logo

иқтисод

ОМИЛИ РУШД ВА ШАФФОФИЯТ. ДАР БОРАИ ҲИСОББАРОБАРКУНИИ ҒАЙРИНАҚДӢ

Таҷрибаи муосири низоми бонкдорӣ нишон медиҳад, ки истифодаи кортҳои пардохт яке аз омилҳои пешрафти молиявӣ ва ғанисозии буҷети кишвар мебошад. Бонки миллии Тоҷикистон ҷиҳати ҷорӣ сохтани низоми ҳисоббаробаркуниҳои ғайринақдӣ (харидуфурӯш) дар марказҳои савдову хизматрасонӣ як қатор чораҳоро амалӣ намуда истодааст.

- Гузариш ба низомҳои муосири пардохтҳои ғайринақдӣ дар баробари вусъат бахшидани истифодаи кортҳои пардохтӣ  хизматрасониҳои фосилавии бонкиро низ, аз қабили интернет - банкинг, мобайл - банкинг ва дигар воситаҳои пардохтҳои электронӣ рушд медиҳад, - мегӯяд Ҳамидулло Машрабзода, муовини раиси Бонки миллии Тоҷикистон.
Ба гуфтаи ӯ, дар ин самт аз ҷониби Бонки миллии Тоҷикистон дар ҳамкорӣ бо Кумитаи андози назди Ҳукумати ҷумҳурӣ корҳои зиёд анҷом дода шудаанд. Аз ҷумла, тибқи Қарори Ҳукумати Ҷумҳурии Тоҷикистон таҳти № 815 «Оид ба тадбирҳои вусъат додани ҳисоббаробаркуниҳои ғайринақдӣ тавассути кортҳои пардохтии бонкӣ» аз моҳи декабри соли 2014 ва тасвиби тағйиру иловаҳо ба моддаи 615 Кодекси ҳуқуқвайронкунии маъмурии Ҷумҳурии Тоҷикистон, шурӯъ аз 1 январи соли 2017 насби POS - терминалҳои электронӣ барои ҳисоббаробаркунӣ дар муассисаҳои савдою хизматрасонӣ, ки толори фурӯшашон зиёда аз 40 метри мураббаъро ташкил медиҳад, ба таври ҳатмӣ роҳандозӣ гардид. Мутаассифона, дар Тоҷикистон бештари дорандагони кортҳо, онро ҳамчун воситаи гирифтани пули нақд истифода мебаранд. Дар ҳоле, ки кортҳои пардохт ҳамчун василаи ҳисоббаробаркунӣ дода мешаванд. 
Соли гузашта миёни Бонки миллии Тоҷикистон ва ширкати низоми пардохти байналмилалии Visa International созишномаи ҳамкорӣ баста шуд. Созишномаи мазкур ба дорандагони кортҳои ширкат барои дар Ҷумҳурии Тоҷикистон гузарондани амалиёти харид бо пули миллӣ - сомонӣ имкон медиҳад.
Имрӯзҳо аксари шаҳрвандон истифодабарандагони смартфонҳо ва намудҳои дигари телефонҳоеанд, ки тавассути онҳо шаҳрвандон метавонанд ҳангоми хариди молу маҳсулот ва хизматрасонӣ ҳисоббаробаркуниҳоро ба таври ғайринақдӣ анҷом диҳанд. Ҳоло бештари ташкилотҳои қарзӣ оид ба пешниҳоди намудҳои гуногуни хизматрасонӣ ва пардохт тавассути телефонҳои мобилӣ барномаҳо таҳия карда истодаанд. Яъне, пешниҳоди хизматрасонии бонкдории мобилӣ низ аз ҷониби ташкилотҳои қарзӣ рушд ёфта истодааст. Дар ин самт бо назардошти таъмини амнияти маълумот ва пешгирии берунрафти он аз телефон ё дуздии маблағҳо аз суратҳисобҳои бонкӣ чораҳо андешида мешаванд, - изҳор дошт зимни суҳбат Ҳ.Машрабзода.
Шуҳрат Салоҳиддинов, сардори идораи низоми пардохти Бонки миллии Тоҷикистон, иброз намуд, ки “Имрӯз аз ҷониби ташкилотҳои қарзӣ барои рушди низоми ҳисоббаробаркуниҳои ғайринақдӣ чораҳо андешида шудаанд. Айни замон дар кишвар наздики 700 банкомат фаъол буда, 1707 терминали электронӣ дар нуқтаҳои савдову хизматрасонӣ насб гаштааст. Беш аз 1 миллиону 700 ҳазор корти пардохтӣ  дар муомилот қарор дорад. Ҳиссаи бештари кортҳои пардохтиро «Корти миллӣ» ташкил медиҳад”.
Ба гуфтаи олимону мутахассисони низоми бонкдорӣ, дар давлатҳои тараққикардаи Ғарб зиёда аз 90 дарсади пардохти молу  хизматрасонӣ бо истифода аз воситаҳои муосири пардохтҳои электронӣ, аз ҷумла кортҳои пардохтӣ, анҷом меёбанд. Ба андешаи онҳо дар сурати истифодаи оммавии кортҳои пардохт ҳангоми ҳисоббаробаркуниҳо шаффофият дар нуқтаҳои савдо ва хизматрасонӣ таъмин гашта, боиси рушди иқтисодиёти воқеии кишвар мегардад.
Ш. ҚУРБОН, “Ҷумҳурият”


Баёни ақида (0)    Санаи нашр: 27.12.2017    №: 261    Мутолиа карданд: 495

28.01.2020


Иқтидори энергетикии кишвар рӯ ба афзоиш дорад

Азнавбақайдгирӣ. Ҷараёни иҷро нигаронкунанда боқӣ мемонад

Тоҷикистону Эрон. Ҳамкориҳои гумрукӣ таҳким меёбанд

Ноҳияи Рӯдакӣ. Саноатикунонӣ дар мадди аввал

СММ ИМА ва Россияро ба тамдиди созишномаи ССҲ-3 даъват намуд

Аксарияти нафароне, ки мубталои коронавирус шуданд, аз 60 - сола боло мебошанд

Дар Қазоқистон бо офияти занҳое машғул мешаванд, ки аз Сурия баргаштанд

Ҳамлаи малах ба Африқои Ҷанубӣ боиси нигаронии сахти СММ шуд

Ҷаҳон дар як сатр

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона

Ба ҶДММ “РСМ Тоҷикистон” иҷозатнома дода шуд

Ӯзбекистон аз харидорони асосии сементи тоҷик аст


Дар сомонаҳои дигари Тоҷикистон хонед