logo

иҷтимоиёт

БАРАКАТ АЗ ХАЙРУ ЭҲСОН

Бо ҳидоятҳои Сарвари давлат сафи фарзандони ватандӯсту саховатпеша, хайрхоҳу миллатпарвар сол ба сол афзуда, онҳо барои ободию сарсабзии кишвар саҳми арзанда  мегузоранд. Натиҷаи ҳамин кӯшишҳост, ки симои кишвари мо тайи солҳои охир ба куллӣ дигаргун шудааст. Яке аз ҷавонмардони бонангу номус соҳибкори муваффақ  сокини ноҳияи Шаҳринав  Мирзоалӣ Маҷидов мебошад. Ӯ дар баробари мутахассиси чашмикордони соҳаи хеш будан, инчунин, марди олиҳиммату саховатпешаест, ки солҳо боз барои ҳалли мушкилоти мардуми ноҳия ва ноҳияҳои гирду атроф корҳои хайри зиёде анҷом медиҳад.

М. Маҷидов  ғайр аз сарпарастии ширхоргоҳ - кӯдакистон, муассисаи таҳсилоти умумии рақами 15 ва маркази саломатии ноҳия боз дар арафаи ҳар як ҷашн сокинони камбизоати деҳот, хонаи кӯдакони ноҳия, хона - интернати пиронсолон ва маъюбони шаҳри Турсунзода, мактаб – интернати ҷумҳуриявии кӯдакони ятим дар ноҳияи Шаҳринавро бо маводи ғизоӣ таъмин менамояд.
Кори хайре, ки Мирзоалӣ соли гузашта ба анҷом расонд, ин бунёди мактаби рақами 42 дар деҳаи Чамбули Ҷамоати деҳоти Чусти ноҳияи Шаҳринав мебошад. Фарзандони деҳа дарсҳои зинаи ибтидоиро дар синфхонаҳои фарсуда мехонданду  2 - 3 километр тай карда, таҳсилро дар дигар мактабҳо идома медоданд. Кор ба ҷое расид, ки зарурати бастани ин мактаб ба миён омад. Аз ин ҳол Ҳоҷӣ Мирзоалӣ огоҳ шуд ва азм кард, ки аз ҳисоби худ бинои нави макони маърифатро сохта ба истифода медиҳад. Ҳамин тавр, бинои нави муассисаи таълимӣ дар муддати 57 рӯз барои 200 хонанда бо назардошти 2 баст бо тамоми лавозимоти зарурии хониш муҷаҳҳаз ба истифода супурда шуд. Хонандагон соли нави хонишро дар бинои наву замонавӣ оғоз намуданд. Мактаб ба муассисаи асосии таълимӣ табдил дода шуд. Мактаби мазкур  - бинои ягонаи намунавии деҳа аз 5 синфхона, утоқи компютерӣ, китобхона, хонаи муаллимон ва ошхона иборат буда, аз ҷиҳати сохт, сифат, ҷойгиршавӣ, таҷҳизот ва шароити фароҳамшуда пурра ба талабот ҷавобгӯ мебошад.
Дар арафаи соли нави мелодӣ ба мактаб – интернати ҷумҳуриявии ятимони ба номи Мирзо Турсунзодаи ноҳия туҳфаҳои Сарвари давлат супурда  шуданд.  Ҳамзамон, таъмиру ободсозии ҳавлии он роҳандозӣ гардид. Мирзоалӣ низ дар ин кори хайр камари ҳиммат баста, сохтани дарвоза ва ободонии атрофи онро ба уҳда гирифт. Бо ибтикори ӯ 100 хоҷагӣ дар деҳаҳои Даҳбед ва Ҳакимии Ҷамоати деҳоти Истиқлол бо оби ошомиданӣ таъмин гаштанд, ба масофаи 5 км барои муассисаҳои таҳсилоти № 15 - и деҳаи Омада ва № 35 - и деҳаи Нуробод хати интиқоли барқ кашида, насоси обкашии рустои Даҳбед ба истифода дода шуд, ки аҳолиро бо оби ошомиданӣ таъмин кард. Инчунин, дар ҳамкорӣ бо ҳампешааш Аюбҷон Қузиев 4 км роҳи байни ҷамоатҳои  А. Ҳасанов ва Истиқлолро мумфарш кард.
Корҳои хайри ӯ зиёданду дар ин самт боз тасмимҳои нав дорад. Вақте аз соҳибкори муваффақ Мирзоалӣ Маҷидов дар хусуси амалҳои басомонрасондааш пурсон шудем, гуфт: «Мегӯянд, ки тарзе хайр кун, то дасти дигарат нафаҳмад. Ҳар амалро бо амри виҷдон ва роҳнамоиву ҳидоятҳои Сарвари давлат ба ҷой меорам».
Матлубаи АБДУҚАҲҲОР, «Ҷумҳурият»


Баёни ақида (0)    Санаи нашр: 02.04.2018    №: 65    Мутолиа карданд: 443
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед