logo

илм

ИСТИҚЛОЛИ СИЁСӢ ВА ТАҲКИМИ ДАВЛАТДОРИИ МИЛЛӢ

Давраи Истиқлолияти давлатӣ дар баробари ҳалли масъалаҳои сиёсӣ, иқтисодӣ, иҷтимоӣ ва фарҳангӣ зарурати таҳқиқи илмии равандҳои таҳкими истиқлолиятро ба миён гузошт.

Аввалин шуда ин масъаларо Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди таҳлилу баррасӣ қарор дода, дар назди олимони ҷомеашинос як қатор вазифаҳои муҳим гузоштанд. Дар ин замина як идда олимони ҷомеашинос асарҳои ҷолиб эҷод намуданд.
Профессор Муҳаммад Абдураҳмон аз ҷумлаи олимоне мебошад, ки бо таълифи китоби «Истиқлолияти сиёсӣ ва таҳкими давлатдории миллӣ» дар таҳқиқи проблемаҳои илмии Истиқлолияти давлатӣ саҳми назаррас гузоштааст.
Асари Муҳаммад Абдураҳмон, ки ба Ҷоизаи давлатии Ҷумҳурии Тоҷикистон ба номи Абуалӣ ибни Сино пешниҳод шудааст, дорои аҳамияти махсуси илмӣ мебошад. Дар пешгуфтори китоб аз забони муаллиф омадааст, ки «Истиқлоли сиёсӣ дар баробари дигар равандҳои ҷомеа, ниёз ба ваҳдати миллӣ ва амнияти дохилию хориҷӣ дорад. Чунонки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ (соли 2016) зикр менамоянд: «Мову шумо дар даврони соҳибистиқлолӣ борҳо марҳилаҳои мушкилу сангинро паси сар намуда, аз ҳолатҳои бисёр вазнин сарбаландона баромадем, аз ҷумла хатари нестшавии давлат ва пароканда гардидани миллатро бартараф кардем ва ба пешрафти давлату ҷомеа муваффақ  шудем. Аз ин  рӯ, ҳамаи мо вазифадорем, ки бо шукронаи соҳибватаниву соҳибдавлатӣ ва сулҳу оромии кишвар, ба хотири фардои неку ободи Ватанамон ҳар чи бештар заҳмат кашида, Тоҷикистони маҳбубамонро боз ҳам ободу зебо гардонем».
Муаллиф зимни таҳқиқи масъалаи мазкур андешаҳои худро оид ба давлатдории миллӣ баён намуда, истиқлоли сиёсиро барои миллати тоҷик ҳамчун дастоварди бузурги аср унвон карда, иброз медорад, ки мафҳумҳои соҳибихтиёрӣ, давлатдории миллӣ дар рушди илми муосири ҷомеашиносӣ нақши муҳим доранд.
Бо назардошти муҳимияти масъалаи мазкур, дар китоб муаллиф асари Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон «Истиқлолияти Тоҷикистон аз эҳёи миллат» ва маърифати  олимони тоҷик Муҳаммад А. Н. «Тоҷикистон дар масири истиқлолият», Зокиров Г. Н. «Истиқлолияти сиёсӣ», Т. Раҳмонов «Осори мунтахаб» ва дигар ҳуҷҷатҳо, ба монанди «Изҳорот дар бораи Истиқлолияти давлатӣ», «Эъломияи истиқлолияти ҶШС Тоҷикистон» - ро мавриди таҳлил қарор додааст.
Ба андешаи муаллиф, истиқлоли сиёсӣ яке аз равандҳои пурсамари таъмини  рушди ҷомеа, идораи давлат ва манбаи тавоноест, ки истифодабарии оқилонаи он ба хотири дар амал татбиқ намудани ҳадаф ва идеяҳои миллӣ натиҷаи пурбор дода метавонад. Маҳз бо назардошти вазъи Тоҷикистони соҳибистиқлол, пас аз хотимаи ҷанги шаҳрвандӣ, муҳаққиқ дар асар истиқлоли сиёсиро ҳамчун озодии иродаи миллӣ, шаъну шараф, қудратмандӣ ва яке аз рукнҳои асосии ҳастии давлати мустақил дониста, барои ҳимояи он таъкиду пешниҳодҳои муфид намудааст.
Аз нигоҳи мо, асари Муҳаммад Абдураҳмон «Истиқлоли сиёсӣ ва таҳкими давлатдории миллӣ» асари арзишманди илмӣ буда, диди амиқи муаллифро дар таҳқиқи проблемаҳои сиёсатшиносӣ нишон медиҳад.
Асари мазкур барои доираи васеи хонандагон, сиёсатмадорон, муҳаққиқон, хусусан барои олимони ҷавон, таҳқиқоти ибратомӯз буда, ба Ҷоизаи давлатии Ҷумҳурии Тоҷикистон ба номи Абуалӣ ибни Сино дар соҳаи илмҳои ҷамъиятшиносӣ ва гуманитарӣ сазовор аст.
К. ОЛИМОВ,
академики АИ Ҷумҳурии Тоҷикистон,
доктори илмҳои фалсафа, профессор,
Ю. ЯҚУБОВ,
академики АИ Ҷумҳурии Тоҷикистон,
доктори илмҳои таърих, профессор,
А. ИСКАНДАРОВ,
доктори илмҳои сиёсӣ, профессор 


Баёни ақида (0)    Санаи нашр: 02.02.2018    №: 47    Мутолиа карданд: 324

20.07.2018


Мулоқоти Исматулло Насредин бо Йоҳаннес Петерлик

Тоҷикистону Ӯзбекистон: хироҷи роҳ аз байн меравад

Кумитаи кор бо ҷавонон ва варзиш озмуни стипендияҳои Президенти Ҷумҳурии Тоҷикистонро эълон кард

Ҳамаи хатмкардагон бо ҷои кор таъмин мешаванд

РУСТАМИ ШОҲМУРОД: "ВОҲИДҲОИ КОРӢ НАМЕРАСАНД"

ВАКОЛАТДОР ОИД БА ҲУҚУҚИ ИНСОН. САТҲИ МАЪРИФАТИ ҲУҚУҚИИ ШАҲРВАНДОН БОЛО МЕРАВАД

ХАДАМОТИ ЗИДДИИНҲИСОРӢ. САБАБИ БОЛОРАВИИ НАРХИ СӮЗИШВОРИРО ШАРҲ ДОД

КУМИТАИ МЕЪМОРӢ ВА СОХТМОН. САНҶИШ НИШОН ДОД, КИ...

ДДТТ ДАР ҚАТОРИ ДАҲГОНАИ БЕҲТАРИН МАКТАБҲОИ ОЛӢ

НАВОБОД. ИФТИТОҲИ МАРКАЗИ ХИЗМАТРАСОНИИ БОНКӢ

19.07.2018


Мулоқоти Исматулло Насредин бо Томас Гремингер

Баррасии масъалаи ҳифзу нигоҳдории оби пок

Эълони озмун бо мақсади дастгирӣ ва ҳавасмандии ҷавонони соҳибистеъдод

КУМИТАИ РУШДИ МАҲАЛ. РОҲАНДОЗИИ РЕЙТИНГИ МИЛЛИИ ФАЗОИ САРМОЯГУЗОРӢ

ПЕШГИРИИ ВОРИДОТИ 42,8 ТОННА МОҲИИ ПАСТСИФАТ

ГЕОЛОГИЯ. НИЗОМИ РАҚАМӢ ҶОРӢ МЕШАВАД

ҶОЙИ КОР МУШКИЛИИ № 1 - И ХАТМКУНАНДАГОН

САТҲИ ПАСТИ ДОНИШ БОИСИ ХОРИҶ ГАРДИДАНИ ДОНИШҶӮЁН ШУД

ЛЕВАКАНТ. ОЗМУНЕ БАРОИ ИБРАТ

КӮЛОБ 1,2 МИЛЛИОН СОМОНӢ БАРОИ ИСТЕҲСОЛИ ЛИБОСИ МАКТАБӢ

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард


Дар сомонаҳои дигари Тоҷикистон хонед