logo

иҷтимоиёт

КАМХУНӢ. ОН ТАНҲО ДАР НАЗАРИ АВВАЛ САБУК МЕНАМОЯД...

Ҳарчанд бо ибтикори Ҳукумати Ҷумҳурии Тоҷикистон бобати коҳиш бахшидани камхунии аҳолӣ як қатор тадбирҳои судманд андешида шуда истодаанд, масъала дар вилояти Хатлон ҳамоно ҳалталаб боқӣ мемонад.

Дар асоси тадқиқоте, ки ахиран Вазорати тандурустӣ ва ҳифзи иҷтимоии аҳолии кишвар дар ҳамдастӣ бо шарикони рушд анҷом дод, камхунӣ миёни бонувони 15 – 49 - сола 34 дарсад ва байни кӯдакони 6 – 59 - моҳаи хатлонӣ 27 дарсад аст. Яъне, мутаассифона, нишондиҳандаи аввалӣ миёни занҳои мамлакат аз ҳама баланд буда, дувумӣ баъд аз Вилояти Мухтори Кӯҳистони Бадахшон сатҳи зиёди камхунӣ маҳсуб меёбад.
Ба қавли Райҳона Мирзоева, сарвари Маркази репродуктивии вилояти Хатлон, дар ҳудуди вилоят беш аз 7 ҳазору 900 зани қобили таввалуд ба қайд гирифта шуда, дар вуҷуди 40 дарсадашон бемории камхунии дараҷааш мухталиф муайян гардидааст. “Яке аз сабабҳои асосии пайдоиши бемории камхунӣ кам будани оҳан дар таркиби  хуни инсон мебошад. Оҳан асосан тариқи ғизо ба организми инсон ворид мешавад”, - афзуд ӯ.
Ҳамида Файзалиева, сокини шаҳри Кӯлоб, чанд сол боз гирифтори камхунӣ аст. Ӯ риоя накардани фосилаи байни таваллудро сабаби тӯл кашидани ин беморӣ медонад.
Ба гуфтаи мутахассисон, агар камхунӣ то дараҷаи вазнин бирасад, метавонад  ба саломатии зан ва ҳам ба кӯдаки батни ӯ таъсири ҷиддӣ расонад. Бинобар хунравӣ ҳангоми валодат модарони камхун зуд - зуд бо марг дастбагиребон мегарданд. Агар кӯдак дар ҷараёни зиндагӣ камхунӣ дошта бошад, ӯ дар муқобили бемориҳои сироятӣ ва дигар таъсирпазир боқӣ хоҳад монд. 
Бобати коҳиш додани бемории камхунӣ марказҳои репродуктивӣ дар шаҳру ноҳияҳо, духтурони момодоя, бунгоҳҳо ва марказҳои саломатӣ пайваста тадбирандешӣ мекунанд. Лекин, бар зами ин, худи аҳолӣ, бахусус занонро мебояд, ки дар ин кор бетараф набошанд. Яъне бо истеъмоли андак - андаки ғизоҳое, ки дар таркибашон оҳан ва витамини В12 доранд, меъёри хунро дар организми хеш мутавозин нигоҳ доранд. Ин ғизоҳо асосан лаблабуи сурх, замбурӯғ, ҷигари гов, лӯбиё, қулфинай, гӯшти гов ва гӯсфанд, тухм, сабзӣ, нок, моҳӣ, панир ва қаймоқ мебошанд.
Ба занҳои қобили таваллуд ва ҳомила тавсия дода мешавад, ки дар як рӯз 5 маротиба ғизо тановул кунанд. Яъне се дафъа таоми асосӣ ва ду маротиба иловагӣ. Муҳимтар аз ҳама, зимни ғизохӯрӣ мебояд аз нӯшидани фаврии чой ва қаҳва, ки метавонанд оҳанро аз организм ҷабида, боиси камхунӣ гарданд, даст кашид.
Навзодонро мебояд то шашмоҳагӣ танҳо шири модар хӯронд. Шири модар кулли витаминҳои заруриро дорост. Пас аз шашмоҳагӣ иҷозат аст, ки ба кӯдак шираи сабзӣ, картошка ва лаблабу дода шавад. Мутахассисон дар ин син ба кӯдак хӯрондани нонро тавсия намедиҳанд. Аз ғизоҳои сунъии махсус барои кӯдакон омодашуда, ки дар фурӯш ҳастанд, истифода накардан ҳам маслиҳат аст.
Камхунӣ дар назари аввал бемории сабук намояд ҳам, вале дар ҳақиқат пайомадҳои вазнин дошта метавонад. Биноан, ҳар як фарди соҳибтадбирро мебояд, ки дар  муқобили  он  муносибати  ҷиддӣ  дошта бошад. Зеро солимии ҳар як инсон, пеш аз ҳама, дар дасти худи ӯст.
Зокир ҲАСАН, “Ҷумҳурият”


Баёни ақида (0)    Санаи нашр: 28.08.2017    №: 182    Мутолиа карданд: 569

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед