logo

сиёсат

ИЗҲОРОТИ МАТБУОТӢ АЗ РӮИ НАТИҶАҲОИ МУЗОКИРОТИ САТҲИ ОЛИИ ТОҶИКИСТОНУ ҚАЗОҚИСТОН, ШАҲРИ ОСТОНА, 14 МАРТИ СОЛИ 2018

Муҳтарам намояндагони воситаҳои ахбори омма!
Хонумон ва ҷанобон!
Мо ба ин сафар аҳамияти калон медиҳем.
Мо натиҷаҳои онро бисёр мусбат ва самарабахш меҳисобем.
Ҷонибҳо як қатор ҳуҷҷатҳои дуҷонибаи тақозои замонро, ки заминаи ҳуқуқии муносиботи мутақобилаи моро мукаммалтар сохтанд, ба имзо расонданд. Онҳо имкон медиҳанд, ки сатҳи ҳамкории бисёрҷонибаи мо дар сиғаи стратегӣ густариш дода шавад. Соли равон ба истиқрори муносибатҳои дипломатӣ миёни давлатҳои мо бисту панҷ сол пур шуд.
Дар давраи сипаригашта кишварҳои мо таҷрибаи бузурги ҳамкории созандаро дар шароити нави соҳибистиқлолӣ ба даст оварданд. Бо такя ба ин таҷриба, мо ният дорем, ки минбаъд тамоми маҷмӯи муносибатҳои Тоҷикистону Қазоқистонро ба манфиати мардумони ду кишвар ва умуман минтақа густариш диҳем.
Ба масъалаи таҳкими шарикии стратегии мамлакатҳоямон мо ҳамеша аҳамияти афзалиятнок медиҳем. Бинобар ин, як қисми муҳими сафар идомаи муколамаи байнидавлатӣ доир ба маҷмӯи васеи рушди муносибатҳои дуҷониба буд.
Қазоқистон имрӯз дар низоми робитаҳои байналмилалии тиҷоратию иқтисодии Тоҷикистон мавқеи пешсафӣ касб мекунад. Соли гузашта гардиши дуҷонибаи мол миёни кишварҳоямон бисту чор фоиз афзоиш ёфт ва аз рӯи ҳаҷми он Қазоқистон миёни шарикони тиҷоратии Тоҷикистон зинаи дуюмро ишғол намуд.
Дар ин росто, мо масъалаи густариши маҷмӯи ҳамкориямонро дар бахшҳои гуногуни иқтисодиёт баррасӣ намудем. Гап дар бораи рушди шаклҳои дарозмуддати ҳамкории иқтисодию сармоягузорӣ ва тавсеаи номгӯи табодули мол бо назардошти имкониятҳои ҷонибҳо меравад. Густариши робитаҳоямон дар чунин бахшҳои бунёдии иқтисодиёт, ба мисли саноат, энергетика, нақлиёт ва кишоварзӣ метавонанд омили рушди муҳими муносибатҳои тиҷоративу иқтисодии мо гарданд.
Мо зимни музокироти доиршуда раванди мусбати муътадили ҳамгироии кишварҳоямонро дар қолаби сиёсӣ ва самти фарҳангию гуманитарӣ зикр намудем. Мо бо Нурсултон Абишевич талоши қатъӣ дорем, ки минбаъд низ шарикиро дар ин самтҳо густариш диҳем, то онро ҳам аз нигоҳи сифат ва ҳам сатҳ бештар таҳким бахшем.
Мо ба он андешае ҳамфикр будем, ки аз рушди муваффақи самтҳои муайяншудаи муносибатҳои байнидавлатӣ аз бисёр ҷиҳат пешрафти минбаъдаи тамоми маҷмӯи ҳамкории Тоҷикистону Қазоқистон вобаста мебошад.
Тоҷикистон ва Қазоқистон иштирокчиёни фаъоли ҷараёнҳои минтақавӣ ва байниминтақавӣ маҳсуб мешаванд. Мо бо Нурсултон Абишевич барои таҳкими иқтидори ҳамкорӣ  дар чаҳорчӯби СММ, САҲА, СҲШ, ИДМ, СААД ва дигар сохторҳои ҳамкории бисёрҷанба, ки ҳар ду ҷониб аъзои он мебошад,  изҳори назар намудем. 
   Оид ба тамоми маҷмӯи масоили дорои хусусияти минтақавӣ ва байниминтақавии барои мо манфиатовар муфассал андешаҳоямонро баён кардем.
Аҳамияти ҳамкории минбаъда дар самти истифодаи сарфакоронаи захираҳои обӣ-энергетикии минтақа зикр гардид.  Тоҷикистон алоқамандии худро ба уҳдадориҳои байналмилалӣ ва тавофуқоте, ки дар ин самт ба даст омадаанд, тасдиқ менамояд. Мо тарафдори ҳамкории наздик ва созанда миёни давлатҳои минтақа оид ба ҳамаи самтҳои муносибатҳои вобаста ба об  мебошем.
Дар маркази таваҷҷуҳ масоили вобаста ба амният қарор доштанд. Мо ҳавасмандии мутақобиларо барои тамдид ва таҳкими ҳамкорӣ дар сиғаҳои гуногун оид ба масоили мубориза бо хатару чолишҳои ҷаҳонӣ тасдиқ намудем. Зарурати таҳкими ҳамкории мақомоти салоҳиятдори мо дар мубориза бо терроризм, экстремизм, интиқоли маводи мухаддир ва дигар шаклҳои ҷинояткории муташаккили фаромиллӣ таъкид гардид.
 Мо маҷмӯи масъалаҳоро оид ба Афғонистон, ки кишварҳои мо доир ба он мавқеи ягона доранд, баррасӣ намудем. Мо барои амалҳои минбаъдаи якҷоя оид ба мусоидат ба барқарорнамоии сулҳ ва субот дар Афғонистон изҳори назар намудем.
Таваҷҷуҳи зарурӣ ба масоили рушди робитаҳои фарҳангӣ-гуманитарӣ равона гардид. Аҳамияти тавсеаи минбаъдаи ҳамкорӣ дар соҳаҳои маориф ва илм, фарҳанг, санъат, сайёҳӣ ва дигар самтҳои мавриди таваҷҷуҳи ҳамдигар таъкид гашт.
 Дар самти ба ҳам наздик шудани мардумони мо ҷамъиятҳои тоҷикон ва қазоқон нақши муҳим доранд. Дар ин росто мо оид ба иқдомҳои муштараки минбаъда ҷиҳати дар ҳудуди давлатҳоямон ташкил намудани  шароити мусоид барои фаъолияти марказҳои миллии фарҳангии ду ҷамъият дар самти муҳофизат ва рушди  махсусиятҳо, анъанаҳои маънавию фарҳангӣ, оинҳо ва забони давлатӣ изҳори назар намудем. Дар ин робита иқдоми ҷониби Қазоқистонро дар мавриди ба яке аз кӯчаҳои Остона додани номи асосгузори адабиёти классикии тоҷик Абуабдуллоҳи Рӯдакӣ маъқул медонем.
Мехостам зикр намоям, ки чун рамзи эҳтиром ба хотираи фарзандони номдори мардуми қазоқ яке аз кӯчаҳои маркази Тоҷикистон номи мутафаккири барҷаста Абайро дорад.
Муносибатҳои байнидавлатӣ, пеш аз ҳама, бар робитаҳои байни одамон, ҳам дар сатҳи мансабдорон ва ҳам шаҳрвандони одӣ асос ёфтаанд. Дар робита ба ин, мехоҳам аҳамияти имзои Созишнома дар бораи тартиби будубоши шаҳрвандони ҷонибҳоро дар қаламрави якдигар зикр намоям. Акнун шаҳрвандони мо метавонанд ҳангоми сафарҳои мутақобилаи худ дар қаламрави ҷонибҳо бидуни бақайдгирӣ то 30 рӯз ва бо бақайдгирӣ то 90 рӯз қарор дошта бошанд.
Натиҷаҳои музокироти имрӯза, бе муҳобот, ба мо имкон медиҳанд, ки ба ояндаи дурнамои шарикии стратегии кишварҳоямон бо умеди бузург ва нек назар кунем.
Муҳтарам хонумон ва ҷанобон!
Зимни ҳар як сафар ба Остона, ман аз дастовардҳои бузурги кишвари шумо ба ваҷд меоям.
Қазоқистон дар замони истиқлолият дар рушди иҷтимоию иқтисодӣ ва таҳкими некуаҳволии мардуми худ ҷаҳиши қавӣ намуд. Дар ҳамаи ин дастовардҳои Қазоқистон саҳми Роҳбари он, дӯсти деринаам, ходими сиёсӣ ва давлатии дорои таҷрибаи бузург ва нуфуз муҳтарам Нурсултон Абишевич Назарбоев бузург аст. Саҳми Шумо дар таҳкими муносибатҳои дӯстона ва ҳамкории бисёрҷонибаи кишварҳоямон низ аҳамиятнок мебошад. Шумо ҳамчун ҷонибдори фаъоли ин раванд ба рушди созандаи муносибатҳои Тоҷикистону Қазоқистон таваҷҷуҳи доимӣ зоҳир менамоед.
Мо сатҳи ноилшудаи ҳамгироии байни кишварҳоямонро баланд арзёбӣ менамоем.
Бо истифода аз фурсат, ба Шумо барои талошҳоятон дар ин самт, барои дастгирӣ ва ёрие, ки ҳамеша ба мо мерасонед, миннатдории самимиамонро изҳор медорам.
Бо камоли эҳтиром, Шуморо даъват менамоям, ки дар вақти бароятон муносиб ба Ҷумҳурии Тоҷикистон бо сафар ташриф оред. Аз дидоратон дар сарзамини Тоҷикистон шод хоҳем буд.
 Бори дигар ба Шумо, муҳтарам Нурсултон Абишевич ва дар симои Шумо ба мардуми Қазоқистон барои истиқболи гарму самимӣ ва меҳмоннавозии анъанавии қазоқӣ изҳори миннатдорӣ менамоям.
Ташаккур.


Баёни ақида (0)    Санаи нашр: 15.03.2018    №: 55    Мутолиа карданд: 616
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед