душанбеву Тошканд, ба вилояти Суғд омадани гурӯҳи соҳибкорони муваффақи ӯзбек, доир шудани намоишгоҳи маҳсулоти саноатии Ӯзбекистон дар шаҳри Душанбе ва ахиран баргузор гардидани Рӯзҳои фарҳанги Ҷумҳурии Ӯзбекистон дар Ҷумҳурии Тоҷикистон аз ҷумлаи  иқдомҳои рӯҳнавоз ва умедбахш, ҳусни нияти неки дӯстӣ, ҳамсоягӣ ва ҳамҷаворӣ дониста мешавад.
Шамими насими гуҳарбори расидани давраи нав дар рушди муносибатҳои ду кишвар дар барқияи табрикии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти тозаинтихоби Ҷумҳурии Ӯзбекистон Шавкат Мирзиёев ва анҷом додани суҳбати телефонии сарони ду кишвар зуҳур ёфта буд ва мардуми тоҷику ӯзбек  онро бо шодиҳои афзун пайки неки идомаи муносибатҳои дӯстию бародарӣ унвон карданд. Дар барқия, аз ҷумла омада буд: «Дар Тоҷикистон Шуморо ҳамчун пайрави рушди бемайлони муносибатҳои дӯстиву ҳамҷаворӣ ва ҳамкориҳои гуногунсоҳаи кишварҳои мо медонанд ва ба шахсияти Шумо эҳтиром мегузоранд. Итминон дорам, ки идомаи ҳамкории судманду самаранок миёни Тоҷикистон ва Ӯзбекистон ҷавобгӯи манфиатҳои асили мардумони мо мебошад. Халқҳои моро анъанаҳои чандинасраи ҳусни ҳамҷаворӣ, дӯстӣ ва эҳтироми мутақобила, ки аз даврони мутафаккирони бузурги Машриқзамин Ҷомӣ ва Навоӣ маншаъ мегиранд, ба ҳам мепайванданд». Ин сатрҳои самимӣ ба мардуми ҳар ду кишвар рӯҳбаландӣ ва умеди неку тозаро эҳдо карданд.
Воқеан, ҳусни ҳамҷаворӣ ва дӯстию эҳтироми халқҳои мо аз мутафаккирони бузургамон Ҷомию Навоӣ ибтидо гирифта, васфи ин дӯстӣ дар эҷодиёти адибони баъдӣ маънию мафҳуми тоза касб намудааст. Зеро ин ду халқи қадимӣ ва ҳамтақдир, ки дар дарозои таърих ҷабру ҷафои аҷнабиёнро баробар кашидаанд, на танҳо сурати ба ҳам монанд, балки ботини зебо, қобилияти воқеии мубориза бурдану зистан доранд. Чеҳраи кӯлобиёну тошкандиён, раштию фарғонагӣ, зарафшонию намангонӣ яксон зебою пурнур аст ва наметавон ба осонӣ миёни ин чеҳраҳо фарқ гузошт. Боқӣ Раҳимзодаи  бедордил ва зиндаёд дар як таронаи машҳураш ҳамин маъниро таъкид намуда, чунин хитоб карда буд:
Эй бародар, бигӯ, ту тоҷикӣ ё ӯзбек?!
Шоири тавоно ва муосири ӯзбек, муаллифи Суруди миллии Ӯзбекистон шодравон Абдулло Орипов шеъри машҳурашро бо унвони «Узбегим тожик билан» («Ӯзбекиям бо тоҷик аст») ба нашр расонда буд, ки оҳангсозон ба он оҳанг баста, ба суруди машҳури дӯстию вафодории ду халқ табдил доданд.
Акнун, ки ба шарофати сиёсати дурандешонаи сарони давлатҳо - Эмомалӣ Раҳмон ва Шавкат Мирзиёев давраи нави инкишофи муносибатҳои неки ҳамсоягию ҳамҷавории Тоҷикистону Ӯзбекистон оғоз ёфтааст, ин бинои умед ва шодиҳо абадӣ устувор ва поянда хоҳад монд. Умед мекунем, ки аз расидани боди мурод дар баҳри бекарони дӯстию бародарии халқҳои тоҷику ӯзбек муносибатҳо, ҳамкориҳои иқтисодию фарҳангӣ, анъанаҳои хешутаборӣ густариш меёбанд, муҳимтар аз ҳама, равуо ба кишварҳои ҳамдигар осону муқаррарӣ мегардад ва дастархони пурнозу неъмати дӯстӣ ва хешутаборӣ дар хонадони ҳар кадоми мо ороста мешавад.
Луқмон ҚУРБОН, нависанда


Баёни ақида (0)    Санаи нашр: 29.05.2017    №: 106    Мутолиа карданд: 908

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад


Дар сомонаҳои дигари Тоҷикистон хонед