logo

иқтисод

ЛЕВАКАНТ. ИНТИҚОДИ РАИСИ ВИЛОЯТ АЗ РОҲБАРОНИ МАСЪУЛ

Давлатшоҳ Гулмаҳмадзода, раиси вилояти Хатлон, рӯзи қабули сайёри шаҳрвандонро имсол аз шаҳри Левакант оғоз кард. Ба хотири дар худи маҳал баррасӣ ва ҳал намудани мушкилоти сокинон ӯро роҳбарони ҳама ташкилоту идораҳо ва мақомоти ҳифзи ҳуқуқи вилоят ҳамроҳӣ карданд.
Дар оғоз бонуе бидуни зикри ном ба саъми раиси вилоят расонд, ки бо як гурӯҳ занони ҳунарманд тасмим гирифтаанд, ки коргоҳ - фурӯшгоҳи омода кардани таомҳои миллӣ кушоянд, аммо маблағ надоранд.
 - Ҳукумати мамлакат бо мақсади дастгирии шахсоне, ки ба афзоиши истеҳсолот ва фароҳам овардани ҷойҳои нави кор рағбат доранд, Фонди рушди соҳибкорӣ таъсис додааст. Аммо, азбаски соҳибкорони вилоят, бахусус левакантиҳо, ба фонди мазкур лоиҳаҳои мукаммал пешниҳод карда натавонистанд, маблағҳои барои Хатлонзамин пешбинишуда хеле кам азхуд мешаванд. Соли гузашта аз шаҳри Левакант ба ин фонд ҳамагӣ як лоиҳа манзур шуда буд, ки он ҳам аз ҷониби мутахассисони фонд бо сабаби ноқис будан қабул нагардид, - гуфт раиси вилоят.
Гурӯҳе аз шаҳрвандон арз карданд, ки бинобар нарасидани мавҷ аз тамошои телевизиони “Хатлон” маҳруманд. Ба гуфтаи мутасаддиёни телевизион, сабаби ин ноҷӯрӣ дар насб нашудани фиристандаи рақамӣ ё лоақал аналогӣ барои ин шаҳр будааст. Раиси вилоят ба масъулони идораҳои дахлдори вилоятӣ супориш дод, ки дар кӯтоҳмуддат як лоиҳа оид ба рафъи норасоии фиристандаҳои рақамӣ дар ин шаҳр ва ноҳияҳои сарҳадӣ омода карда, ба шарикони рушди кишвар пешниҳод кунанд.
Бонуи дигаре бе шиносондани худ бо намояндагӣ аз Маркази рушди ҳунарҳои мардумӣ дар шаҳри Левакант, ки навтаъсис аст, доир ба фаъолияташон ҳарф зад. Ба қавли ӯ, дар ин ҷо ба ҳар як зани хоҳишманд ҳунарҳои дӯзандагӣ, қаннодӣ ва ғайра омӯзонда мешавад.
Бонуи дигар нақл кард, ки дар як коргоҳи атласу адрасбофӣ чандин зани хонанишини бекорро соҳиби ҷойи кор кардаанд. “Мо дар се моҳ 2 ҳазору 700 метр адрас бофтем. Ин нишондиҳандаро боз ҳам зиёд карданием. Ҳарчанд нархи як метр адрас дар бозор 15 сомонист, аммо мо онро арзонтар, яъне 12 сомонӣ мефурӯшем”, - гуфт ӯ.
Раиси вилоят ташаббусҳои бонувони ҳунармандро васф карда, аз рӯзноманигорон хоҳиш кард, ки оид ба фаъолияти эшон ва намои зебою сифати аълои маҳсулоташон гузоришҳои телевизионӣ таҳия кунанд, то занони дигар ҳам дар ҷодаи ҳунармандӣ собитқадам шаванд.
Сипас, Давлатшоҳ Гулмаҳмадзода бо нигаронӣ аз камбудиҳои соли гузашта роҳбарони идораҳои шаҳрро шадидан интиқод кард. Зикр шуд, ки бинобар иҷро нашудани нақшаи ду навъи андоз ба буҷети шаҳр 840 ҳазор сомонӣ ворид нашуд. Бақияпулиҳо ҳам афзуданд. Бинобар истеҳсоли нокифояи картошка ва полизӣ суръати афзоиши маҳсулоти кишоварзӣ коҳиш ёфтааст. Ва ин дар ҳолест, ки шумораи аҳолӣ 4 дарсад бештар гардида, талабот ба маҳсулоти кишоварзӣ зиёд шудааст. Дар қиёс ба сатҳи миёнаи вилоят истеҳсоли моҳӣ низ дар шаҳри Левакант бамаротиб коҳиш ёфтааст. Бинобар пардохт накардани маблағи истифодаи неруи барқ қарздорӣ ба 23 миллион сомонӣ расидааст. Соли гузашта аз ҷониби занон 8, ҷавонон 40 ва ноболиғон 6 ҷиноят содир шудааст, ки дар қиёс ба соли 2016 зиёд аст. Дар ҳамин ҳол, аз шумораи умумии ҷиноятҳои дар ҳудуди шаҳр содиршуда, ки 105 ҳолатро ташкил медиҳад, ҳамагӣ 3 дарсадашон кушода шудааст. Соли гузашта 20 ҳолати бекор кардани ақди никоҳ ба қайд гирифта шудааст, ки ин дар қиёс ба соли 2016 панҷ ҳолат зиёд аст. Аз ин ҳисоб, мувофиқи таҳлилҳо, 10 кӯдак аз падар ё модар зиндаҷудо шудаанд. Прокуратураи шаҳри Левакант ба панҷ қарори раиси шаҳр бинобар мутобиқат накарданашон ба қонунгузории ҷумҳурӣ эътирози прокурорӣ содир кардааст.
Дар маҷмӯъ, азбаски ҷавобҳо мубҳам ва таҳлилҳо равшан набуданд, раиси вилоят қаноатманд нашуд. Биноан, ӯ аз раиси шаҳр ва дигар масъулон қатъиян талаб кард, ки дар иҷрои вазифаҳои хидматиашон масъулиятшинос бошанд ва мушкилоти шаҳрвандонро сари вақт ҳал кунанд.
Зокир ҲАСАН, “Ҷумҳурият”


Баёни ақида (0)    Санаи нашр: 01.02.2018    №: 25    Мутолиа карданд: 168

26.05.2018


Қоҳир Расулзода бо Алекен Еминбахэ мулоқот намуд

Ҷаласаи Шӯрои вазирони мудофиаи давлатҳои аъзои СААД

Вохӯрии котибони шӯроҳои амният

24.05.2018


Симои сиёсӣ ва фарҳангии Пешвои миллат

Мулоқоти Шукурҷон Зуҳуров бо Алекен Еминбахэ

Вохӯрии ҳайати вазоратҳои корҳои дохилии Тоҷикистону Ӯзбекистон

Рӯнамоии иқтидори сайёҳии кишвар дар Боку

ҶАЙҲУН. ПИЁЗ ЗИЁДУ ХАРИДОР КАМ

Ҷаҳон дар як сатр

СҲШ: таваҷҷуҳи вижа ба таъмини амнияти лоиҳаҳои байналмилалии стратегӣ

Ширкати 15 ҳазор меҳмон дар ҳамоиши иқтисодии Петербург

Макрон бо умеде ба Санкт-Петербург меояд, ки «Русияро ба Аврупо орад»

Дар Ҳилманд 15 нафарро аз асорати «Толибон» озод карданд

Қазоқистон гандуми бисёрсола парвариш кардан мехоҳад

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор


Дар сомонаҳои дигари Тоҷикистон хонед