logo

иҷтимоиёт

БОНУВОНИ ДИПЛОМАТИ ТОҶИК

Зан ва сиёсат  мафҳумҳои дорои маъниҳои гуногунанд. Агар бо гуфтани мафҳуми зан пеши назар вожаҳои модар, хоҳар, ҳалимӣ, меҳрубонӣ, олиҳаи Замину Осмон биёянд, пас, муҳтавои сиёсат мардонагӣ, ҷасорат, фаъолияти пурмасъул, муҳофизи ягонагии марзу бум, амалисозии сиёсати дохиливу хориҷӣ, амнияти милливу давлатӣ ва амсоли инҳост.
Имрӯз сафи занҳои сиёсатмадор, аз ҷумла бонувони дипломат ва довталабони ин касб, зиёд гашта истодааст.  Чаро тоҷикдухтарон ба ин соҳа таваҷҷуҳ зоҳир месозанд ва дар ин ҷода чӣ гуна метавонанд муваффақ бошанд?
Омили асосӣ сиёсати хирадмандонаи Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон мебошад. Маҳз ташаббусу дастгириҳои Сарвари давлат буд, ки тӯли 26 соли Истиқлолияти давлатӣ дар баробари рушду нумӯи Тоҷикистони азизамон оид ба баланд бардоштани мавқеи Зан - Модар дар ҷомеа, аз ҷумла занҳои дипломат,  як қатор қонуну қарорҳо, фармону дастурҳо ва барномаҳо ба тасвиб расиданд.
Қабули Консепсияи сиёсати хориҷии кишвар (2002-2015) ва аз нав дида баромадани қонун “Дар бораи хизмати дипломатӣ” (2015) ва дар маҷмӯъ беш аз 20 ҳуҷҷати муҳим доир ба масъалаи баланд бардоштани мавқеи занон дар ҷомеа қабул карда шуд, ки онҳо барои бонувони мамлакат, аз ҷумла дипломатҳо, боз ҳам заминаҳои мусоиди фаъолиятро фароҳам оварданд.
Рӯ меорем ба таърихи сиёсати хориҷии кишвар ва мақоми занҳои дипломати тоҷик аз соли 1993 дар Вазорати корҳои хориҷии ҷумҳурӣ. Агар дар соли 1993 дар дастгоҳи марказӣ ҳамагӣ 8 зан фаъолият дошта бошад, ҳоло анқариб 40 дарсади кормандони вазоратро бонувон ташкил медиҳанд. Бархе аз онҳо дар сафоратхонаҳои Ҷумҳурии Тоҷикистон дар хориҷи кишвар ва қисмати дигаре дар дастгоҳи марказӣ ҳамарӯза фаъолият доранд. Боиси  тазаккур аст, ки қисмати зиёди бонувонро ҷавондухтарон ташкил медиҳанд.
Дастгоҳи марказии вазорат барои фаъолияти бонувони дипломат ҷиҳати баланд бардоштани имиҷи кишвари азизи мо – Тоҷикистон дар арсаи ҷаҳонӣ ва ҳимояи манфиатҳои миллӣ ҳама шароитро фароҳам оварда, онҳоро дар ин кори мушкил ва пуршараф дастгирӣ мекунад.
Аз ҷумла, шӯрои занҳои дипломат дар назди вазорат амал мекунад, ки он пешниҳодҳои ҳамарӯзаи бонувонро мавриди баррасӣ қарор дода, дар баланд бардоштани мавқеи онҳо дар дохили сохтор ва берун аз он саҳми назаррас дорад.
Имрӯз дипломатҳо имкони таҳсил дар Академияи дипломатии Русия ва давлатҳои Аврупову Амрикоро доранд. Бо ифтихор гуфта метавонем, ки бонувони мо дар ташаккулу такомули мактаби дипломатияи тоҷик саҳмгузоранд. Китоби “Асосҳои хизмати дипломатӣ”, ки аз ҷониби Р. Раҳмонова таълиф шуд ва ҳамчун дастури рӯимизии дипломатҳои ҷавон барои корбарӣ истифода мешавад, аз  мисоли равшани ин гуфтаҳост.
Зан - дипломати тоҷик имрӯз пешбарандаи сиёсати дуҷониба ва бисёрҷонибаи давлат аст. Ӯ муаррифгар ва тарғибгари сиёсати обии кишвар, сиёсати иқтисодӣ ва ҳамзамон пешбарандаи рисолати азалии худ - модари тоҷик аст, ки дар баробари сиёсатмадор буданаш, тарбиятгари фарзанд, модари мушфиқ ва ҳамсари меҳрубон буданро низ ба дӯш дорад.
Боиси ифтихор аст, ки муҳтарам Раҳмон Озода Эмомалӣ маҳз аз миёни занҳои дипломат аз зинаи сардори сарраёсати консулӣ ва ҳамзамон роҳбарии шӯрои занҳои Вазорати корҳои хориҷӣ сар карда, то ба муовини вазири корҳои хориҷӣ ва билохира ба ҳайси роҳбари Дастгоҳи иҷроияи Президенти Ҷумҳурии Тоҷикистон расиданд.
Бешак, занҳои тоҷик дар пешбурди сиёсати дохилию хориҷии кишвари маҳбубамон саҳмгузор буда, барои таҳкими сулҳ, ваҳдат, ҳифзи манфиатҳои миллӣ ва муаррифии шоистаи Тоҷикистон дар арсаи байналмилалӣ бо дили нарм ва азми қавӣ дар партави сиёсати хирадмандонаи Асосгузори сулҳу ваҳдати миллӣ - Пешвои муаззами миллат муҳтарам Эмомалӣ Раҳмон кӯшиш ба харҷ дода, минбаъд низ ҳиссаи худро хоҳанд гузошт.
Шаҳлои РУСТАМ


Баёни ақида (0)    Санаи нашр: 12.03.2018    №: 51    Мутолиа карданд: 649

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед