logo

сиёсат

САМАРИ ЯК ТАШАББУС

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми навбатии хеш ба Маҷлиси Олии Ҷумҳурии Тоҷикистон ба масъалаи рушди муносибатҳо бо давлатҳои Осиёи Марказӣ таваҷҷуҳи махсус зоҳир намуда, тавсеаи ҳамкориҳои судманди байни давлатҳоро намунаи устувории мавқеи стратегии кишвар номиданд. Густариши муносибатҳои Тоҷикистон бо Ӯзбекистон, ки собиқаи таърихӣ дорад, метавонад барои шакли навро касб намудани дипломатияи минтақавӣ ва дар маҷмӯъ барои ташкили риштаҳои нави дӯстии халқҳои тоҷику ӯзбек мусоидат намояд. Мардумони тоҷику ӯзбек бо амри сарнавишт тайи садсолаҳост, ки дар ҳамсоягӣ ба сар мебаранд. Дар замири ин дӯстӣ, ки ҳамқарини сарнавишт, таърихи ягона, умумияти дину оин, анъана ва фарҳанг қарор дорад, ҳар ду миллат комёб гардидааст. Омезишу қаробати ин ду мардум ҳатто то ба ҷоест, ки баъзан онҳоро аслан як халқи дорои ду забон мехонанд.
Тоҷикону ӯзбекон дар тӯли таърих рӯйдоду таҳаввулоти гуногунро аз сар гузаронданд. Иқтисоду сиёсат, илму фарҳанг давра ба давра инкишоф ёфта, дар садаи XX онҳо гардишу дигаргуниҳои куллиро ба бор оварданд.
Ҷумҳурии Тоҷикистон аз ибтидо сиёсати дохилию хориҷии худро ба ҳифзи истиқлолият ва тамомияти арзӣ, амният ва ваҳдати миллӣ, бунёди ҷомеаи демократӣ, рушди иқтисоди бозаргонӣ, эҷоди заминаҳои устувори ҳуқуқию байналмилалии ҳамкориҳо равона кард. Густариши ҳамкориҳои серҷанбаи мутақобилан судманд бо кишварҳои ҷаҳон, созмонҳои гуногуни байналмилалӣ дархӯри манофеи миллии кишвар буда, роҳбарияти ҷумҳурӣ баҳри татбиқи амалии он пайваста саъю талош меварзад.
Дар ин росто муносибатҳои Тоҷикистон бо кишварҳои ҳамсоя, аз ҷумла бо Ӯзбекистон аҳамияти махсус дорад. Паҳлуҳои гуногуни робитаҳои дуҷониба ҳамвора тавсеа ёфта, дар роҳи инкишофи дӯстиву қаробати беш аз пеши тоҷикону ӯзбекон заминагузориҳои хуб сурат мегиранд. Пешрафту комёбиҳои ин ду кишвар самтҳои нави ҳамкориҳоро ба вуҷуд меоранд. Бо таваҷҷуҳ ба ин, зарурати омӯзишу баррасӣ ва дарёфти бархӯрду шеваҳои беҳтари рушди ҳамкориҳо ба миён меояд.
Тоҷикистон аз рӯзҳои аввали эъломи Истиқлолияти давлатӣ бо таваҷҷуҳ ба ҳифзи манофеи миллии кишвар дар муносибат бо кишварҳои гуногун, аз ҷумла бо Ӯзбекистон сиёсати ҳамсоягии нек, ҳамзистии осоишта ва дахолат накардан ба корҳои дохилии якдигарро пеш гирифта, пайваста дар роҳи инкишофи равобити гуногунҷабҳа саъю кӯшиш менамояд.
Ҷумҳурии Тоҷикистон ва Ҷумҳурии Ӯзбекистон баъди ба ҳайси субъекти комилҳуқуқи муносибатҳои байналмилалӣ эътироф гардидан байни ҳам робитаҳои дипломатӣ барқарор намуда, намояндагиҳои дипломатии хешро дар сатҳи сафорат дар Тошканду Душанбе фаъол намуданд.
Дидору вохӯриҳои расмию ғайрирасмии роҳбарони ҷумҳурӣ, ки мунтазам сурат мегиранд, барои вусъату таҳкими ҳамкориҳои гуногуни сиёсиву иҷтимоӣ, иқтисодӣ ва илмию фарҳангии ду кишвар нақши муҳим доранд. Бар асари чунин боздидҳо ва кӯшиши ҷонибҳост, ки ҳоло муносибатҳои Тоҷикистону Ӯзбекистонро беш аз 70 санади имзошуда ба танзим медарорад.
Махсусан сафари расмии давлатии Президенти  Ҷумҳурии Ӯзбекистон Шавкат Мирзиёев ба Тоҷикистон дар таърихи 9 - 10  марти соли 2018 марҳилаи навро дар ҳамкории миёни ду кишвар оғоз бахшид.  Бо талошҳову ташаббусҳои неки сарони давлатҳо Эмомалӣ Раҳмон ва Шавкат Мирзиёев 10 гузаргоҳи сарҳадӣ кушода шуд, ки ҳамсояҳоро ба висоли дӯст ва хешон расонд. Ифтитоҳи гузаргоҳи байнидавлатии роҳи оҳани “Ғалаба-Амузанг” натиҷаи сиёсати хирадмандонаи сарони давлатҳост.
Яке аз масъалаҳои муҳими дигар ин Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Ӯзбекистон оид ба сафарҳои мутақобилаи шаҳрвандон мебошад, ки низоми рафтуомади бераводиди ҷонибҳоро ба муҳлати 30 рӯз қарор кард.
Акнун мардумони шарафманди Тоҷикистону Ӯзбекистон ба шарофати сиёсати неку ояндадор ва бобарору сулҳовари Эмомалӣ Раҳмон ва Шавкат Мирзиёев аз ин пас дар фазои ҳамдигарфаҳмӣ, ҳамсоягии нек ва дигар ормонҳои чандинасраи хеш зиндагӣ хоҳанд кард.
Аминҷон ШАРИФОВ,
Ҳайдар ҲАЙДАРОВ,
омӯзгорони Донишгоҳи давлатии Кӯлоб
ба номи Абуабдуллоҳи Рӯдакӣ


Баёни ақида (0)    Санаи нашр: 19.03.2018    №: 57-58    Мутолиа карданд: 511
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед