logo

ҳуқуқ

ҶИНОЯТИ ТАКРОРӢ. СИЁВУШ ЗАБИРОВ 10 СОЛ ЗИНДОНӢ ШУД

Гарчанде Сиёвуш Забиров худ дорои маълумоти ҳуқуқшиносист, вале аз ҷинояти қасдонаи қаблан содиркардааш вобаста ба муомилоти ғайриқонунии маводи нашъаовар ибрат нагирифта, такроран дар ҳолати ретсидиви одӣ ҷинояти қасдона содир намудааст.

Сиёвуш Забиров бори нахуст бо ҳукми суди ноҳияи Фирдавсии шаҳри Душанбе тибқи моддаи 200 қисми 1-и Кодекси ҷиноятии Ҷумҳурии Тоҷикистон ба муҳлати 7 моҳ бо ҷазои маҳрум сохтан аз озодӣ маҳкум гардида буд.
Боиси таассуф аст, ки Сиёвуш аз чунин амали нангин сабақ нагирифта, бо гузашти се моҳ бо Умед ном нафар, ки шахсияташ то ҳол номаълум мондааст, дар шаҳри Норак вохӯрда, барои муомилоти ғайриқонунии маводи нашъаовар маслиҳати пешакӣ карданд. Дар натиҷа, ӯ миқдори муайяни маводи нашъаоварро аз Умед ғайриқонунӣ гирифта, 12 октябри соли 2017 ба соҳибияти  харидорони шартӣ додааст. Мувофиқи хулосаи экспертизаи судӣ - кимёвии Раёсати ташхисӣ-(экспертӣ) криминалистии ВКД Ҷумҳурии Тоҷикистон таҳти № 575 аз 26 октябри соли 2017 маводи аз ӯ гирифташуда воситаи нашъаовари навъи афюн буда, 1004 (як ҳазору чор)  грамм вазн дошт. Бо идома додани чораҳои оперативӣ барои дастрас кардани  маводи нашъаовар аз ҷониби харидорони шартӣ ба С. Забиров боз маблағи 8000 сомонӣ супурда шуд. Маҳкумшуда ин навбат низ аз Умед мухаддирот гирифт ва хост ба харидорони шартӣ дар ҳудуди шаҳри Норак диҳад. Вале 20 октябри соли 2017 пас аз анҷоми доду гирифт С. Забиров дастгир гардида, дар ҳузури шахсони холис аз ӯ 1250 грамм маводи нашъаовар гирифта шуд. Дар маҷмӯъ воситаи нашъаовари навъи афюни аз С. Забиров гирифташуда 2254 граммро ташкил дод.
Суди ноҳияи Исмоили Сомонии шаҳри Душанбе таҳти раисии судя Ғайрат Сангинзода 3 январи соли 2018 дар мурофиаи ошкорои судӣ парвандаи ҷиноятиро нисбат ба судшаванда Сиёвуш Забиров, сокини шаҳри Норак баррасӣ намуда, ӯро бо моддаи 200 қисми 3 бандҳои «а, в, г»-и Кодекси ҷиноятии Ҷумҳурии Тоҷикистон гунаҳгор дониста, нисбаташ 10 сол ҷазои маҳрум сохтан аз озодӣ бо нигоҳ доштан дар колонияҳои ислоҳии дорои низомаш пурзӯр таъйин кард. Мутобиқи хулосаи комиссияи амбулатории наркологӣ Сиёвуш Забиров гирифтори бемории нашъамандӣ низ буда, ба табобати маҷбурии тиббӣ эҳтиёҷ дорад. Бинобар ин, тибқи моддаи 101 қисми 3-и Кодекси ҷиноятии Ҷумҳурии Тоҷикистон нисбаташ табобати маҷбурии тиббӣ аз нашъамандӣ таъйин карда шуд. 
Сиёвуш се фарзанди ноболиғ дорад ва аз карда пушаймон аст. Вале, чуноне ки дар урфият мегӯянд, чаро оқил кунад коре, ки боз орад пушаймонӣ…
Мунаввари САФАР, «Ҷумҳурият»


Баёни ақида (0)    Санаи нашр: 01.01.2018    №: 25    Мутолиа карданд: 352

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед