logo

иқтисод

ТАВАҶҶУҲ. ДАР ҲИФЗИ ҒАЛЛАЗОР АЗ СӮХТОР БЕТАРАФ НАБОШЕМ!

Соҳаи кишоварзӣ, фермерӣ ва чорвопарварӣ дар кишварамон марҳала ба марҳала рушд намуда, дастурхони мардум рӯз ба рӯз ғанӣ гардида истодааст. Мутаассифона, таҳлили ҳаррӯзаи кормандони Хадамоти давлатии оташнишонии Вазорати корҳои дохилии Ҷумҳурии Тоҷикистон собит месозад, ки бо вуҷуди тавсеаи корҳои фаҳмондадиҳӣ баъзе аз роҳбарони хоҷагиҳои деҳқониву фермерӣ ҳанӯз ҳам, қоидаҳои бехатарӣ аз сӯхторро ҳангоми ғунучин ва кашондани ҳӯроки дурушти чорвою ғалладона риоя накарда, меҳнати марди деҳқонро барбод медиҳанд.
Таҳлилҳо собит месозанд, ки омилҳои асосии сар задани сӯхтор ин оташбозии кӯдакон, расиши кӯтоҳи ноқилҳои барқӣ дар муҳаррикҳои комбайну тракторҳо, набудани шарорахомӯшкунакҳо ва аз муоинаи техникӣ нагузарондани техникаи ҳосилғундор мебошад. Мутахассисони Хадамоти оташнишонии ВКД якҷо бо кормандони Вазорати кишоварзӣ, нозирони минтақавии ШВКД дар шаҳру ноҳияҳо ҳамасола рейдҳои муштарак мегузаронанд. Дар рафти гузарондани санҷишҳо ба ҳамаи роҳбарону шахсони масъули хоҷагиҳо амрномаҳои назорати давлатии бехатарӣ аз сӯхтор баҳри бартараф намудани камбудиҳои ҷойдошта супурда мешаванд. Аз ин лиҳоз, дар мавсими дарав ва захираи хӯроки дурушти чорво аз роҳбарони корхонаву сарварони хоҷагиҳои деҳқониву фермерӣ ва кооперативҳои истеҳсолию шахсони масъул хоҳиш менамоем, ки қоидаҳои бехатарӣ аз сӯхторро риоя намоянд. Пеш аз ғунучини ҳосили ғалаю хӯроки дурушти чорво воситаҳои техникиро дақиқкорона аз санҷиш гузаронда, камбудиҳои ошкоргаштаро фавран бартараф намоянд. Дар ҷойҳои нигоҳдории хӯроки чорво ва ғалладона маводи зуддаргиранда нагузоранд.
Сарварони хоҷагиҳои деҳқонӣ, новобаста аз шакли моликияташон, вазифадоранд, ки ҳар як автомашина, трактор, комбайн ва дигар техникаи хоҷагиро, ки барои ҷамъоварии ҳосил ҷалб шудаанд, бо шарорахомӯшкунакҳо ва олоти аввалиндараҷаи зиддисӯхтор, 2-3 оташхомӯшкунак, бел, намад, ҷорӯби дароздаста, зарфи калони обдор ва рег таъмин намоянд. Дар канори шоҳроҳҳои автомобилгард, ки аз мавзеъҳои ғаллазор мегузарад, нишонаҳо бо навиштаҷотҳои «Сигор кашидан манъ аст!» ва «Гулхан афрӯхтан манъ аст!» гузошта шаванд. Инчунин, заминҳои ғаллазори дар назди роҳҳои автомобилгард ва оҳан воқеъбударо дар масофаи 4 метр шудгор кунанд.
Муҳимтар аз ҳама, пеш аз оғози мавсими ғундоштани ҳосил сарварони хоҷагиҳои деҳқонӣ ва масъулон вазифадоранд, ки дар хирманҷойҳо ва майдонҳои ғалла дастаҳои ихтиёрии зиддисӯхтор ташкил карда, онҳоро бо таҷҳизоти аввалиндараҷаи зиддисӯхторӣ таъмин намоянд. Дар майдони кушод ё худ дар назди хирманҷойҳо шабона ба мошинҳо ва дигар техника сӯзишворӣ пур кардан қатъиян манъ аст. Агар ба ин кор эҳтиёҷ пайдо шавад, дар равшании чароғи дигар мошин бо риояи техникаи бехатарӣ ин корро анҷом додан ба мақсад мувофиқ мебошад. Ҳадафи мо ин аст, ки ҳосили бо арақи ҷабин рӯёндаи марди деҳқонро, ки кафили пурии дастурхон ва рӯсурхии аҳли ҳар хонадон мебошад, аз сӯхтор муҳофизат намоем.
Нозимҷон ИБРОҲИМЗОДА, сардори сарраёсати Хадамоти давлатии оташнишонии ВКД-и Ҷумҳурии Тоҷикистон


Баёни ақида (0)    Санаи нашр: 31.05.2017    №: 108    Мутолиа карданд: 390

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё


Дар сомонаҳои дигари Тоҷикистон хонед