logo

маориф

ДДК. АЗ ШИНОХТИ РИСОЛАТ ТО ЭҲСОСИ МАСЪУЛИЯТ

Чунонки қаблан хабар дода будем, Донишгоҳи давлатии Кӯлоб ба номи Абуабдуллоҳи Рӯдакӣ бо Сертификати байналмилалии сифати Аврупо сарафроз гашт. Ба ин муносибат Абдулқодири Раҳим, шореҳи масъалаҳои иҷтимоӣ – фарҳангии  рӯзномаи «Ҷумҳурият», бо Абдулло Ҳабибулло, ректори ин муассисаи таълимӣ, узви вобастаи Академияи илмҳои ҷумҳурӣ, доктори илмҳои физика ва математика, профессор, суҳбат анҷом дод.
- Устоди гиромӣ, бо табрик ба ин дастовард дар оғози суҳбат мехостам  ҷойгоҳи ин сертификати байналмилалиро дар мавриди баҳодиҳии як муассисаи аз Аврупо дар дуриҳо қарордошта шарҳ диҳед.
- Бо қарори Ташкилоти байналмилалии сертификати сифати аврупоии Институти Швейтсария (Донишгоҳи Оксфорди Британияи Кабир), Донишгоҳи давлатии Кӯлоб ба номи  Абуабдуллоҳи Рӯдакӣ соҳиби иҷозатнома (литсензия) ва Сертификати байналмилалии сифати Аврупо (бо ҷоизаи  хос) гардид. Ин иҷозатнома ва ҷоиза, маъмулан, бар пояи  саҳми назарраси донишгоҳҳо дар сатҳи байналмилалӣ ва ширкати донишмандону омӯзгорон дар лоиҳаҳои таълимӣ, чопи мақолаҳо дар маҷаллаҳои хориҷи кишвар дода шуда, мавқеъ, нуфуз ва рейтинги муассисаҳои таълимиву илмиро баланд мебардорад.  Гумон мекунам, арзёбӣ ва баҳои баланд додани як ташкилоти байналмилалӣ, бавижа намояндагии Донишгоҳи дар ҷаҳон овозаманди Оксфорди Британияи Кабир ба фаъолияти Донишгоҳи давлатии Кӯлоб ба номи Абуабдуллоҳи Рӯдакӣ нуфуз ва рейтинги онро боз ҳам баландтар гардонда, боиси ифтихори мо мебошад.

- Якуми сентябри соли 2015 ҷашни 70 - солагии Донишгоҳи давлатии Кӯлоб бо як шукӯҳи хосса таҷлил гардид. Рӯзи дониш бо маросими ифтитоҳи бинои ҳафтошёнаи таълимӣ  рост омад. Асосгузори сулҳу ваҳдати миллӣ -  Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмон дар ин маросим иштирок намуда, бо гиромидошти  Рӯзи дониш,  шахсан бо донишҷӯён Дарси сулҳ гузаронд. Равшан аст, ки ин туҳфаи идона ҳамзамон дархӯри баланд бардоштани масъулияти донишҷӯёну донишваронро дар пай дорад. Донишгоҳ дар ин муддат ба чӣ дастовардҳо ноил гаштааст?
- Ғамхориҳои Пешвои миллат муҳтарам Эмомалӣ Раҳмон дар роҳи фароҳам овардани шароити хуби таълиму тарбия масъулияти ҳар шахси босипосу боандешаро баланд бардошта, ба донишмандон ва омӯзгорону донишомӯзон илҳоми нав ба нав мебахшад. Имрӯз, метавон гуфт, заминаи  моддӣ – техникии донишгоҳ устувор гашта, барои донишҷӯён  шароити  хуби омӯзишу истироҳат ва эҷоду касбомӯзӣ муҳайё мебошад. Донишгоҳ дорои 3 толори маҷлис, 4 толори варзиш, 1 маркази илмӣ – инноватсионӣ, 1 маркази омӯзиши забонҳо, маркази омӯзиши фосилавӣ ва инкишофи мартаба (карера), маркази тестӣ ва парки техникӣ, 3 ошхона, хобгоҳи донишҷӯён барои 300 кати хоб, осоишгоҳ ва дигар василаҳои омӯзишу парвариш мебошад. Илова бар ин, дар ноҳияи кӯҳистонии Муъминобод бошишгоҳи  истеҳсолӣ – фароғатӣ ба унвони “Истиқлол”, амал мекунад.
Дар чаҳорчӯбаи  лоиҳаҳои байналхалқӣ Донишгоҳи давлатии Кӯлоб бо бештар аз 80 донишгоҳу муассисаҳои илмии ҷаҳонӣ, аз ҷумла бо кишварҳое чун  Россия, Олмон, Испания, Италия, Англия, ИМА, Чехия, Белгия, Беларус, Қазоқистон, Қирғизистон, Туркманистон, Ӯзбекистон, Украина, Австрия, Эрон, Ҳиндустон ва чандин кишварҳои дигар ҳамкориҳои судманд дорад.
Аз рӯи нақшаи «Вазифаҳои афзалиятноки стратегӣ дар самти рушди равобити байналмилалӣ то соли 2020» донишгоҳ дар ҳамкорӣ бо барномаҳои  Фонди Аврупо, якчанд донишгоҳҳои Федератсияи Россия, донишгоҳҳои бонуфузи давлатҳои Осиёи Миёна корҳои чашмрасеро ба анҷом расондааст. Аз ҷумла, дар соли таҳсили гузашта зиёда аз 40 барномаву имконоти таҳсилу коромӯзӣ ва таҳқиқотҳои илмӣ дар хориҷи кишвар барои донишҷӯёну омӯзгорон натиҷаҳои босамар доданд. 
Дар донишгоҳ, ҳамчунин, озмунҳо барои шаҳрвандони минтақаи Кӯлоб оид ба таҳсил дар донишгоҳҳои хориҷи кишвар гузаронда шуданд, ки дар натиҷа зиёда аз 50 нафар довталабони ин озмунҳо барои таҳсил дар донишгоҳҳои хориҷи кишвар, бавижа Федератсияи  Россия сафарбар гардиданд. 
Танҳо дар давоми соли таҳсили гузашта аз ҳисоби лоиҳаҳои байналмилалӣ дар шакли таҷҳизоту китобҳо, таҳсил дар хориҷи кишвар, иштирок дар курсҳои кӯтоҳмуддату дарозмуддат, маблағи як миллион сомонӣ фоида оварда шудааст.
Роҳбарияти донишгоҳ барои дастгирии моддӣ ва маънавии мутахассисони ҷавон ва донишҷӯёни донишпажӯҳ аҳамияти вижа медиҳад. Онҳо ҳамасола аз идрорпулии раиси вилоят, ректори донишгоҳ бархӯрдор мебошанд, ҳамон гуна ки барои ҳимояи рисолаи номзадӣ маблағи 3000 сомонӣ ва барои докторӣ 5000 сомонӣ муқаррар шудааст. Афзун бар ин, дар чаҳорчӯбаи иҷрои супориши Пешвои миллат муҳтарам Эмомалӣ Раҳмон мутахассисони  ҷавон бо манзили истиқоматӣ таъмин мегарданд.
Барои ҳавасмандсозии бештари донишҷӯён ба омӯзиши илмҳои муосир, ташаккули тафаккури илмӣ ва техникии онҳо, дарёфти донишҷӯёни лаёқатманду шоиста, ҷиҳати ҷалби онҳо ба соҳаҳои илм, соли дуюм аст, ки дар донишгоҳ Ҷамъияти илмии донишҷӯён  фаъолият дорад ва дар он 120 нафар пажӯҳишгарони ҷавон шомил мебошанд.
Моҳи апрели соли 2017 дар донишгоҳ даври хотимавии Олимпиадаи донишҷӯёни муассисаҳои таҳсилоти олии касбии ҷумҳурӣ дар сатҳи баланди ташкилӣ баргузор гардида, дастаи Донишгоҳи давлатии Кӯлоб сазовори   3 ҷойи аввал шуд. Ба озмуни ҷумҳуриявии «Донишҷӯ ва пешрафти илмӣ- техникӣ» 6 лоиҳаи илмии донишҷӯён пешниҳод гардид, ки  аз миёни шоистагони дипломҳои дараҷаи 1 – 3 шаш нафар аз Донишгоҳи давлатии Кӯлоб буданд.
Натиҷаи талошу кӯшиш барои ташаккули тафаккури илмии ҷавонон мебошад, ки соли гузашта 5 нафар олимони ҷавон рисолаҳои хешро барои дарёфти унвони номзади фанҳо, дифоъ намуданд ва ҳоло 15 нафар ҷавонон дар пайи пажӯҳишҳои илмӣ барои сазовор гаштан ба унвонҳои номзад ва доктори фанҳо мебошанд.
Донишгоҳи давлатии Кӯлоб ба номи Абуабдуллоҳи Рӯдакӣ минбаъд низ бар асоси дастуру роҳнамоиҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри иҷрои рисолати баланду пурифтихори худ – таълиму тарбияи мутахассисони садоқатманди Ватан қадамҳои устувор хоҳад гузошт.


Баёни ақида (0)    Санаи нашр: 05.12.2017    №: 248    Мутолиа карданд: 961

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард

Ҳалокати мардуми осоиштаи афғон дар ҳоли афзоиш аст

Ҳангоми чемпионати ҷаҳон 25 миллион киберҳамла пешгирӣ шуд

16.07.2018


Мулоқоти Сироҷиддин Муҳриддин бо Пратибҳа Меҳта

Машварати муовинони вазирони корҳои хориҷии кишварҳои аъзои СҲШ

Баррасии тақвияти ҳамкориҳо бо Бонки ҷаҳонӣ

РОҒУН. Бунёди иншооти нав ба муносибати 30-солагии Истиқлолияти давлатӣ

ФАРОНСА – чемпиони ҷаҳон

Ҷаҳон дар як сатр

Трамп ҷонибдори роҳандозии муносибот байни ИМА ва Британия бо Русия ва Чин аст

Чин соли 2020 «қудрати донорӣ» мешавад

Нахустин дар ҷаҳон рентгени сеҷонибаи ранга сохта шуд

Дар Дачжоу писарчаи аз ошёнаи бистум афтода наҷот ёфт

13.07.2018


Мулоқоти Сироҷиддин Муҳриддин ва Ясмин Гуедар

Баррасии Барномаи дастгирии рушди неруи инсонӣ

Баргузории конфронси «Ҳунарҳои мардумӣ: эҳё, ҳолат, рушд ва дурнамо»

Пирӯзии теннисбози тоҷик дар ИМА

ҶАҲОН ДАР ЯК САТР

Дар СҲШ зарурати тақвияти мубориза алайҳи терроризмро таъкид карданд

Трамп: «Путин рақиби ман аст, лек метавонад дӯст гардад»

Русия сазовори ҷоми макроиқтисодии ҷаҳон шуд


Дар сомонаҳои дигари Тоҷикистон хонед