logo

Хабарҳо

НОҲИЯИ РӮДАКӢ. Бунёди 100 синфхона ва 7 бинои нави таълимӣ

Дар ноҳияи Рӯдакӣ шумораи хонандагон ба зиёда аз 116 ҳазор расид, ки ин нишондиҳанда нисбат ба соли хониши гузашта беш аз 7 ҳазор нафар зиёд аст. Раванди афзудани теъдоди хонандагон дар мактабҳои ноҳия ҳамасола бунёди ҷойҳои нишасти иловагӣ ва таъминот бо компютеру лавозимоти дигари хонишро талаб менамояд.

Тибқи ҳисоботи раёсати маорифи ноҳия соле бунёди 4 муассисаи таълимии нав бо фарогирии қариб 3 ҳазор хонанда зарур меояд. Бинобар ин, мақомоти иҷроияи маҳаллии ҳокимияти давлатии ноҳия сохтмони мактабу синфхонаҳои навро дар мадди аввали фаъолияти хеш қарор дода, дар ин самт тадбирҳои саривақтӣ андешида истодааст.
Дар маҷмӯъ соли 2018 маблағгузории соҳаи маорифи ноҳия  аз ҷониби буҷети маҳаллӣ ба 117 миллион сомонӣ баробар шуда, беш аз 100 синфхонаи иловагӣ ва қариб 7 бинои нави таълимӣ бунёд хоҳад ёфт.
Муҳаммадраҳим Юсуфӣ, раиси ноҳия, изҳор дошт, ки агар афзоиши миёнаи шумораи хонандагон дар кишвар аз 1,5 то 2 дарсад бошад,  дар ноҳияи Рӯдакӣ бинобар сабаби суръати баланди зиёдшавии аҳолӣ аз 6,5 то 7 дарсадро ташкил медиҳад, ки ин ҳолат сохтмони синфхонаю биноҳои нави таълимиро тақозо менамояд. Соли хониши 2017 – 2018 танҳо дар муассисаи таҳсилоти миёнаи умумии рақами 59 – и Ҷамоати деҳоти Гулбутта  17 синфи якум ба қайд гирифта шуд. Дар баъзе синфхонаҳои муассисаҳои таълимии ноҳия ба ҷойи 30 нафар 40 – 48 хонанда таҳсил менамояд.  Хушбахтона, ҳоло бо дастгирии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон лоиҳаи бунёди 25 бинои нави замонавии таълимӣ омода шудааст ва дар ояндаи наздик бунёди онҳо оғоз меёбад.
- Бо вуҷуди мушкилиҳо мо ба шарофати  сиёсати созандаи Сарвари давлат имконият пайдо намудем, ки кулли хонандагонро сари вақт ба таълим фаро гирем, - гуфт раиси ноҳия.  
 Соҳибназар Сафаров, сардори раёсати маориф, изҳор дошт, ки соли гузашта барои бештар аз 1000 хонанда синфхонаю таълимгоҳҳои нав сохта ба истифода дода шуданд. Айни замон сохтмони муассисаҳои таълимӣ барои 640 хонанда дар як баст дар деҳаҳои Шаҳристони Ҷамоати деҳоти Гулистон, Оби Шифои Ҷамоати деҳоти Чоргултеппа, Ҷӯйбодоми Ҷамоати деҳоти Чортеппа ва муассисаи таълимӣ  дар Ҷамоати деҳоти Султонобод барои 240 ҷойи нишаст ва бунёди 100 синфхонаи иловагӣ дар назди 24 мактаби дигар бо маром ҷараён дорад. Дар сохтмони таълимгоҳҳои нави ноҳия бинокорони Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон ва муассисаҳои дигари сохтмонӣ саҳм гузошта истодаанд.
Ташрифулло САЪДУЛЛОЕВ, “Ҷумҳурият”


Баёни ақида (0)    Санаи нашр:    №:    Мутолиа карданд: 192

19.07.2018


Мулоқоти Исматулло Насредин бо Томас Гремингер

Баррасии масъалаи ҳифзу нигоҳдории оби пок

Эълони озмун бо мақсади дастгирӣ ва ҳавасмандии ҷавонони соҳибистеъдод

КУМИТАИ РУШДИ МАҲАЛ. РОҲАНДОЗИИ РЕЙТИНГИ МИЛЛИИ ФАЗОИ САРМОЯГУЗОРӢ

ПЕШГИРИИ ВОРИДОТИ 42,8 ТОННА МОҲИИ ПАСТСИФАТ

ГЕОЛОГИЯ. НИЗОМИ РАҚАМӢ ҶОРӢ МЕШАВАД

ҶОЙИ КОР МУШКИЛИИ № 1 - И ХАТМКУНАНДАГОН

САТҲИ ПАСТИ ДОНИШ БОИСИ ХОРИҶ ГАРДИДАНИ ДОНИШҶӮЁН ШУД

ЛЕВАКАНТ. ОЗМУНЕ БАРОИ ИБРАТ

КӮЛОБ 1,2 МИЛЛИОН СОМОНӢ БАРОИ ИСТЕҲСОЛИ ЛИБОСИ МАКТАБӢ

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард

Ҳалокати мардуми осоиштаи афғон дар ҳоли афзоиш аст

Ҳангоми чемпионати ҷаҳон 25 миллион киберҳамла пешгирӣ шуд

16.07.2018


Мулоқоти Сироҷиддин Муҳриддин бо Пратибҳа Меҳта

Машварати муовинони вазирони корҳои хориҷии кишварҳои аъзои СҲШ

Баррасии тақвияти ҳамкориҳо бо Бонки ҷаҳонӣ

РОҒУН. Бунёди иншооти нав ба муносибати 30-солагии Истиқлолияти давлатӣ

ФАРОНСА – чемпиони ҷаҳон

Ҷаҳон дар як сатр

Трамп ҷонибдори роҳандозии муносибот байни ИМА ва Британия бо Русия ва Чин аст

Чин соли 2020 «қудрати донорӣ» мешавад


Дар сомонаҳои дигари Тоҷикистон хонед