logo

маориф

ЗОДАИ ИСТИҚЛОЛИЯТ. АЗ ДАСТОВАРДҲОИ ДОНИШГОҲИ ДАВЛАТИИ МОЛИЯ ВА ИҚТИСОДИ ТОҶИКИСТОН

Донишгоҳи давлатии молия ва иқтисоди Тоҷикистон, ки зодаи замони истиқлолият аст, ҳамасола дар асоси таҳия ва татбиқи нақшаи чорабиниҳое, ки аз Паёми Президенти кишвар ба Маҷлиси Олии Ҷумҳурии Тоҷикистон бар меояд, ба дастовардҳои назаррас ноил гардида истодааст. Паём ҳамчун ҳуҷҷати самтнамо имкон медиҳад, ки шакл ва усулҳои нави ташкили таълимӣ ва корҳои илмию тадқиқотиро вобаста ба талаботи иқтисоди миллӣ ба роҳ монда, тавассути татбиқи консепсияҳои нави рушд мутахассисони соҳаи молия ва иқтисодро ба бозори меҳнат пешкаш кунем.
Вобаста ба ин, солҳои охир дар донишгоҳ бо истифода аз усулҳои муосири инноватсионии таълим ва татбиқи механизми электронии идоракунии муассисаи таълимӣ сатҳи сифати таълим баланд бардошта шуд. Имкон фароҳам омад, ки ташкили дурусти раванди таълим, рушди корҳои илмию тадқиқотӣ, фароҳам овардани шароити мусоиди кору фаъолият, таҷдиду навсозии базаи моддиву техникӣ ва анҷом додани корҳои ободонию созандагӣ донишгоҳ ба марҳилаи нави рушди худ ворид гардад.
Баланд бардоштани сифати таълим, таҳия ва тасдиқи барномаҳои таълимӣ, воситаҳои таълимию методӣ, омода кардани кадрҳои илмию тадқиқотӣ, таъминоти иттилоотию иртиботии раванди таълим ва ташкили фазои мусоид барои фаъолияти технологию инноватсионӣ имконият дод, ки Донишгоҳи давлатии молия ва иқтисоди Тоҷикистон дар рейтинги муассисаҳои таҳсилоти олии кишвар соҳиби мақоми чорум гардад. Ин масъулияти моро нисбат ба натиҷаи фаъолияти худ баланд намуда, ҷиҳати боз ҳам боло рафтани он ҳайати донишкада дар оянда кӯшиш ба харҷ медиҳад.
Дар стратегияи рушди донишгоҳ  баланд бардоштани сифати  таълим  мақоми хос дошта, вобаста ба ин раванди таълимӣ ва натиҷагирӣ аз он ба таври ҷиддӣ назорат карда мешавад. Бо такя ба таваҷҷуҳи хосси Пешвои миллат ба масоили баланд бардоштани сифати таълим ва омода намудани мутахассисони ҷавобгӯи талаботи замони муосир дар сатҳи донишгоҳ, факултетҳо ва кафедраҳои марбута чорабиниҳои муайяни таълимию методӣ коркард, таҳия ва амалӣ карда мешаванд, ки воситаи муҳими такмили сифати таълим мебошанд. Бо мақсади таъмини методӣ ва баланд бардоштани сатҳи он дар соли сипаришуда аз ҷониби ҳайати профессорон ва омӯзгорони донишгоҳ 7 китоби дарсӣ, 22 васоити таълимӣ, 19 дастури методӣ, 17 барномаи таҷрибаомӯзӣ ва 25 монографияи илмӣ таҳия ва ба табъ расонда шуданд.
Бо мақсади тарғиби муҳимияти омӯзиши забонҳои хориҷӣ ва технологияҳои иттилоотию коммуникатсионӣ, донишҳои муосири касбӣ, бахусус омӯзиши фанҳои дақиқ синфхонаҳои лингофонӣ ва озмоишгоҳҳои муосири компютерӣ таъсис дода шудаанд, ки барои таҳсил заминаи мусоид фароҳам месозанд. Дар баробари ин, аксари аудиторияҳо ва толорҳои лексионӣ бо тахтаҳои электронӣ ва воситаҳои аёнии таълимӣ муҷаҳҳаз гардонда шуда, донишҷӯёну магистрон дар ҳамкорӣ бо Парки индустриалию технологии донишкада ба ихтироъкорӣ ҷалб карда мешаванд. 
Бо мақсади татбиқи нишондодҳои Паёми Пешвои миллат ба Маҷлиси Олии мамлакат дар донишгоҳ ба омода кардани кадрҳои илмию педагогӣ ва муҳаққиқони ҷавону ихтироъкор аҳамияти махсус зоҳир шуда, ҳамасола натиҷаи корҳои илмию тадқиқотии олимони донишгоҳ дар дохил ва хориҷи кишвар муаррифӣ ва дифоъ мешаванд. Таҳияи лоиҳаҳои илмӣ ва иҷрои мавзӯъҳои фармоишӣ низ ба самти афзалиятноки фаъолияти илмию тадқиқотии олимони донишгоҳ табдил ёфта, ҷалби грантҳо ва навиштани лоиҳаҳои илмӣ воситаи муҳими баланд бардоштани сифати корҳои илмию тадқиқотӣ ва таълимӣ ба ҳисоб мераванд.
Ҷалби ҷавонон ба корҳои илмию тадқиқотӣ ва ташкили маҳфилҳои гуногуни илмӣ имконият дод, ки донишҷӯёни донишгоҳ дар олимпиада ва дигар озмунҳои сатҳи гуногун соҳиби ҷойҳои ифтихорӣ гарданд. Бо мақсади баланд бардоштани ҳисси ватандӯсӣ ва тарғиби тарзи ҳаёти солим дар донишгоҳ шароити мусоид фароҳам оварда шуда, дар ин самт низ мунтазам чорабиниҳои махсус роҳандозӣ ва баргузор мегарданд.
Донишгоҳ бо зиёда аз 70 муассисаҳои таълимӣ ва илмию тадқиқотии хориҷ шартномаи ҳамкорӣ дорад. Дар баробари ин, иштироки олимону мутахассисон ва донишҷӯёни донишгоҳ дар чорабиниҳои илмӣ ва таълимии хориҷӣ тамоюли мусбат дошта, дар ояндаи наздик аксар ихтисосҳо аз аккредитатсияи байналхалқӣ гузаронда мешаванд. Тавассути иштирок дар ярмаркаҳои омӯзишӣ ва барномаҳои мубодилавӣ донишҷӯёни донишгоҳ дар бузургтарин донишгоҳҳои хориҷӣ ба таҳсил фаро гирифта шуда, ҷалби донишҷӯёни хориҷӣ низ ба донишгоҳ дар сатҳи зарурӣ ба роҳ монда шудааст.
Шукрулло  ХАЙРЗОДА,
ректори Донишгоҳи давлатии молия ва иқтисоди Тоҷикистон


Баёни ақида (0)    Санаи нашр: 03.04.2018    №: 66    Мутолиа карданд: 299

19.07.2018


Мулоқоти Исматулло Насредин бо Томас Гремингер

Баррасии масъалаи ҳифзу нигоҳдории оби пок

Эълони озмун бо мақсади дастгирӣ ва ҳавасмандии ҷавонони соҳибистеъдод

КУМИТАИ РУШДИ МАҲАЛ. РОҲАНДОЗИИ РЕЙТИНГИ МИЛЛИИ ФАЗОИ САРМОЯГУЗОРӢ

ПЕШГИРИИ ВОРИДОТИ 42,8 ТОННА МОҲИИ ПАСТСИФАТ

ГЕОЛОГИЯ. НИЗОМИ РАҚАМӢ ҶОРӢ МЕШАВАД

ҶОЙИ КОР МУШКИЛИИ № 1 - И ХАТМКУНАНДАГОН

САТҲИ ПАСТИ ДОНИШ БОИСИ ХОРИҶ ГАРДИДАНИ ДОНИШҶӮЁН ШУД

ЛЕВАКАНТ. ОЗМУНЕ БАРОИ ИБРАТ

КӮЛОБ 1,2 МИЛЛИОН СОМОНӢ БАРОИ ИСТЕҲСОЛИ ЛИБОСИ МАКТАБӢ

18.07.2018


ФЕСТИВАЛИ ТОБИСТОНАИ ДУШАНБЕ. ИҚДОМИ НАВ ҶИҲАТИ РУШДИ САЙЁҲӢ ВА ФАРОҒАТИ МЕҲМОНОНУ СОКИНОН

12 ҲАЗОРУ 482 ҶИНОЯТ ДАР ШАШ МОҲ

ИСТЕҲСОЛИ МАҲСУЛОТИ КИШОВАРЗӢ МЕАФЗОЯД

ДМТ. ҲАМКОРИҲОИ БАЙНАЛМИЛАЛӢ ГУСТАРИШ МЕЁБАНД

БАРНОМАИ ДАВЛАТИИ ЭКОЛОГӢ МАРҲИЛА БА МАРҲИЛА ТАТБИҚ МЕГАРДАД

ШАҲРИ ВАҲДАТ. МАҲСУЛОТИ САНОАТӢ 3 МИЛЛИОН СОМОНӢ АФЗУД

Варзиш

17.07.2018


Мулоқоти Қоҳир Расулзода ва Абдулло Орипов дар Фарғона

Ҷаласаи мушовараи мақомоти корҳои дохилӣ баргузор шуд

Ҷумҳурии Мардумии Чин дар Тоҷикистон 3 мактаби нав месозад

Мунтахаби Тоҷикистон – ғолиби мусобиқаи Ҷоми шаҳрдории Остона

Ҷаҳон дар як сатр

Путин гуфтушунид бо Трампро бобарор номид

Трамп аз натиҷаҳои вохӯриаш бо Путин нақл кард

Ҳалокати мардуми осоиштаи афғон дар ҳоли афзоиш аст

Ҳангоми чемпионати ҷаҳон 25 миллион киберҳамла пешгирӣ шуд

16.07.2018


Мулоқоти Сироҷиддин Муҳриддин бо Пратибҳа Меҳта

Машварати муовинони вазирони корҳои хориҷии кишварҳои аъзои СҲШ

Баррасии тақвияти ҳамкориҳо бо Бонки ҷаҳонӣ

РОҒУН. Бунёди иншооти нав ба муносибати 30-солагии Истиқлолияти давлатӣ

ФАРОНСА – чемпиони ҷаҳон

Ҷаҳон дар як сатр

Трамп ҷонибдори роҳандозии муносибот байни ИМА ва Британия бо Русия ва Чин аст

Чин соли 2020 «қудрати донорӣ» мешавад


Дар сомонаҳои дигари Тоҷикистон хонед