logo

иқтисод

МОҲӢ. ТАЛАБОТ МЕАФЗОЯД, ИСТЕҲСОЛ ЧӢ?

Аз нишондодҳои истеҳсоли моҳӣ дар кишвар бармеояд, ки баъди қабули «Барномаи рушди соҳаи моҳипарварӣ барои солҳои 2009 – 2015» аз ҷониби  Ҳукумати ҷумҳурӣ барои пешрафти соҳа заминаи устувор гузошта шудааст. Татбиқи барнома ба афзоиши моҳии хушзоти ватанӣ ва хушзотгардонӣ  мусоидат намуд.  Теъдоди хоҷагиҳои моҳипарвар аз 7 ба 270, масоҳати ҳавзҳои моҳипарварӣ аз 1200 ба 2900 гектар  ва тавлидоти гӯшти моҳӣ аз 214 ба 2073 тонна  расид. Истеҳсолот дар ин самт назар ба  панҷ соли охир 10 маротиба афзудааст.
- Айни ҳол дар ҷумҳурӣ 65 намуди моҳӣ мавҷуд аст. Аз моҳиҳои хушзоти ватанӣ 10 навъ барои парвариш ва 13 навъ сайдшаванда мебошад.  Хоҷагиҳои зотпарварии ҶСК «Моҳии тоҷик»  дар ноҳияи Бобоҷон Ғафуров  ва  ҶСК «Парваришгоҳи моҳии хушзот» дар ноҳияи Абдураҳмони Ҷомӣ барои таъмини хоҷагиҳо бо моҳича ва кирминамоҳичаҳо фаъолият доранд, - гуфт Аҳмадҷон Ғафуров, раиси КВД «Моҳии Тоҷикистон».
Тибқи дурнамо  соли ҷорӣ дар хоҷагиҳои моҳипарвари  ҷумҳурӣ истеҳсоли 2100  тонна моҳӣ дар назар аст.
Сарфи назар аз афзоиши шумораи хоҷагиҳои моҳипарвар,  талаботи аҳолии кишвар ба гӯшти парҳезӣ зиёд (14 - 16 ҳазор тонна дар як сол) буда, ҳанӯз хеле кам қонеъ гардонда мешавад. Олимони Институти хӯроквории назди Академияи илмҳои тиббии ҷумҳурӣ давоми як сол ба ҳар нафар истеъмоли  23 килограмм гӯшти моҳӣ тавсия додаанд. Гӯшти моҳӣ барои  инкишоф ва фаъолияти муътадили  узвҳои  бадани инсон хеле зарур аст. Чунки дар таркиби он 10 намуди аминокислотаҳои ивазнашаванда ва қариб ҳамаи витаминҳои барои  инсон даркорӣ мавҷуд мебошад. Захираҳои фаровони оби тоза дар кишвар имкон медиҳанд, ки соҳаи мазкур  рушд  ёфта,  дар як сол то 300 ҳазор тонна моҳии молӣ истеҳсол карда шавад.
- Набудани хӯрокаи истеҳсоли ватанӣ,  қарзҳои имтиёзнок барои соҳибкорон дар ин самт ва  баланд будани нархи ҳаққи истифодаи  об аз ҷумлаи монеаҳои асосии рушди соҳа ва мушкилоти моҳипарварон мебошанд. Хӯрокаи моҳӣ асосан аз хориҷи кишвар ворид мешавад ва хеле нархи гарон дорад,  -  изҳор дошт  А. Ғафуров.
Тибқи маълумоти ташхисгарони хориҷӣ,  моҳиҳои истеҳсоли Тоҷикистон дар ҷаҳон аз ҷиҳати экологӣ тозатаринанд.  Аз ин рӯ, рушди соҳа ба буҷети кишвар низ даромади бузург  хоҳад овард. Афзоиши истеҳсоли он   дастархони мардумро бо гӯшти парҳезӣ ғанӣ намуда, ба таъмини беҳтари амнияти озуқаворӣ такон мебахшад. 
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 12.07.2017    №: 145    Мутолиа карданд: 792
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед