logo

фарҳанг

МЕҲРГОН БАЙНАЛМИЛАЛӢ МЕШАВАД

Дар Академияи илмҳои Ҷумҳурии Тоҷикистон бо иштироки олимону меҳмонони ватаниву хориҷӣ Симпозиуми байналмилалӣ таҳти унвони «Ҷашни Меҳргон ва Сада дар ойинаи тамаддуни мардумони Осиёи Марказӣ» баргузор гардид. Дар он Абдуҷаббор Раҳмонзода, ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, Акбар Турсон академик, Аббосалӣ Ҳасанов, сафири Озарбойҷон ва Франсис Рошер муҳаққиқ аз  Фаронса, иштирок ва суханронӣ намуданд.
- Соҳибистиқлолӣ ба аксари ҷашну маросимҳои миллии мо, бавижа Наврӯзу Меҳргону Сада умри дубора бахшид. Меҳргон низ ҳамчун куҳантарин ҷашни мардуми ориёинажод бо хусусият ва шукӯҳу шаҳомати хеш эҳё гардид. Мо дар оянда нақша дорем, ки дар самти пажӯҳишу тарғиби илмии ин ҷашн ҳиммат гумошта, онро ба яке аз ҷашнҳои ҷаҳонӣ мубаддал гардонем, - изҳор дошт Абдуҷаббор Раҳмонзода.
Мавсуф иттилоъ дод, ки дар ин бора ба дафтари ЮНЕСКО  мавод ва ҳуҷҷатҳои зарурӣ пешниҳод гардидааст ва баъди қабули қарорҳои дахлдор Меҳргон низ ҳамчун арзиши олии инсоният ба рӯйхати ҷашнҳои байналмилалӣ ворид мегардад.
Аббосалӣ Ҳасанов дар мавриди ҷашнгирии иди Меҳргон дар Озарбойҷон ҳарф зада, баъзе вижагиҳо ва муштаракоти онро барои халқҳои тоҷику озар қайд кард. Аз ҷумла, ба ҷашни Анор, ки дар Озарбойҷон ҳамчун як қисмати умдаи Меҳргон таҷлил мегардад, таваққуф намуда, иқдоми Ҳукумати Ҷумҳурии Тоҷикистонро дар эҳё ва ташвиқу тарғиби ин ид дастгирӣ намуд.
Академик Акбар Турсон моҳияти фалсафиву умумиинсонии Меҳргон ва сайри таърихии онро дар аҳди бостон ва осори классикони тоҷику форс рӯшан кард.
- Таҷлили Меҳргон бо Наврӯзи баҳорӣ тавозуни кайҳониро ба вуҷуд овардаанд. Асли ҷашнҳои мазкур ба илмҳои ситорашиносӣ рафта расида, муштаракан илмҳои кишоварзӣ, набототшиносӣ ва хокшиносӣ  ва боз чанди бахшҳои хурду бузурги улуми дигарро дар худ гунҷондаанд. Ҳамин гуна арзишҳои баланди ғоявию илмӣ доштанаш сабаб шудааст, ки мардум онро то ба имрӯз ба шаклу суратҳои гунонгун зинда нигаҳ дошта омадаанд,- афзуд Акбар Турсон.
Франсис Рошер ба ҷашни мардумӣ ва сарчашмаи ормону хостаҳои халқ будани Меҳргон ишора карда, қайд намуд, ки дар Фаронса низ чун Меҳргон иди ҷамъоварии ҳосил ҳамчун рамзи фаровониву шукргузорӣ аз табиат ҳамасола гузаронда мешавад. Аммо Меҳргоне, ки дар байни мардумони Осиёи Марказӣ бо ному шаклҳои гуногун ҷашн гирифта мешавад, решаҳои амиқи таърихӣ дорад. Бавижа, вожаи таркибии меҳр (Митро), яъне офтоби зардуҳиштӣ, ки дар номи Меҳргон аст, гувоҳӣ бар он медиҳад, ки пеш аз мелод низ аҷдоди шумо ин идро таҷлил мекардаанд.  Баъдтар шоҳони сосонию амирони сомонӣ онро равнақи тоза бахшида, ба мондагории он ҳиссаи шоиста гузоштаанд.
Симпозиум дар рӯҳияи баланди хештаншиносӣ баргузор гардида, ҳозирин, бавижа пажӯҳишгарону меҳмонони хориҷӣ ба рӯйхати ҷашнҳои байналмилалӣ ворид шудани Меҳргонро бо хушнудӣ пазируфтанд ва якдилона ҳамовозии хешро баён доштанд.
Бузургмеҳри БАҲОДУР, «Ҷумҳурият»


Баёни ақида (0)    Санаи нашр: 18.10.2017    №: 217    Мутолиа карданд: 1090

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд

Чин бори нахуст аз ҷиҳати миқдори сафорат дар хориҷа ИМА - ро пас гузошт

Сарвазири Украина ба мардуми кишвар тибби ройгонро ваъда дод

Ҷаҳон дар як сатр

ЧЕМПИОНАТИ CAFA – 2019. Бонувони тоҷик соҳиби медали биринҷӣ шуданд

28.11.2019


НОҲИЯИ АЙНӢ. Боз як маркази нав дар хизмати мардум

27.11.2019


Ҷаласаи Кумитаи тадорукот оид ба омодагӣ ва баргузории ду чорабинии сатҳи байналмилалӣ

Медали биринҷии Сомон аз Ҷопон

Бишкек. Дар ҳамоиши СААД 21 масъала баррасӣ мешавад


Дар сомонаҳои дигари Тоҷикистон хонед