logo

номаҳо

ШАҲРАКИ ҲУНАРМАНДОНРО БУНЁД СОЗЕМ

Муҳимияти рушди соҳаи сайёҳиро дар тақвияти иқтидори иқтисодии мамлакат, таъсири арзишманди ҳунарҳои мардумиро дар шакл додани мафкураи миллӣ ва талабот ба маҳсулоти дастсохтро ба инобат гирифта, Президенти кишвар муҳтарам Эмомалӣ Раҳмон соли 2018 - ро Соли рушди сайёҳӣ ва ҳунарҳои мардумӣ эълон намуданд. Ин иқдоми тозаи Пешвои миллат дар ҳақиқат боиси фараҳмандист.

Дар баъзе кишварҳои дар арсаи туризм пешгом, ё лоақал рӯ ба рушд, шаҳракҳои ҳунармандон сохта шудаанд. Шаҳраки ҳунармандон бештар дар он кишварҳое сохта мешавад, ки фарҳанги қадима доранд. Зеро чуноне маълум аст, аксари сайёҳон ба маҳсулоти қадимӣ таваҷҷуҳи бештар доранд. Ва арзиши ин гуна маҳсулот аз маҳсулоти тавассути дастгоҳҳо сохташуда гаронтар аст.
Ба гунаи мисол, барои сайёҳон шаҳраки ҳунармандони Будапешт дар қиёс ба дигар мавзеъҳои тамошобоб аз ҷолибияти зиёд бархӯрдор аст. Дукону хонаҳои начандон боҳашамат, аммо бо усули меъмории миллӣ ва хеле зебо сохташуда, роҳравҳои дар шакли қадимӣ кошинкоришуда ба кас имкон медиҳад, ки худро беихтиёр дар як дунёи афсонавӣ тасаввур кунад. Ё ҳадди ақал, фарҳангу ҳунари мардуми ин сарзаминро бо чашм бубинад. Нашъаи ҳамин чанд лаҳза кофист, ки сайёҳ барои хотира ба худ ва наздиконашон чизе бихарад. Озарбойҷон ҳам, ки мисли мо ахиран ба соҳаи туризм таваҷҷуҳи ҷиддӣ зоҳир менамояд, аҳамияти ҳамин навъ шаҳраки ҳунармандонро аз манфиат холӣ надида, онро сохт.
Биноан, ба масъулон пешниҳод  дорам, ки ҳатман чунин як шаҳраке дар Тоҷикистон низ бисозанд. Ба андешаи ман, ин сон шаҳракро метавон дар масоҳати на камтар аз 2 гектар бо назардошти талаботи меъмории миллӣ дар наздикии шаҳри Душанбе, ё яке аз ноҳияҳои аз ҷиҳати сайёҳӣ ҷолиби мамлакат бунёд кард. Дар як гӯшаи шаҳрак метавон дуконҳои дуредгарон, оҳангарон, чармгарон, кулолҳо, сангтарошон, заргарон, кандакорҳо, наққошон ва ғайраро ҷо кард. Дар гӯшаи дигараш дуконҳои чакандӯзон, тоқидӯзон, гулбурон, зардӯзон, кӯрпадӯзонро.
Мувофиқи таҷрибаи байналмилалӣ, агар қисмати пеши дуконҳо бо шишаи барқад маҳкам ва дар дохил як - ду усто машғули кор бошад, хеле беҳтар аст. Ин имкон медиҳад, ки тамошогарон ба кори устоҳо халал нарасонда, рафти онро назорат кунанд. Таҷрибаи дигар кишварҳо нишон медиҳад, ки агар ин шаҳракҳо дорои ҳам кӯчаю хиёбону нишастгоҳҳои миллӣ, ғизою нӯшокиҳои маҳаллӣ, хидматрасону ҳунармандони дорои  либоси тоҷикӣ бошанд, боз беҳтар аст. Метавон дар асоси озмун идеяҳои аз ин ҳам ҷолибро дарёфт намуд.
Зокир МУРОДОВ,
Аълочии матбуоти Ҷумҳурии Тоҷикистон


Баёни ақида (0)    Санаи нашр: 14.02.2018    №: 34    Мутолиа карданд: 198

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё


Дар сомонаҳои дигари Тоҷикистон хонед