logo

фарҳанг

ШАВҚ АГАР РАҲБАР ШАВАД

«Ҳар боре, ки модарам ба куртадӯзӣ машғул мешуд, ба ҳаракати муназзами мошинааш менигаристаму ҳавасам меомад. Мехостам мисли ӯ ҳунарманд бошам ва сӯзан ба даст гирифта, барои лӯхтакам курта медӯхтам,» - мегӯяд Сабринаи Хурсанд.
Ӯ зодаи деҳаи Осмондараи ноҳияи Данғара аст. Муассисаи таҳсилоти миёнаро бо   медали  тилло   хатм намуда,   Донишгоҳи   миллии   Тоҷикистонро  низ   бо  дипломи аъло ба итмом расондааст. Тарроҳ ва дӯзандаи моҳир буда, аз уҳдаи зардӯзӣ, гулдӯзӣ, чакан, гулбурӣ, бофандагӣ, тоқидӯзӣ ва амсоли инҳо, ки аз ҳунарҳои мардумии  моянд, ба осонӣ мебарояд.
- Аввалин маҳсули дастам куртачаи лӯхтакам буд. Баъдан барои худ курта, рӯймол, кулоҳ ва ҷузвдон медӯхтам. Ҳамин гуна ҳунари ман рӯз аз рӯз такмил меёфт. Ёд надорам, ки барои худ ё модару хоҳаронам аз бозор либосе ё рӯймоле харида бошам. Ҳамаашро худам тарҳрезӣ намуда, медӯзам. Дар ҳунармандӣ модарамро устод мешуморам, - изҳор медорад Сабрина.
Мавсуф дар баробари машғулиятҳои донишгоҳӣ, бо тахайюлот ба офаридани тарҳҳои замонавӣ машғул шуда, либосҳои миллиро дар шаклу намудҳои гуногун пешкаши дӯстдорони ҳунарҳои мардумӣ менамуд. Тавре ки худаш баён кард, либосҳои таҳиякардааш дар чандин озмунҳои тарроҳӣ муаррифӣ шуда, соҳиби мукофот гаштаанд. Аз ҷумла, соли 2013 дар озмуни “Ихтироъгарони ҷавон” сазовори ҷои аввал шуд.
Сабрина аввалин духтарест, ки дар ҷодаи тарроҳӣ навъи либоси миллии варзиширо ба озмунҳо ва муштариён пешниҳод намудааст. Ӯ хурсанд аз он аст, ки ҷавондухтари тоҷике дар мусобиқаи байналмилалӣ оид ба каратэ дар Олмон бо либоси варзишии ӯ иштирок намуда, ҷои аввалро гирифт.
Пеш аз ҳама, мақсадаш нишон дода тавонистани анъанаҳои мардумӣ дар либосҳои миллӣ мебошад. Дар аксари куртаҳои дӯхтааш нақшу нигори миллиро истифода намудааст, ки ифодакунандаи фарҳанги ниёгони мост. Бо ҷаҳду талошҳои хеш мекӯшад, то дар пешбурд ва рушди ҳунарҳои мардумӣ саҳим бошад.
Сабринаи Хурсанд ва монанди ӯ садҳо ҷавондухтарони ҳунарманди хонакор шод аз онанд, ки дар Соли рушди сайёҳӣ ва ҳунарҳои мардумӣ бо ташаббуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фаъолияти онҳо аз андоз озод карда шуда, барояшон имтиёзҳои нав муқаррар гаштанд. Ин имкон медиҳад дар роҳи равнақ бахшидани касбашон боз ҳам ба пешрафтҳои назаррас ноил гарданд.
Қурбон АҲМАДЗОД, “Ҷумҳурият”


Баёни ақида (0)    Санаи нашр: 30.01.2018    №: 23    Мутолиа карданд: 227

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра

ДЗЮ-ДО. Натиҷаҳо аз Ҷоми Президенти Тоҷикистон

"ПАЛАНГИ ТИЛЛОӢ". Ғалабаи Ҷомӣ Ҳасанов

Сафари расмии Владимир Путин ба Ҳиндустон

Трамп ба вохӯрияш бо Путин дар Хелсинки баҳои баланд дод

Дар Туркия ҳамоиши чорҷониба оид ба Сурия баргузор мегардад

Селфи бо марг бозӣ кардан аст

Ҷаҳон дар як сатр


Дар сомонаҳои дигари Тоҷикистон хонед