logo

иқтисод

АФЗАЛИЯТ БА СИФАТ ТАҚОЗОИ ЗАМОН АСТ

Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ суханронии худро бо ғояи созандаи «Ҷумҳурии Тоҷикистон, бо вуҷуди тағйирёбии вазъи сиёсиву иқтисодӣ ва амниятии ҷаҳон, дар роҳи пешрафти бемайлони иқтисодӣ, расидан ба ҳадафҳои стратегӣ ва ба ин васила таъмин намудани зиндагии шоистаи аҳолӣ бо қадамҳои устувор пеш меравад» оғоз намуданд.
Воқеан, тавре дар Паём ҳам ишора шуд, агар роҳи начандон тӯлонии иқдом ва ташаббусҳои Ҳукумати кишварро дар замони Истиқлолияти давлатӣ баррасӣ намоем, раванди татбиқи ин маслакро дар чанд самт метавон асоснок намуд. Ташкили ҳуқуқии аркони давлатдорӣ, талошҳо барои расидан ба сулҳу ваҳдати миллӣ, ҷустани роҳҳои баромадан аз бунбасти коммуникатсионӣ ва буҳрони иқтисодӣ, ба вуҷуд овардани заминаҳои рушди соҳаҳои гуногуни хоҷагии халқ, аз ҷумла маорифу илм, эҳёи арзишҳои фарҳангӣ ва амсоли ин аз вазифаҳои аввалиндараҷаанд, ки ба шарофати сиёсати хирадмандонаи Сарвари давлат ва талошҳои Ҳукумати кишвар ҳалли худро ёфта истодаанд.
Имрӯз кишвар дар марҳилаи нав қарор дорад. Ин марҳила ба стандартҳои ҷаҳонӣ наздик намудани ҳама гуна фаъолият, сифати молу маҳсулот, ба вуҷуд овардани фазои солим барои ҳифзи манфиатҳои кишвар ва арзишҳои миллӣ мебошад. Дар ин марҳила, чуноне дар Паём таъкид гардид, «бо назардошти тағйирёбии вазъу талаботи бозори ҷаҳонӣ ва таъмини рушди устувори иқтисодӣ тараққӣ додани соҳаи саноат ва коркарди маҳсулоти он то ҳадди ниҳоӣ, аз ҷумлаи вазифаҳои муҳимтарин мебошад». Муносибат ва роҳҳои иҷрои ин вазифаҳо гуногун бошанд ҳам, мақсади ниҳоӣ ноил шудан ба сифати хуби ҷавобгӯ ба талаботи муосир аст. Дар ин раванд сифатнок гардондани маҳсулот зарурати бештар пайдо мекунад. Табиист, ки меъёри ҳар гуна натиҷаи кору фаъолият аз рӯйи ду омил арзёбӣ мешавад, ки яке миқдор ва дигаре сифат аст. Аз нигоҳи миқдор мо ба натиҷаҳои нисбатан назаррас ноил шудаем, ки нодида гирифтани онҳо аз рӯйи инсоф нест, аммо натиҷаҳои миқдорӣ дар танҳоӣ муваффақияти комил буда наметавонанд, балки маҳз сифат ба онҳо пуррагӣ мебахшад. Бо чунин меъёри арзиш муносибат намудан ба ҳар гуна маҳсули эҷод ва фаъолият дар Паёми Президенти кишвар таносубан афзалият дошт. Роҳбари давлат  ба баланд бардоштани сифати маҳсулоти саноатӣ таваҷҷуҳи махсус зоҳир намуданд.
Тавре аз расонаҳои хабарӣ огоҳем, дар ҷумҳурӣ амалиёти пешгирии маҳсулоти пастсифат, ки бо роҳҳои гуногун вориди кишвар гардида, бозори дохилиро пур кардаанд, идома дорад. Агар қисми камтарини ин намуд маҳсулот истеҳсоли корхонаҳои худӣ бошад, ағлаби онҳо маҳсулотеанд, ки аз хориҷи кишвар ворид гардидаанд. Барои мисол, куртаҳои чакану тоқиҳои чустӣ бо тарҳи сунъӣ вориди бозори  мо шуда, на танҳо тиҷорати маҳсулоти табиии худиро мекоҳонанд, балки ба саломатии мардум зарар доранд. Ҳамин нуктаро дар бораи бозичаҳои кӯдакона низ метавон гуфт. Азбаски нархи чунин маҳсулот дар муқоиса ба маҳсулоти ватанӣ нисбатан арзон аст, харидори зиёд пайдо мекунад. Ин ҳолат моро ҳушдор медиҳад, ки роҳҳои ҳуқуқии пешгирӣ намудани воридоти чунин маҳсулоти пастсифати зарароварро ба кишвар ҷӯё шавем. Аммо ин ҷо масъала дигар аст. Чунин маҳсулот бо кадом роҳ ва бо чӣ мақсад вориди кишвар мешавад? Кӣ ба воридшавии чунин маҳсулот манфиатдор аст? Чаро то ин вақт мақомоти дахлдор ба ин масъала камтаваҷҷуҳ будаанд?
Дар ин шароит ҳар яки моро масъулият мебояд: масъулият дар назди виҷдон, масъулият дар назди вазифа, дар назди кишвар ва ҷомеа.
Дар ин зимн фаъолият ва масъулияти кормандони бахши гумрук нақши муҳим мебозад, зеро ворид гардидани маҳсулоти пастсифат ба бозори дохилӣ аз муносибати эшон ба касбу вазифаашон низ вобаста аст.
Фикр мекунам, иқдоми пешгирифтаи давлату Ҳукумат - таҳия ва амалисозии Барномаи бехатарии маҳсулоти озуқаворӣ, ҳамчунин, Соли рушди сайёҳӣ ва ҳунарҳои мардумӣ эълон намудани соли 2018 мувофиқи мақсад буда, ба маърифату дарки иҷтимоӣ ва ватандӯстиву ҳувияти миллии ҳар як шаҳрванди Тоҷикистон иртибот дорад. Аммо ин маърифат якбора ба вуҷуд намеояд, балки ба таълиму тарбия ва тарғибу ташвиқ ниёз дорад.
Дар замони муосир, ки имконоти баҳамоии фарҳангҳо, рақобатпазирии молу коло ва интиқоли он фароҳам омадааст, сатҳу сифати фаъолият дар ҳама соҳа аҳамияти бештар пайдо мекунад. Маҳз принсипи сифатнокӣ метавонад дар интихоби касбу вазифа, истеҳсоли маҳсулот, муайян намудани мақому мартаба фазои озоди рақобатпазириро ба вуҷуд орад ва ба зиндагии шоистаи мардум мусоидат намояд. Аз ин лиҳоз, ҳамагонро мебояд ба ин ҷиҳат эътибор диҳем.
Мурод МУРОДӢ, профессор


Баёни ақида (0)    Санаи нашр: 08.02.2018    №: 30    Мутолиа карданд: 219

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе

Густариши ҳамкориҳо бо Бонки исломии рушд


Дар сомонаҳои дигари Тоҷикистон хонед