logo

мулоқотҳо

Дидори Эмомалӣ Раҳмон бо Мартин Мармӣ

15  сентябр   Президенти Ҷумҳурии Тоҷикистон Эмомалӣ Раҳмон Дабири кулли Иттиҳоди байналмилалии нақлиёти автомобилӣ Мартин Мармиро ба ҳузур пазируфт.
Мартин Мармӣ Президенти Ҷумҳурии Тоҷикистон Эмомалӣ Раҳмонро барои хидматҳои махсусан муҳимаш дар рушди нақлиёт ва боркашонии байналмилалӣ бо Ордени Ифтихории Иттиҳоди байналмилалии нақлиёти автомобилӣ  сарфароз гардонда, аз ҷумла изҳор дошт: «Таҷриба ва пешравиҳои Тоҷикистон дар рушди транзити байналмилалӣ ва ҷорӣ намудани сабукиҳои гузариш аз сарҳади давлатӣ ва қаламрави кишвар барои 73 давлати боқимондаи аъзои ин иттиҳод намунаи ибрат аст».
Дар мулоқот масоили ҳамкории Тоҷикистон бо ин созмони бонуфузи ҷаҳонӣ, ки дар чаҳорчӯби Конвенсияи гумрукӣ дар бораи боркашонии байналмилалӣ, Конвенсия дар бораи аҳдномаи байналмилалии боркашонӣ ва дигар санадҳо аз солҳои 90 – уми асри гузашта ба ин сӯ ҷараён дорад, баррасӣ шуданд.
Сардори давлат Эмомалӣ Раҳмон  ба ин созмон ва шахсан Дабири кулли он Мартин Мармӣ  барои кӯмакҳои ташкилию моддӣ дар рушди имконоти боркашонии байналмилалии Тоҷикистон изҳори сипос намуд.
Мусоҳибон оид ба беҳтаршавии фазои сармоягузории Тоҷикистон, татбиқи лоиҳаҳои бузургҳаҷми инвеститсионӣ оид ба сохтмон ва азнавсозии  роҳу пулҳо ва нақбҳои мошингард ва тавсеаи имконоти транзитии кишвар гуфтугӯйи судманд анҷом дода, омодагии худро баҳри рушди ҳамкории минбаъда дар ин самтҳо таъкид намуданд.
Бо қаноатмандӣ зикр гардид, ки имрӯз дар рушди коммуникатсияҳои нақлиётии Тоҷикистон 10 кишвари ҷаҳон, аз ҷумла Чин, Иёлоти Муттаҳидаи Амрико, Эрон, Туркия, Италия ва созмонҳои байналмилалию минтақавии молиявӣ иштирок доранд.
Аз он ки имрӯз миёни Вазорати нақлиёт ва коммуникатсияи Тоҷикистон ва Иттиҳоди байналмилалии нақлиёти автомобилӣ оид ба рушду такомули имконоти транзитии Тоҷикистон як санади нави ҳамкорӣ ба имзо расид, изҳори қаноатмандӣ карда шуд.
Президенти Ҷумҳурии Тоҷикистон Эмомалӣ Раҳмон барои тақвияти бештари нақши  Иттиҳоди байналмилалии нақлиёти автомобилӣ дар минтақа пешниҳод намуд, ки дар шаҳри Душанбе Маркази байналмилалӣ доир ба масоили транзити нақлиётӣ  дар Осиёи Марказӣ таъсис дода шавад.
Сардори давлат Эмомалӣ Раҳмон ҳамчунин пешниҳод намуд, ки соли оянда дар шаҳри Душанбе Конфронси байналмилалӣ дар мавзӯи «Рушди имконоти транзитии Осиёи Марказӣ дар давраи то соли 2020» даъват гардад.

www.president.tj

Мартин Мармӣ, Дабири кулли Иттиҳоди байналмилалии нақлиёти автомобилӣ, пас аз дидору гуфтугӯ бо Эмомалӣ Раҳмон, Президенти Ҷумҳурии Тоҷикистон, андешаҳояшро ба намояндагони воситаҳои ахбори омма чунин баён намуд:
-Ман бо Ҷаноби Олӣ  Эмомалӣ Раҳмон доир ба рушди соҳаи нақлиёти Тоҷикистон ва боркашонии байналмилалӣ сӯҳбати хеле пурмӯҳтаво доштам. Аз номи Иттиҳоди байналмилалии нақлиёти автомобилӣ ба роҳбарияти Ҳукумати Тоҷикистон, шахсан ба Президент Эмомалӣ     Раҳмон барои саъю талошҳои пайвастааш дар рушди коммуникатсияи нақлиётӣ ва дастгирии  Иттиҳоди байналмилалӣ миннатдории самимонаи худро баён намудам.
Мо бо Тоҷикистон, махсусан бо Вазорати нақлиёт ва коммуникатсияи кишвари шумо оид ба боркашонии байналмилалӣ ҳамкории зич ва мутақобилан судманд дорем. Барои тавсеаи ҳамкориҳо дирӯз дар шаҳри Душанбе байни Ҳукумати Тоҷикистон ва Иттиҳоди байналмилалии нақлиёти автомобилӣ Ёддошти тафоҳум ба имзо расид, ки бешак барои тавсеаи ҳамкориҳои дуҷониба такони ҷиддӣ мебахшад. Ҳадафи асосии мо осон гардондани боркашонӣ ҳангоми гузаштан аз сарҳади давлатӣ мебошад.
Мартин Мармӣ аз он изҳори қаноатмандӣ намуд, ки дар байни кишварҳои Осиёи Марказӣ Тоҷикистон дар мавриди убури сарҳади давлатии нақлиёти транзитӣ намуна аст. Ба гуфти ӯ, дар бисёр мавридҳо ронандагони нақлиёти боркаш 40 дар сади вақти худро дар сарҳадҳои гумрукии дигар давлатҳо мегузаронанд, ки ин ба Тоҷикистон хос нест.
Дабири кулли Иттиҳоди байналмилалии нақлиёти автомобилӣ иброз дошт, ки соли 2010 дар шаҳри Душанбе Конфронси байналмилалӣ бо иштироки намояндагони кишварҳои Осиёи Марказӣ баргузор мегардад ва дар ин ҳамоиш масоили доғи рӯз, аз ҷумла рафти иҷрои санадҳои баимзорасида, бунёди роҳу пулҳо ва рушди иқтисоду савдо дар кишварҳои минтақа мавриди баррасӣ қарор хоҳанд гирифт.

Додоҷон Рӯзиев,
«Ҷумҳурият»


Баёни ақида (0)    Санаи нашр:    №:    Мутолиа карданд: 633

21.10.2019


Баррасии рушди ҳамкориҳои байнипарлумонии Тоҷикистону Россия

Вохӯрии Давлаталӣ Саид бо Шэн Юэюэ

Ҷаласаи Шӯрои ҳамоҳангсозии фаъолияти мақомоти ҳифзи ҳуқуқ

Ҷонсон аз Иттиҳоди Аврупо то январи соли 2020 мавқуф гузоштани Брекситро хоҳиш намуд

Трамп умед дорад, ки ба қарибӣ бо Чин шартномаи тиҷоратӣ мебандад

Кандашавии сарбанд дар қарибии Красноярск боиси марги 15 нафар гашт

ИМА аз Афғонистон 5 ҳазор низомиашро мебарорад

Володин: «Россия ба кормандон аз Тоҷикистон ниёз дорад»

Ҷаҳон дар як сатр

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд


Дар сомонаҳои дигари Тоҷикистон хонед