logo

иҷтимоиёт

ҲАР КӢ ХАНДОНАД ЯТИМИ ХАСТАРО…

Боз дар бораи ятимон хоҳам гуфт. Аниқтараш дар бораи шароити будубоши онҳо дар муассисаи таҳсилоти умумии  асосии «Мактаб - интернати  № 1 барои кӯдакони ятим» - и  шаҳри Душанбе. Муассисае, ки қариб 600 нафар кӯдакони ниёзмандро ба таълиму тарбия фаро гирифтаву саробонӣ дорад. Аксаран духтаронанд, ки дар симои ҳар як нафари ба аёдат меомада гӯйё волидайни худро меҷӯянд. Чашмони меҳрбор доранд, ҳарчанд нигоҳҳояшон ҳузнангезанд.
- Дар мактаб-интернат шароити хуб дорем, - мегӯяд сарвари парваришгоҳ Зиёдулло Абдуллоев. - Таҳсил бо забонҳои тоҷикиву русӣ сурат гирифта, тарбиятгирандагон то синфи нуҳ дар ҳамин ҷо зиндагӣ мекунанд. Сипас, тибқи нақша онҳоро барои таҳсил ба  коллеҷу омӯзишгоҳҳое раҳнамун месозем, ки хобгоҳ дошта бошанд. Чун фарзанд, ки азизанд, намехоҳем, ки наврасони мо дар кӯча монанд. Соли гузашта 42 нафар хатмкунандаи мо дар коллеҷҳои гуногуни кишвар, инчунин, 4 нафар писар ба техникуми компютерии шаҳри Йошкар-Олаи Русия фиристонда шуданд, ки айни ҳол таҳсил ва зиндагии хуб доранд.
- Ҳама намуди таъминот аз ҷониби  мақомоти иҷроияи ҳокимияти давлатии шаҳри Душанбе роҳандозӣ шуда, тарбиятгирандагон аз дастгириву ғамхориҳои доимӣ баҳраманданд. Инчунин, саховатмандон мунтазам дари хонаи ятимонро мекӯбанд. Қариб 70 нафар мураббӣ ба таври шабонарӯзӣ ба нигоҳубини кӯдакон машғуланд. Дар мавсими тобистон наврасон дар лагерҳо ба фароғату истироҳат фаро гирифта мешаванд. Бо истифода аз шароити мусоиди чанд соли охир барои ятимон суратҳисоб кушодем, ки маблағи кумакпулии онҳо то ба воя расиданашон ҷамъ мешавад. Намегузорем, ки фориғ аз дарс кӯдакони мо хастагиву танҳоиро эҳсос намоянд. Толорҳои варзишӣ, маънавиёт ва синфхонаҳо бо тамоми шароитҳои лозима ба истифодаи онҳо вогузор аст. Маҳфилҳои гулпарварӣ, табиатшиносон, кимиёгарони ҷавон, адабиётшиносони ҷавон, омӯзиши технологияи информатсионӣ ва ғайраҳо пас аз дарсҳо гузаронда мешаванд, ки аз ҷониби наврасон хеле хуб қабул мегардад, - илова кард ӯ.
Воқеан, аз саҳни ҳавлии тозаву озода, катҳои хоби бароҳат, ошхонаи барҳавои мактаб – интернат бармеояд, ки шароити тарбиятгирандагони он хубу ҷавобгӯ ба талаботи замони муосир аст.
- Албатта, мегӯяд Зиёдулло Абдуллов бо вуҷуди тамоми кӯшишҳое, ки дорем, дар замири кӯдакони мо ҷойи волидайн ҳамчунон холӣ боқӣ мемонад. Мутаассифона, хеле кам мешавад, ки тарбиятгирандагонро ин ё он оила ба фарзандӣ қабул намояд. Фикр мекунам, ҳар як кӯдаки ятим бештар дар ҳамин андеша аст, ки оё мерасад рӯзе, ки дасти навозиши падару модар сари онҳоро низ сила кунад. Аз ин рӯ, дар баробари ғамхориҳои рӯзафзун, ки тайи солҳои охир аз ҷониби давлату ҳукумат дар ҳаққи ятимону бепарасторон зоҳир мегардад, хеле хуб мебуд, оилаҳое ки имконият доранд, дар масъалаи фарзандхонии кӯдакони ниёзманду мубталои тазодҳои тақдир бетарафӣ зоҳир накунанд. Гап на дар бораи кӯдакии эшон меравад, дар синфи нуҳум онҳо алакай ҷавонони наврасанд ва ҳар яки онҳо метавонад дастёру зиннатбахши як хонадон бошанд. Яъне миёни оилаҳои муваффақу саховатманде, ки дорем, нафароне пайдо шаванд, ки ояндаи кӯдакони парваришгоҳҳоро тавонем бо дили пур ба онҳо бовар намоем. Муҳимияти масъала низ дар ҳамин аст. Ва ин ҳеҷ гоҳ маънои онро нахоҳад дошт, ки мо масъулияти худро ба дигарон бор кардан мехоҳем. Баръакс, мо танҳо мехоҳем, ки оянда низ сари ятимони мо баланду зери силаи дастони меҳрпарвар бошад.
Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 10.06.2017    №: 122    Мутолиа карданд: 419

24.05.2018


Симои сиёсӣ ва фарҳангии Пешвои миллат

Мулоқоти Шукурҷон Зуҳуров бо Алекен Еминбахэ

Вохӯрии ҳайати вазоратҳои корҳои дохилии Тоҷикистону Ӯзбекистон

Рӯнамоии иқтидори сайёҳии кишвар дар Боку

ҶАЙҲУН. ПИЁЗ ЗИЁДУ ХАРИДОР КАМ

Ҷаҳон дар як сатр

СҲШ: таваҷҷуҳи вижа ба таъмини амнияти лоиҳаҳои байналмилалии стратегӣ

Ширкати 15 ҳазор меҳмон дар ҳамоиши иқтисодии Петербург

Макрон бо умеде ба Санкт-Петербург меояд, ки «Русияро ба Аврупо орад»

Дар Ҳилманд 15 нафарро аз асорати «Толибон» озод карданд

Қазоқистон гандуми бисёрсола парвариш кардан мехоҳад

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ


Дар сомонаҳои дигари Тоҷикистон хонед