logo

маориф

ЛАЁҚАТ ВА НУФУЗИ ХОНАНДАГОНИ ТОҶИК ДАР САТҲИ БАЙНАЛМИЛАЛӢ

Литсей барои хонандагони болаёқат дар шаҳри Душанбе аз зумраи муассисаҳои таълимиест, ки хонандагони он бо сазовор гардидани ҷойҳои ифтихорӣ дар олимпиадаҳои байналмилалӣ парчами Тоҷикистонро пайваста баланд мебардоранд. Соли ҷорӣ дар олимпиадаи фосилавӣ “British Chemistry Olympiad”, ки аз фанни кимиё дар Британияи Кабир баргузор гардид, хонандагони литсей соҳиби 1 медали тилло, 2 нуқра, 3 биринҷӣ ва дар олимпиадаи фанни биология “British Biology Olympiad” 1 медали тилло, 1 нуқра, 3 биринҷӣ ва 1 ҷойи ифтихорӣ гардиданд.
Хонандагони синфи 10 Шоҳрух Насимиён ва Шоҳрух Сангов дар олимпиадаи лоиҳавӣ аз фанҳои дақиқ, ки дар шаҳри Пенанги давлати Малайзия, баргузор шуд, соҳиби шоҳҷоиза ва медали тилло гашта, лоиҳаи ихтироотии Маҳаддӯсти Азим соҳиби ҷойи 3 - юм ва медали биринҷӣ шуд. Хонандагони литсей, ҳамчунин, иштирокчии ҳамасолаи олимпиадаи байналмилалии Жаутков мебошанд. Ин олимпиада аз фанҳои математика, физика ва информатика дар шаҳри Алмаатои Ҷумҳурии Қазоқистон баргузор мегардад ва дар он намояндагони 16 кишвари Осиё ва Аврупо бо ҳам сабқат мекунанд. Соли равон талабагони литсей Мурод Мирҷалолов ва Зикруллоҳ Хужақулов дар олимпиадаи мазкур медали биринҷиро соҳиб шуданд.
Дастовардҳояшон дар олимпиадаҳои ҷумҳуриявӣ низ кам нест.
Соли 2017 хонандагон аз олимпиадаҳои ҷумҳуриявӣ аз фанҳои гуногун 15 медал ба даст оварда, соҳиби 2 ҷойи ифтихорӣ ва ғолиби олимпиадаҳои ҷумҳуриявӣ гардиданд. Аз рӯи маълумотҳо ҳамасола 99 дарсади хатмкардагони он ба донишгоҳу донишкадаҳои дохил ва хориҷи кишвар шомил мешаванд. Ин ва дигар дастовардҳои хонандагон шаҳодат аз он аст, ки таълим дар муассисаи мазкур мувофиқи талаботи замон роҳандозӣ шуда, устодон барои таълими фанҳо таҷриба ва лаёқати хуб доранд.
Аммо сирри муваффақияти таълимгирандагони литсей танҳо дар ин нест.
Литсей барои хонандагони болаёқат дар шаҳри Душанбе муассисаи худмаблағгузор буда, дар он барои шогирдон шароити хуби таҳсил фароҳам оварда шудааст. Синфхонаҳо бо технологияҳои навтарин, таҷҳизоти таълимии муосир таъминанд.
Барномаҳое, ки тибқи он хонандагон ба таълим фаро гирифта шудаанд, аз барномаҳои муассисаҳои таълимии пешрафтаи Аврупо мебошанд ва дар мувофиқа бо Вазорати маориф ва илми Ҷумҳурии Тоҷикистон роҳандозӣ гардидаанд. Аз ин рӯ, фанҳои дақиқ аз рӯи барномаи Кембриҷ бо забони англисӣ, гуманитарӣ бо забони давлатӣ таълим дода мешаванд. Устодон дар таълим, ҳамчунин, аз таҷрибаи кишварҳое чун Русия ва Қазоқистон низ истифода мебаранд. Забони русиро хонандагон ҳамчун забони хориҷӣ меомӯзанд
- Ба андешаи роҳбари муассиса Насим Туманов зарурати пиёда сохтани барномаҳои мазкур дар он аст, ки литсей имрӯз пешбарандаи сиёсати ҳаракати олимпӣ дар кишвар мебошад ва дар бештари олимпиадаҳои фаннӣ дар сатҳи байналмилалӣ Тоҷикистонро аз рӯи панҷ фанни таълимӣ - математика, физика, химия, биология ва асосҳои техникаи компютерӣ муаррифӣ мекунад.
- Ҳоло литсей намояндаи расмии як қатор олимпиадаҳои байналмилалии фосилавӣ, мебошад.
Соли гузашта литсей олимпиадаи «Кенгру математекс» - ро дар Тоҷикистон гузаронд, ки дар он зиёда аз 2000 хонанда ширкат намуд. Ин олимпиада баҳои баланд гирифт ва моҳи октябр Литсей барои хонандагони болаёқат ба Ҷумҳурии Швейтсария даъват шуд.
Барои таълими фанни кимиё, биология ва физика низ озмоишгоҳи хуб дорем ва барои омӯзиши фанҳои мазкур кофӣ аст, аммо ҷиҳати омода намудани хонандагон барои олимпиадаҳои ҷаҳонӣ не. Ба ин хотир, талош дорем дар литсей озмоишгоҳеро ташкил намоем, ки бо навтарин дасгоҳҳо таъмин бошад. Зеро як қисмати асосии олимпиадаҳои ҷаҳонӣ ин кори амалӣ, яъне кори озмоишӣ мебошад. Мо намунаҳои озмоишгоҳҳои беҳтаринро ба Вазорати маориф ва илм, Маркази ҷумҳуриявии дарёфт ва рушди истеъдодҳо пешниҳод намудем. Умед дорем, ояндаи наздик пешниҳоди мо дастгирӣ меёбад. Ин имкон медиҳад, ки хонандагони мо ба дастовардҳои беҳтар ноил шаванду дар сатҳи байналмилалӣ шаъну шарафи Тоҷикистонро боз ҳам баландтар бардоранд, - мегӯяд Насим Туманов.
Фарзона ФАЙЗАЛӢ,
“Ҷумҳурият”


Баёни ақида (0)    Санаи нашр: 25.09.2017    №: 201    Мутолиа карданд: 2462
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед