logo

суханрониҳо

Суханронии Президенти Ҷумҳурии Тоҷикистон Эмомалӣ Раҳмон дар ҷаласаи Шӯрои cарони давлатҳои ИДМ дар ҳайати васеъ, Федератсияи Русия, 11 октябри соли 2017

Муҳтарам Раис!
Ҳамтоёни муҳтарам!
Пеш аз ҳама, мехоҳам ба ҷониби Русия ва ба Президент Владимир Владимирович Путин барои меҳмоннавозии гарм ва ташкили сатҳи баланди ҷаласа изҳори миннатдорӣ намоям.
Рӯзномаи ҷаласаи мо масъалаҳои муҳимро фаро мегирад ва мо қабули қарорҳои дахлдорро барои ҳалли онҳо тасдиқ мекунем.
Барои дастгирии қарор вобаста ба гузариши раёсат дар Иттиҳод ба Ҷумҳурии Тоҷикистон миннатдориамонро изҳор медорам. Аз ҷониби мо Консепсияи раёсати Тоҷикистон ва нақшаи татбиқи он таҳия карда шудааст. Афзалиятҳои раёсати мо ба таъмини муттасилӣ дар Иттиҳод ва таҳкими натиҷаҳои то имрӯз бадастомада равона карда мешаванд.
Дар самти ҳамгироии иқтисодӣ кӯшишҳо ба иҷрои Нақшаи чорабиниҳо оид ба татбиқи марҳилаи сеюми Стратегияи рушди иқтисодии ИДМ барои давраи то соли 2020 равона хоҳанд шуд.
Дар соҳаи энергетика тақвияти кӯшишҳо оид ба ҷонноккунии ҳамкорӣ дар соҳаи технологияҳои сарфаи энергия ва барқарорсозии фаъолияти мувозии низоми электроэнергетикии давлатҳои иштирокдори ИДМ ҳадафи афзалиятнок мегардад. Дар баробари ин, мо тасмим дорем, ки ҳамкориро дар азхудкунии манбаъҳои барқароршавандаи энергия рушд диҳем.
Дар соҳаи нақлиёт ба татбиқи Самтҳои афзалиятноки ҳамкории давлатҳои иштирокдори ИДМ дар ин соҳа барои давраи то соли 2020 диққати махсус дода мешавад. Ба сатҳи сифатан нав баровардани ҳамкории байни кишварҳоямонро дар соҳаи интиқоли мол, ҳамлу нақли автомобилӣ ва роҳи оҳан зарур мешуморем.
Дар соҳаи кишоварзӣ ба чорабаниҳое, ки ба пешбурди масъалаҳои амнияти озуқаворӣ нигаронда шудаанд, афзалият дода мешавад. Барои таҳкими ҳамкорӣ дар соҳаи комплекси агросаноатӣ ба масъалаҳои логистикӣ ва татбиқи лоиҳаҳо оид ба қабули қарорҳои инноватсионӣ дар соҳаҳои гуногун таваҷҷуҳ зоҳир кардан зарур аст.
Яке аз вазифаҳои муҳим рушди ҳамкорӣ дар соҳаи муносибатҳои иҷтимоию меҳнатӣ ва муҳоҷират мебошад. Дар соҳаи гуманитарӣ кӯшишҳо ба самти ҳамоҳангсозии амалҳо дар соҳаи илму маориф, фарҳанг, тандурустӣ ва иттилоот равона хоҳанд шуд.
Бо муҳтавои сифатан нав мукаммал сохтани кор бо ҷавонон, рушди ҳамкорӣ дар соҳаи тарбияи ҷисмонӣ ва варзиш, тавсеаи робитаҳои сайёҳиро муҳим мешуморем.
Таваҷҷуҳи зарурӣ ба татбиқи Барномаи байнидавлатии ҳамкории инноватсионӣ барои давраи то соли ду ҳазору бист равона хоҳад гашт.
Дар соҳаи экология ва ҳифзи муҳити зист кор дар самти таҳияи ҳуҷҷатҳо ва барномаҳои дахлдор, ки ба беҳтар намудани муҳити зист ва  огоҳ намудан аз ҳолатҳои фавқулода равона шудаанд, идома хоҳад ёфт.
Таҳкими минбаъдаи ҳамкориро дар соҳаи рафъи оқибатҳои офатҳои хусусияти табиӣ ва техногенидошта муҳим мешуморем.
Масъалаҳои таъмини амният ва субот дар давраи раёсати Тоҷикистон чун аввалия боқӣ мемонанд.
Мо бо ҳар тарз ба татбиқи амалии қарорҳо ва ҳуҷҷатҳои барномавӣ доир ба мубориза бо таҳдидҳо ва хатарҳо, ки дар доираи Иттиҳод қабул шудаанд, мусоидат мекунем. Ин, терроризм, ифротгароӣ, гардиши ғайриқонунии маводи мухаддир ва дигар навъҳои ҷиноятҳои муташаккили фаромиллӣ мебошанд.
Дар самти мукаммал сохтани фаъолияти мақомоти ИДМ кор дар асоси Дастурамали умумӣ дар бораи мақомоти ҳамкории соҳавии ИДМ ва татбиқи Қарори Шӯрои сарони давлатҳо доир ба мутобиқсозии Иттиҳоди Давлатҳои Мустақил ба воқеиятҳои муосир идома дода мешавад.
Дар самтҳои зикршуда мо ният дорем, ки бо ҳамаи кишварҳои иштирокдор ва Кумитаи иҷроияи ИДМ ҳамгироии мутақобилаи зич ба роҳ монем.
Изҳори бовар менамоям, ки кӯшишҳои муштараки мо ба таҳкими муносибатҳои бисёрҷонибаи миёни кишварҳоямон дар доираи Иттиҳод мусоидат хоҳанд кард.
Барои таваҷҷуҳатон ташаккур.


Баёни ақида (0)    Санаи нашр: 12.10.2017    №: 213    Мутолиа карданд: 1662

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед