logo

сиёсат

АНТОНИУ ГУТЕРРИШ: "ТОҶИКИСТОН ДАР ИСТИФОДАИ ОҚИЛОНАИ ЗАХИРАҲОИ ОБӢ НАМУНА АСТ"

Боздиди Антониу Гутерриш, Дабири кулли Созмони Милали Муттаҳид, аз мамлакати мо бори дигар ин амрро собит намуд, ки Ҷумҳурии Тоҷикистон дар шахси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон минҳайси як кишвари ташаббускор дар ҳалли масоили байналмилалӣ мавриди таваҷҷуҳи ҷомеаи ҷаҳонӣ қарор гирифтааст.
Ин меҳмони олимақом дар доираи сафари серӯзааш ба Тоҷикистон бо Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мулоқот намуда, рӯзи 12 июн дар ҳамоиши сатҳи баланд таҳти унвони «Таҳкими ҳамкорӣ ҷиҳати расидан ба рушди устувор дар шароити таҳдиду хатарҳои муосир», ки дар «Кохи Наврӯз»-и пойтахт баргузор шуд, иштирок кард. Дар ин чорабинии муҳими байналмилалӣ, ки бо иштироки Пешвои миллат баргузор шуд, роҳбарону намояндагони воломақоми дигар ташкилоту созмонҳои минтақавию ҷаҳонӣ, корпуси дипломатӣ, коршиносону масъулони вазорату идораҳои дахлдори мамлакат ҳузур доштанд. Расонаҳои дохиливу хориҷӣ ҷараёни ҳамоишро пайгирӣ намуда, шаҳри Душанберо ба ҳайси мизбони чорабиниҳои сатҳи баланд дар меҳвари таваҷҷуҳ қарор доданд.
Дабири кулли СММ ба нақши Президенти Ҷумҳурии Тоҷикистон муҳтарам Эмомалӣ Раҳмон дар ҳалли мушкилоти глобалии сайёра, бахусус масъалаҳои марбут ба об дар минтақаву ҷаҳон баҳои баланд дода, иқдомҳои бузурги байналмилалӣ ва ташаббусҳои ҷаҳонии Тоҷикистонро дар ин самт муҳиму саривақтӣ арзёбӣ намуд.
Антониу Гутерриш зимни боздид аз кӯли Сарез, ки дар водии Бартанги Вилояти Мухтори Кӯҳистони Бадахшон ҷойгир аст, Ҷумҳурии Тоҷикистонро дар истифодаи самаранок, оқилона ва устувори захираҳои обӣ намуна арзёбӣ карда, гуфт: «Хеле муҳим аст, ки ҷомеаи байналмилалӣ аз ин шеваву усули истифода сабақ биомӯзад ва ба он пайравӣ намояд».
Ҷумҳурии Тоҷикистон дар партави сиёсати хирадмандонаву башардӯстонаи Президенти Ҷумҳурии Тоҷикистон муҳтарам Эмомалӣ Раҳмон баъд аз истиқрори сулҳ баробари дастовардҳои рӯзафзуни сиёсати дохилӣ дар самти сиёсати хориҷӣ низ ба муваффақиятҳои беназир мушарраф гардид.
Тавсияи таҷрибаи сулҳофарии тоҷикон барои кишварҳои даргири сайёра аз ҷониби Созмони Милали Муттаҳид, нақши назаррас дар ҳалли масоили глобалӣ, пазироии ҷомеаи ҷаҳонӣ аз иқдомоти байналмилалии Пешвои муаззами миллат Тоҷикистони соҳибистиқлолро ҳамчун кишвари ташаббускор дар мазҳари умум қарор дод.
Ахиран дар идомаи истиқбол аз ташаббусҳои байналмилалии Тоҷикистон Маҷмаи умумии Созмони Милали Муттаҳид ташаббуси Президенти Ҷумҳурии Тоҷикистон Эмомалӣ Раҳмонро дастгирӣ намуда, 21 декабри соли 2016 оид ба қабули Даҳсолаи байналмилалии амал «Об барои рушди устувор» (солҳои 2018 - 2028) қатънома қабул намуд. Мақсади асосии эълон намудани даҳсолаи нав мусоидат ба талошҳои дастаҷамъона ҷиҳати иҷрои уҳдадориҳои байналмилалии марбут ба об буда, дар робита ба ин ва дигар иқдомоти қаблӣ ҷомеаи байналмилалӣ Сарвари давлат муҳтарам Эмомалӣ Раҳмонро ба ҳайси поягузори ҳамаи ташаббусҳои байналмилалӣ дар соҳаи об эътироф кардааст.
Бо назардошти аҳамияти ин ташаббус, ки нақши мустақим дар рифоҳи зиндагӣ ва наҷоти аҳли башар аз хатари беобӣ дорад, дар баробари кишварҳои аъзои СММ шахсиятҳои бонуфузи ҷаҳонӣ низ иқдоми Сарвари давлати моро ба ҳайси як амри зарурӣ истиқбол карданд. Аз ҷумла, Пан Ги Мун, собиқ Дабири кулли Созмони Милали Муттаҳид, дар робита ба қабули ин санад изҳори бовар намуда буд, ки даҳсолаи нав дар роҳи таҳким ва мусоидат ба татбиқи ҳадафҳои рушди устувори марбут ба захираҳои об нақши арзишманд гузошта, дастовардҳои Даҳсолаи байналмилалии амал «Об барои ҳаёт», 2005 - 2015 - ро тақвият мебахшад.
Зоҳиран таваҷҷуҳи хосаи Антониу Гутерриш низ аз ин дидгоҳ аст, ки ташаббуси пурарзиши Президенти Ҷумҳурии Тоҷикистон муҳтарам Эмомалӣ Раҳмон дар рушди устувор ва мудирияти ҳамгироёнаи захираҳои об, татбиқи лоиҳаву барномаҳои хос, таҳкими ҳамкорӣ ҷиҳати татбиқи ҳадафҳои рушди устувори марбут ба захираҳои об нақши бориз хоҳад гузошт. Зеро тибқи маълумоти оморӣ, ҳар сол дар ҷаҳон аз нӯшидани оби ифлос 5 миллион нафар вафот мекунад ва 3 миллиони дигар  ба маризиҳои гуногун гирифтор мешавад. Дар ҳамин ҳол гуфта мешавад, ки феълан дар ақсои олам 1,2 миллиард нафар ба оби нӯшиданӣ дастрасии дуруст надошта, зиёда аз 3 миллиард аз одитарин шароитҳои санитарӣ маҳрум мебошад.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 15.06.2017    №: 126-127    Мутолиа карданд: 478

28.01.2020


Иқтидори энергетикии кишвар рӯ ба афзоиш дорад

Азнавбақайдгирӣ. Ҷараёни иҷро нигаронкунанда боқӣ мемонад

Тоҷикистону Эрон. Ҳамкориҳои гумрукӣ таҳким меёбанд

Ноҳияи Рӯдакӣ. Саноатикунонӣ дар мадди аввал

СММ ИМА ва Россияро ба тамдиди созишномаи ССҲ-3 даъват намуд

Аксарияти нафароне, ки мубталои коронавирус шуданд, аз 60 - сола боло мебошанд

Дар Қазоқистон бо офияти занҳое машғул мешаванд, ки аз Сурия баргаштанд

Ҳамлаи малах ба Африқои Ҷанубӣ боиси нигаронии сахти СММ шуд

Ҷаҳон дар як сатр

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст


Дар сомонаҳои дигари Тоҷикистон хонед