logo

иҷтимоиёт

БА САВГАНД ВАФО КАРД

Шодӣ Саидро дар ҷумҳурӣ чун рӯзноманигори варзида, сармуҳаррири рӯзномаи "Тоҷикистони советӣ" (ҳоло "Ҷумҳурият"), раиси Иттифоқи рӯзноманигорон, намояндаи Шӯрои Олии мамлакат ва шахсияти намоёни давлатӣ ҳама мешинохтанд ва эҳтиром мекарданд. Ӯ бо хушгӯӣ, шӯхиҳои ширину гуворояш дар байни аҳли адабу ҳунар ва ҳам роҳбарони ҷумҳурӣ маҳбубияти хоссе дошт. Ин навишта аз ҳамин хислати устод қисса мекунад.

Ба муносибати 70 - солагии Сталин мунтазам дар рӯзномаҳо шеърҳо нашр мешуданд. Дар дили Шодӣ Саид, ки худ иштирокчии ҷанг буд, якбора шавқу рағбати дар бораи ин сарвари давр шеър сурудан боло мегирад. Чанд рӯз суханҳоеро, ки муносиби  доҳӣ бошад, як-як гирд меоварад ва баъд барои ба риштаи назм кашидани онҳо боз чанд рӯзи дигар арақи ҷабин мерезад. Вақте ки шеърашро бо овози баланд мехонад, гумон мекунад, ки беҳтарин шеърро дар васфи ин роҳбари давлат ӯ сурудааст, на каси дигаре. Муддаояшро дар ин хусус ва нашри шеър ба муҳаррир арз мекунад.
- Касе шеъратро дид ё не? - мепурсад муҳаррир.
- Боқӣ Раҳимзода дида буданд. Хонда маъқул карданд.
- О, ин тавр бошад, бисёр хуб. Дар шумораи оянда, дар саҳифаи аввал ҷой мекунем.
Рӯзи нашри шеър рӯзи пурташвиштарин ва пурмоҷаротарини идораи рӯзнома гардид. Аз кумитаи вилоятии ҳизб низ занг зада, муҳаррирро сахт маломат менамоянд, ки чунин як шеъри саҳташ пасту бемаъниро чоп кардааст.
Муҳаррир баъди андешаи зиёд ба қарори қатъӣ меояд, ки бояд Шодӣ Саид аз кор ронда шавад. Ба ин хотир, таъҷилан ӯро назди худ мехонад.
- Шин! Ин чӣ коре буд, ки кардӣ? Ҳам ба сари худат, ҳам ба сари идора бало овардӣ. Хулосаи гап ҳамин, ки ту аз кор озод.
- Мебахшед, шайтон васваса кард. Набошад ман куҷою шеърнависӣ куҷо?
- Э, вой ба ҳолат, Шодӣ! Муаллимат, раҳнамоят, илҳомбахшат шайтон будааст?! Фармони аз кор озод шуданатро фардо дар маҷлис эълон мекунам.
- Хайр, ихтиёр дар дасти худатон. Рав гӯед, меравам. Лекин мардум чӣ мегуфта бошанд?
- Роҳбари ту манам ё мардум?
- Оё мардум гап намекунанд, ки Шодӣ Саидро барои дар васфи Сталин шеър навиштанаш аз кор пеш кардаанд?
- Ана, ин аст гуноҳат! Ана, ин ҳуҷҷат! Кӣ инро рад карда метавонад? Ҳеҷ кас!
- Мабодо ин хабар ба Кумитаи Марказии Тоҷикистон расад, чӣ мегуфта бошанд?
- Ҳеҷ чиз намегӯянд. Баръакс, хурсанд мешаванд, ки мо туро барои бемасъулиятиат, саводи сиёсӣ надоштанат, барои фиребгарию дурӯғгӯият аз кор пеш кардаем.
- Хайр, майлаш, рав гӯед, меравам. Аммо агар ин хабар шахсан ба худи Сталин рафта расад, чӣ мегуфта бошад? Ва ҳам оё дар Кремл намегӯянд, ки фалон касро барои дар васфи доҳӣ шеър навиштанаш аз кор рондаанд?...
Шодӣ Саид субҳи рӯзи дигар ба идораи рӯзнома меояд ва бо табъи болида аз назди муҳаррир берун мебарояд. Баъд даст сӯи осмон бардошта мегӯяд: - Эй, олиҳаи назм! Густохии маро бубахш! Савганд ёд кардаам, ки дигар ҳеҷ гоҳ шеър нахоҳам навишт.
Ӯ ба савгандаш вафо кард ва тамоми ҳаёташро ба рӯзноманигорӣ бахшид.
Раҷабалӣ ҚУДРАТОВ, Корманди шоистаи Тоҷикистон


Баёни ақида (0)    Санаи нашр: 12.03.2018    №: 51    Мутолиа карданд: 493

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР


Дар сомонаҳои дигари Тоҷикистон хонед