logo

энергетика

Хати баландшиддати «Ҷануб – Шимол» қадами бузурге ба пеш аст

Дар чанд соли охир дар манотиқи гуногуни кишвар он қадар иншооти муҳими иқтисодиву иҷтимоӣ, фарҳангиву варзишӣ мавриди баҳрабардорӣ қарор гирифтанд, ки  бешубҳа, аз пешрафти иқтисодиёти ҷумҳурӣ дарак медиҳанд.
 Хати баландшиддати 500 киловаттаи «Ҷануб–Шимол» аз ҷумлаи силсилаиншоотест, ки ба хотири таъмини шабакаи ягонаи энергетикии Тоҷикистон бо барқ  сохта мешавад. Баъди мавриди истифода қарор додани он  шароит фароҳам меояд,ки  шимоли мамлакат дигар дастнигари  барқи кишвари бегона нашавад. Минбаъд аҳолии вилояти Суғд аз нерӯи НБО-и Норак таъмин хоҳад шуд.
 Тибқи лоиҳа ва мутобиқи Қарори Ҳукумати Ҷумҳурии Тоҷикистон истгоҳи барқ  дар ҳудуди ноҳияи Ғончӣ, каме дуртар аз шоҳроҳи Душанбе-Хуҷанд-Бӯстон-Чанак сохта  шуда, бунёди он ба ӯҳдаи  ширкати ТВЕА-и ноҳияи мухтори Шин-Ҷони Ҷумҳурии Мардумии Чин вогузор шудааст.
 Бо назардошти ба чи аҳамияти бузурги сиёсиву иқтисодӣ молик будани иншооти мазкур маротибае чанд  аз ҷараёни кори он барои нашрия матолиб омода кардаам. Бешубҳа, ҳар бори омадан ба ин ҷо маро ҳаяҷоне фаро мегирад аз ифтихори ватандориву соҳибистиқлолии кишвар. Ва ба мушоҳида мерасад, ки  мутахассисони тоҷик зина ба зина пеш мераванду малакаи бештари корӣ пайдо ва тахассусҳои наву замонавиро аз худ мекунанд.
Ин ҷо тоҷикон дар якҷоягӣ бо мутахассисони чиноӣ бо азми дучанд кору пайкор доранд ва мехоҳанд ҳарчи зудтар истгоҳ ва зеристгоҳҳо мавриди истифода қарор гиранду сокинони шаҳру навоҳии вилоят мӯътадил бо қувваи барқ таъмин бошанд ва корхонаҳо ба истеҳсолоти бардавом муваффақ шаванд.
 Дар ҳамин  чанд сафари корӣ, ки ба ин ҷо доштем, муовини аввали раиси ноҳияи Ғончӣ Абдумуталиб Аҳмадов моро самимона истиқбол мегирифту аз рафти кори сохтмон,шароити заҳмату фароғати мутахассисон, нангу номуси миллӣ, ҳубби ватандорӣ  ҳарф мезад.
 -Чун мо огоҳӣ ёфтем, ки зеристгоҳ дар ноҳияи мо сохта мешавад, аз ростӣ хушҳол шудем, -иброз медорад Абдумуталиб Аҳмадов, - зеро ноҳияи мо сирф кишоварзӣ буда, корхонаҳои саноатӣ нестанд ва табиист, ки бунёди иншооти мазкур дар қалбҳоямон шӯълаи умедеро барафрӯзонид. Бунёди корхонаҳои коркарди маҳсулот дар оянда имкон медиҳад, ки чандин нафар сокини деҳот соҳиби ҷои кор, музди хуб шавад.
Баробари оғози кор бисёр ҷавонон воқеан ҳам соҳиби шуғли доимӣ  гаштанд. Музди меҳнат то ба  800-1000 сомонӣ расид. Кор дар иншоот босуръат идома дорад. Албатта, ин ба манфиати мост, чунки  дигар намехоҳем аз ҷумҳуриҳои ҳамсоя барқ харидорӣ намоем. Ба хотири раҳоӣ аз ана ҳамин ҳолат Сардори давлат Эмомалӣ Раҳмон  тасмими ҷиддӣ гирифт, ки истгоҳи барқ бунёд ёбад. Ин қадами бузургест ба пеш.
Чиноӣ Зям Зямин, сардори сохтмон, ки мутахассисони маҳалӣ ӯро «Алёша» ном мебаранд, бо риояи ҷиддӣ тибқи лоиҳа ҷараёни корро ба роҳ мондааст.
 Мувофиқи меъёрҳои байналмилалӣ барои сохтмони иншоот на кам аз 3 сол ҷудо шуда бошад ҳам, мутахассисони ширкати ТВЕА тасмим доранд анҷоми корро дар 2,5 сол таъмин намоянд.
-Мо дар мулки шумо худро хеле осуда эҳсос мекунем, - мегӯяд Зям Зямин, - тоҷикон хеле меҳмоннавоз мебошанд. Мехоҳем дар пешрафти иқтисодиёти шумо саҳм гирем. Имрӯз ин ҷо 400 нафар кор мекунад ва аксарияти онҳо тоҷиконанд. Дар оянда истгоҳу зеристгоҳҳоро мутахассисони тоҷик идора хоҳанд кард.
Президенти мамлакат Эмомалӣ Раҳмон  ҳини сафари корӣ ба вилояти Суғд дар моҳи июни соли 2009  аз ҷараёни кори иншоот дидан карда, иброз дошта буд, ки ҳадаф аз  бунёди хати мазкур, пеш аз ҳама ташкили шабакаи ягонаи энергетикии кишвар ва ба таври мӯътадилу мунтазам бо барқ таъмин кардани аҳолии минтақа, инчунин соҳаҳои гуногуни истеҳсолоти саноативу кишоварзии он мебошад.
  Акнун марҳилаи дувум  оғоз ёфтааст: аз истгоҳ  кашидани хати 220 КВТ ба ду самт: -яке ба шаҳру навоҳии Хуҷанд-Исфара-Конибодом-Мастчоҳ-Ашт ва дигаре ба самти ноҳияҳои Зафаробод, Ғончӣ, Истаравшан. Анҷоми комили ин марҳилаи корӣ то оғози соли нав ба нақша гирифта шудааст.    

Ҷовиди Аштӣ,
 «Ҷумҳурият»


Баёни ақида (0)    Санаи нашр:    №:    Мутолиа карданд: 854

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР

18.02.2020


ВКД. 161 УЗВИ ТАШКИЛОТИ ТЕРРОРИСТӢ ДАСТГИР ШУД

ФАРХОР. ҲОЛАТИ ҒАЙРИМЕЛИОРАТИВИИ ЗАМИНҲО МАВЗӮИ ДОҒ БОҚӢ МЕМОНАД!

18 ДОЛОНИ ЗИДДИТАРМАВӢ СОХТА МЕШАВАД

БОНУВОНИ НОҲИЯИ МУРҒОБ – ҒОЛИБИ ДАВРИ ВИЛОЯТИИ ОЗМУНИ ҶУМҲУРИЯВИИ «ДАСТАРХОНОРОӢ»

ГРЕНЛАНДИЯ ОБИ ПИРЯХҲОРО БА САВДО БАРОВАРДАНИСТ

ДАР БЕЛАРУС СОЛИ 2023 ИСТИФОДАИ ЗАРФҲОИ ПЛАСТИКИРО МАНЪ НАМУДАНИАНД

ПЕКИН ДАР 6 РӮЗ КОРХОНАИ НАВИ ИСТЕҲСОЛИ НИҚОБҲОИ ТИББӢ СОХТАНИСТ

ЧИН ВА АСЕАН ДАР МАСЪАЛАИ КОРОНАВИРУС ВОХӮРИИ МАХСУС ДОИР МЕКУНАНД

ҶАҲОН ДАР ЯК САТР

17.02.2020


"РУШДИ ЧОРВОДОРӢ ВА ЧАРОГОҲҲО". ТАТБИҚИ ЗЕРЛОИҲАҲО

ШАҲРИНАВ. ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ФАЪОЛИЯТИ 32 ГУРӮҲИ МУТАШАККИЛИ ҶИНОЯТӢ ҚАТЪ ГАРДИД

ҲАМКОРИҲО БО ШАРИКОНИ РУШД ТАҲКИМ МЕЁБАНД


Дар сомонаҳои дигари Тоҷикистон хонед