logo

маориф

МАКТАБ. ТАРБИЯИ ҶАВОНОН МАСЪУЛИЯТИ БУЗУРГ АСТ

Мактаб дар таълиму тарбияи ҷавонон масъулияти бузурге бар дӯш дорад. Дар ин хусус Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар ҷамъомади идона ба ифтихори Рӯзи ҷавонон аҳли ҷомеа, бахусус мо, омӯзгоронро вазифадор намуданд, ки барои дар ниҳоди ҷавонон парвардани ҳисси баланди миллӣ, ватандӯстиву ватанпарастӣ ва худогоҳиву худшиносӣ саҳмгузор бошем.
Тибқи дастуру супоришҳои Сарвари давлат мо нақшаи чорабиниҳоямонро дар соли 2017 бахшида ба Соли ҷавонон таҳия карда, амалӣ намудем, ки натиҷаҳои дилхоҳ доданд. Дар давоми сол бо иштироки олимону шоирон ва ходимони давлатию ҷамъиятӣ конференсия ва нишастҳо доир гардиданд, ки ба мавзӯъҳои сиёсати давлатии ҷавонон, иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», ҳифзи марзу бум ва гиромидошти ҳар пора хоки муқаддаси Ватани азизамон, арҷгузорию эҳтиром ба калонсолон, баланд бардоштани савияи донишандӯзӣ, аз бар намудани техника ва технологияи муосир мавриди баррасӣ қарор гирифтанд. Ҳамчунин, бахшида ба ҷашну санаҳои таърихӣ - мизҳои мудаввар дар мавзӯъҳои ҷалби ҷавонон ба илмҳои дақиқ ва татбиқи сиёсати давлатии ҷавонон гузаронда шуданд. Бо мақсади баланд бардоштани тарбияи ҳарбӣ-ватандӯстии ҷавонон ҳанӯз дар ибтидои соли сипаришуда хонандагони синфҳои 9 - 11 ба қисмҳои низомии қӯшунҳои зудамали Вазорати мудофиаи Ҷумҳурии Тоҷикистон сафарбар гардида, зимни мулоқоту суҳбатҳо бо ҳаёти сарбозону афсарон аз наздик ошноӣ пайдо карданд.
Дар мактаб ба омӯзиши воситаҳои техникии таълим таваҷҷуҳи хосса зоҳир мегардад. Дар самти ҳифзи саломатии наврасону ҷавонон дар байни мактаб ва Маркази саломатии № 3 - и шаҳри Душанбе шартномаи тарафайн баста шудааст, ки тибқи он хонандагон мунтазам аз ташхиси тиббӣ гузаронда мешаванд. Ёдовар бояд шуд, ки дар муассисаи таълимии мо як нафар педагог-психолог фаъолият мекунад, ки омӯзгорону волидон мунтазам аз маслиҳату машварати ӯ дар омӯзиш ва ҳалли масъалаҳои марбут ба камолоти шогирдони душвортарбия бархӯрдор мешаванд.
Дар асоси «Стратегияи миллии рушди маорифи Ҷумҳурии Тоҷикистон то соли 2020» дар давоми соли 2017 93 нафар омӯзгори ботаҷриба ба кори таълиму тарбия ҷалб карда шуданд. Таълим ва тарбияи шаҳрванди соҳибмаърифату ватандӯст шиори ҳамешагии муассисаи таълимии мо маҳсуб меёбад, ки яке аз самтҳои «Барномаи давлатии тарбияи насли наврас дар Ҷумҳурии Тоҷикистон барои солҳои 2013 - 2017» – ро ташкил дода, ҳадаф аз он ба камол расондани ворисони сазовори ҷомеа мебошад.
  Мавриди зикр аст, ки моҳияти сиёсати давлату Ҳукумати ҷумҳуриро омӯзгорон мунтазам дар рафти машғулиятҳои фаннӣ, дарсҳои иловагӣ, маҷлисҳои падару модарон, мулоқоту суҳбатҳо бо намояндагони мақомоти ҳифзи ҳуқуқу тартибот, адибон, ходимони давлатию ҷамъиятӣ ва дигар чорабиниҳо ба шогирдон бо мисолҳои эътимодбахш мефаҳмонанд. Худи хонандагон ба мавзӯъҳои аз бар намудани донишҳои замонавӣ, омӯзиши забонҳо ва ҳамқадам будан бо ҷомеаи умумибашарӣ мароқи беандоза доранд. Албатта, тағйирёбии вазъи сайёра, таҳдиду хатарҳои сиёсиву иқтисодӣ, амниятӣ ва башариву фарҳангӣ дар минтақаҳои олам дар шуури насли ҷавон бетаъсир намемонад. Аз ин рӯ, масъалаҳои муқовимат бо зуҳуроти бегона, аз қабили таассуби динӣ, ифротгароӣ, нашъамандию нашъаҷаллобӣ дар корҳои фаҳмондадиҳӣ мавқеи асосиро ишғол мекунад. Ҷавҳари таълиму тарбияро бошад, масъалаҳои ватандӯстию ватанпарастӣ, худогоҳиву худшиносии фарзандон ба хотири ободиву шукуфоии Ватани маҳбуб, таҳкими осоишу амният ва таъмини якпорчагии кишвари азизамон ташкил медиҳанд.
Шамсия ЗОИРОВА,
директори МТМУ № 63,
ноҳияи Шоҳмансури шаҳри Душанбе


Баёни ақида (0)    Санаи нашр: 12.02.2018    №: 32    Мутолиа карданд: 94

21.02.2018


Вохӯрии Сироҷиддин Аслов бо Оле Йоҳан Бёрней

Ҷаласаи ситоди ҷумҳуриявӣ дар Вазорати кишоварзӣ

Баррасии масоили мубрами густариши ҳамкориҳо

Баргузории намоиши «Корвони ҳунар»

Ҷаҳон дар як сатр

СММ Туркияро ба қатъи амалиёти низомӣ дар Африн даъват намуд

Дар ИДМ 90 нафар барои маблағгузории терроризм ба даст афтод

Кушта шудани 24 полис аз дасти толибон

ДИ дар Афғонистон ва Покистон реша медавонад

Венесуэла соҳиби криптоасъори худ шуд

Samsung дроне баровард, ки бо нигоҳ идора мешавад

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон


Дар сомонаҳои дигари Тоҷикистон хонед