logo

иқтисод

КАРТОШКА. ЧАРО ИМКОНИЯТҲОИ ИСТЕҲСОЛ ПУРРА ИСТИФОДА НАМЕШАВАНД?

Ҳиссаи картошка  дар таъмини амнияти озуқаворӣ ва саноати коркарди маводи хӯроквории мамлакат  ниҳоят калон аст. Дар солҳои соҳибистиқлолии кишвар бо ибтикори Асосгузори сулҳу ваҳдати миллӣ – Пешвои миллат, Президенти Ҷумҳурии  Тоҷикистон муҳтарам Эмомалӣ Раҳмон барои рушди ин соҳаи муҳими кишоварзӣ тадбирҳои муҳим роҳандозӣ шудаанд. Маҳз натиҷаи ҳамин назорати ҷиддӣ буд, ки истеҳсоли картошка аз 230 – 250 ҳазор то  1 миллион тонна афзуд ва ҷумҳурӣ дар бобати таъмини аҳолӣ  қариб ба худкифоӣ расид. 
Олимону мутахассисони Академияи илмҳои кишоварзии Тоҷикистон ва гурӯҳи соҳибкорони маҳаллӣ имсол баҳри иҷрои дастуру супоришҳои Сарвари давлат дар мавзеи Канаски шаҳри Ваҳдат ба кишти 10 навъи картошкаи тезпази элитию репродуксионӣ даст заданд. Ин мавзеъ пеш санглоху нокорам буд ва азхуд кардани он ҳамин мавсим оғоз ёфт. Баъди тоза кардани заминҳои санглох  дар майдони 200 гектар  308 тонна картошкаи тухмӣ шинонданд. Айни ҳол нашъунамои ниҳолҳои картошка ва дигар зироатҳои киштшуда хуб аст.
- Бо саъйи соҳибкорони ватанӣ барои  кишоварзони шаҳру ноҳияҳои ҷумҳурӣ аз Федератсияи Русия  295 тонна картошкаи тухмӣ ворид  гардид, ки ба деҳқонони картошкапарвар тақсим карда шуд.  Ҳосили  картошкаи   мавзеи Канаск ва тухмиҳои элитаю репродуксияи якуми воридкардаро  ба хоҷагиҳои ҷамоавию деҳқонӣ  барои такрористеҳсолкунӣ тақсим карда,  дар соли оянда сифати тухмиро беҳтар мегардонем, - мегӯяд Ҷамила Саидова, муовини вазири кишоварзӣ. – Баҳору аввалҳои тобистони соли равон гарм омад ва деҳқонони картошкапарварро ба мушкилот мувоҷеҳ намуд. Вазъи имсоларо ба инобат гирифта, аз ҳоло тадбирҳои зарурӣ андешида мешаванд.
Картошка зироати серхарҷ аст ва на ҳар деҳқон ғайрати бо он сару кор гирифтан мекунад. Танҳо барои кишти як гектар камаш 3 – 3,5 тонна тухмӣ лозим мешавад. Зимистони соли 2017 сербориш омаду бисёр картошкакорони водӣ имкон пайдо накарданд, ки тухмӣ дастрас намуда, киштро  сари вақт ба анҷом расонанд. Вақте бархе ба ноҳияҳои Кӯҳистони Мастчоҳ ва Деваштич барои хариди тухмӣ рафтанд, нархи он боло рафта буд. 
Мавриди зикр аст, ки тӯли ду – се соли охир кишоварзони қисмати ҷанубии вилояти Хатлон майдони кишти картошкаро хеле васеъ намуданд, вале маълум мешавад, ки ҳанӯз таҷрибаи кофӣ надоранд ва агротехникаи коркарди ин зироатро дуруст аз худ накардаанд. Масалан, ду деҳқон паҳлуи ҳам картошка кишт карда, яке ҳосили баланд гирифтаасту дигаре паст. Вақте фаъолияти онҳоро бо ҳам муқоиса намуданд, доштану надоштани таҷриба натиҷаашро собит сохт. Деҳқони ҳосили баландгирифта,  муҳлати мувофиқи обёрӣ ва ғизодиҳиро риоя намуда, ба ҳар гектар ба ҳисоби миёна 35 – 40 тонна пору андохта, 2 – 3 маротиба ғизо додааст. Натиҷаи имсолаи бадастовардаи картошкакорон нишон дод, ки афзудани майдони кишти ин зироати асосӣ дар вилоятҳои Суғду Хатлон ба фоидаи истеъмолкунандагон анҷом ёфтааст. Агар 142 ҳазор тонна картошкаи барвақтӣ намебуд, нархи он дар бозорҳои мо боз ҳам гаронтар мешуд. Мебояд мутахассисони вазорат ва соҳаи кишоварзии шаҳру ноҳияҳо фаъолияти картошкакоронро таҳлили дуруст намуда, ба хулосае оянд, ки деҳқон дар интихоби тухмӣ душворӣ накашаду дар вақти коркарди байни қаторҳо бемаслиҳатгар намонад. Кормандони соҳаи агрономӣ бояд аз аввали сол то охири он дар паҳлуи деҳқонон бошанд. Тоҷикистон дорои имкониятҳои хуби хеле зиёдтар истеҳсол намудани картошка аст. Ин имкониятҳоро пурра истифода намудан ба манфиати ҳам истеҳсолгар ва ҳам истеъмолкунанда мебошад.
Мирзои ФИРӮЗ, «Ҷумҳурият»


Баёни ақида (0)    Санаи нашр: 24.07.2017    №: 153-154    Мутолиа карданд: 183

21.08.2017


Ассотсиатсияи нархгузорӣ таъсис ёфт

Ҷаҳон дар як сатр

Полиси Барселона гумонбари асосии амали террористиро ҷустуҷӯ дорад

Русия дар кори расондани ёрии башарӣ аз ҷумлаи пешсафони дунёст

Қирғизистон метавонад худро бо шакар таъмин созад

Инқилоби гази тахтасангӣ дар Чин

ИМА баъди торумори «ДИ» дар Сурия монданӣ нест

18.08.2017


Мулоқоти Сироҷиддин Аслов ва Лучиано Калестини

Тоҷикистон ба панҷгонаи кишварҳои осонтарин низоми гирифтани раводид шомил шуд

Ҷаласаи XV Шӯрои байнидавлатии ИДМ доир хоҳад шуд

Беморхонаи вилоятии Кӯлоб бо таҷҳизоти муосири тиббӣ таъмин гардид

"СУМАЯ" коргоҳи нави дӯзандагӣ дар Лахш

Теъдоди зарардидагони амали террористӣ дар Барселона аз 100 нафар гузашт

Сулҳу салоҳ дар Сурия ибтидои барқарорсозии муносибати ИМА бо Русия мегардад

Трамп тасмими ба Гуам мушак напарронданро оқилона хонд

Дар Қирғизистон 41 довталаби курсии президентӣ аз имтиҳони забон гузашт

Харҷи кишварҳои ҷаҳон барои киберамният меафзояд

16.08.2017


ДУШАНБЕ. ОМОДАГӢ БА БУЗУРГТАРИН ҶАШНИ МИЛЛӢ ВУСЪАТ МЕГИРАД!

«Бӯстон - 2017» дар Сангвор

Ҷаҳон дар як сатр

Пекин тадбирҳои якҷонибаи Вашингтонро беҷавоб нахоҳад монд

Арабистони Саудӣ ва Ироқ пас аз 27 сол сарҳадро боз мекунанд

Дар бозори Нигерия зани маргталаб худро тарконд

Қазоқистон то 170 ҳазор донишҷӯи хориҷиро омӯзонда метавонад

Чин калонтарин дар дунё неругоҳи барқи офтобиро ба кор даровард

Пекин ба ҳалли сиёсии қазияи Кореяи Шимолӣ умедвор аст

Халифа Ҳафтар: «90 дарсади сарзамини Либия аз террористон озод гардид»

Зиёда аз 600 ҳазор гуреза ба Сурия баргашт

Боздошти мубаллиғи эҳтимолии гурӯҳи террористӣ дар Қирғизистон

Қазоқистон ба мардуми қирғиз ёрии башарӣ мерасонад

Варзиш

14.08.2017


Густариши ҳамкориҳои Душанбеву Тошканд дар мубориза бо ҷинояткорӣ

Лоиҳаи нав ҷиҳати тарғиби дороиҳои сайёҳии кишвар

«Суғдсинамо" филми нав бо номи «Тангно»-ро пешниҳод менамояд


Дар сомонаҳои дигари Тоҷикистон хонед