logo

иҷтимоиёт

ГУЛБУРӢ

Гулбурӣ. Ин ҳунари мардумӣ, ки дар манотиқи дигари ҷумҳурӣ бо номҳои порчадӯзӣ ва қуроқдӯзӣ низ маъруф аст, аз пешаҳои қадимаи ниёгони мо маҳсуб меёбад. Ҳарчанд имрӯз он аҳён –аҳён ба мушоҳида расад ҳам, маъруфияти худро аз даст надодаву аз маҳбубияти хоса бархӯрдор аст. Бонуи ҷавону хушзавқ, чевари чирадаст ва нозукхаёл Марҷона Ҳақбердиева, дар суҳбат бо хабарнигори мо дар ин бора нақл кард.
- Аз пораҳои хурду калони матоъ чизе дӯхтан ё ба воситаи ин пораҳо либосу палосеро оро доданро гулбурӣ мегӯянд. Ба гуфтаи калонсолон, ин ҳунар шояд дар байни мардумони бенавову камдор ба вуҷуд омада бошад. Бо ин далел, ки дар оилаҳои доро барои ҷамъоварии боқимондаи матоъ аз куртаву либосҳои дигар ниёз набуд. Гулбурӣ бошад, маҳз аз пораҳои зиёди ҳамин гуна матоъ таҳияву дӯхта мешавад. Аз қадим баъзе одамон аз пораҳои боқимондаи либосҳои гуногун барои худ либос медӯхтаанд, ки баъдан чун як ҳунари мардумӣ мақому манзалати хос касб намудааст. Ва ин ҳунари мардумӣ, хушбахтона, то замони мо омада расидааст. Имрӯз ҳам бо ин усул ҳам ҷома медӯзанд, ҳам курта, ҳам таксариву кӯрпа ва  дастархону ҷиҳози дигар низ.
Дар гулбурӣ интихоби ранг бисёр муҳим ва ҳадафманд аст. Тибқи ривоятҳо, одамон ба воситаи истифодаи пораҳои ранга  мехостанд, то наздикону пайвандони худро аз офату бало ва бемориҳо эмин доранд. Барои либосу болишт ё чизи дигари тифлакони кӯчак рангҳои махсусро истифода мебурданд, ки кӯдакро аз чашми бад  ҳимоя намуда, умрашро дароз кунад. Рангорангии либосҳои  арӯсиву домодӣ боз ба хотири он будааст, ки зиндагии навхонадорон рангину хуш гузарад. Имрӯз ҳам, бахусус дар деҳотҷойҳо, як ҳиссаи ҷиҳози арузӣ бо усули  гулбурӣ оро дода мешавад.
Чун дигар касбу ҳунарҳо дар ин ҷода низ устоде доштан хуб аст. Тезтар сирру асрори ин ҳунар бароят кушода мегардад. Вале онро мустақилона оғоз кардан ҳам мумкин аст, агар завқу таҳаммул дошта бошед. Зеро офаридани нақшҳои гуногун бо латтапораҳо вақту заҳмати зиёдро тақозо мекунад. Ҳар пораи матоъро аз 4 ё 3 тараф дӯхтан лозим меояд, ки чандон кори осон нест. Бо вуҷуди ин,  имрӯз духтарони хушзавқ дар ороиши бисёр куртаҳои замонавӣ аз ин ҳунар истифода мебаранд.
Нафароне, ки мехоҳанд мустақилона ба гулбурӣ машғул шаванд, бояд кори хуро аз ҷамъоварии латтапораҳо оғоз кунанд. Завқи баланд ва хоҳиши қатъӣ бояд дошта бошад. Баъд аз он ки миқдори зарурии латтапораҳо ҷамъоварӣ мешавад,  аввал дар коғази калон бо истифодаи чоркунҷаву секунҷаҳо нақше кашида, онро ба рангҳои дилхоҳашон оро диҳанд. Пас аз он ки нақш пурра тайёр шуд, латтапораҳои ҳамранги ин секунҷаву чоркунҷаҳоро ба болои онҳо гузоранд. Ин оғози гулбурӣ маҳсуб мешавад. Боқӣ пораҳои матоъро бо завқи баланд бо ҳам пайваста медӯзанд ва гулбурӣ тайёр мешавад. Агар духтар ин ҳунарро дар ҳақиқат аз худ кардан бихоҳад, он гаҳ омӯзиши он душворие надорад.
Сарвиноз ШОДМОНОВА, «Ҷумҳурият»


Баёни ақида (0)    Санаи нашр: 12.06.2017    №: 123    Мутолиа карданд: 337

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё


Дар сомонаҳои дигари Тоҷикистон хонед