logo

иҷтимоиёт

ОСИЁИ МАРКАЗӢ ТАВСЕАИ ҲАМКОРИҲОИ МИНТАҚАВӢ

Дигаргуниҳои имрӯз дар воқеияти ҳаёти ҷамъиятии Тоҷикистон мушоҳидашаванда, аз ҷумла беҳбудии муносибатҳо бо Ӯзбекистон, иштироки Президенти кишвар дар нишасти сарони кишварҳои Осиёи Марказӣ, аз минбари СММ ҳусни оғоз бахшидан ба Даҳсолаи байналмилалии «Об – барои рушди устувор» ва ғайра, барои мардуми кишварамон басо хотирмон ва дурнамои рушди иҷтимоию сиёсии он арзиши бесобиқа доранд.
Ин падидаҳо гувоҳи онанд, ки бо суръати зиёд ба фазои муносибатҳои куллан нав воридшавии ҷаҳони муосир Тоҷикистон низ бемайлон сайъ менамояд берун аз мадори ин ҷараёнҳо ҳамчун мушоҳидакори бетараф боқӣ намонад, балки имконияти барои аз равандҳои мазкур ба манфиати қонеъсозии талаботи рушди худ баҳра бурданро пайдо намояд. Яъне, зуҳури падидаҳои минтақавӣ ва фаротар аз онро ба манфиати раванди рушди инкишофи  ҷомеа алоқамандии ногусастанӣ бахшидани Тоҷикистон амалияи идоракунии кишварамонро дар чеҳраи сифатан нав намудор месозад.
Сафари Президенти Ҷумҳурии Ӯзбекистон ба Душанбе ва ба тасвиб расидани чандин созишномаҳо оид ба ҳамкориҳои дуҷониба диду тасаввури мардуми ин кишварҳоро дар бораи он ки чӣ тавр онҳо бояд минбаъд бо ҳамсоягони худ бо муросою созиш зисту зиндагонӣ намоянд, куллан тағйир дод. Қобили зикр аст, ки маҳз дар заминаи густариши ин ҳамкориҳо нишонаҳои баръалои собиқаи деринаи дӯстии таърихии мардумони кишварҳои минтақаи Осиёи Марказӣ ҷилвагар мегардад ва дар замони ҳозир маъною муҳтавои ҷавобгӯ ба талаботи рушди онҳоро касб мекунад. Самараи собиқаи таърихии ин ҳамкориҳо пеши назари мо бо тобиши чеҳраҳои бузурги файласуфону адибон, меъморону олимони соҳаҳои мухталиф, ки паҳлу ба паҳлуи якдигар дар эъмори тамаддуни минтақа саҳм гирифтаанд, ҷилвагар мегардад ва воқеан ҳам барои ташаккули ҳувияти умумиминтақавиямон мусоидат менамояд. Аз ин рӯ, ҳар қадам ҷою макони ин минтақа барои сокинони ҳушманди он арзиши баландро барои он пайдо мекунад, ки барояшон ҳувияти минтақавияшонро зинда нигоҳ медорад ва ба наслҳои минбаъда ба мерос мегузорад. Акнун насли имрӯза вазифадор аст, ки ин меросро зинда нигоҳ дораду бо ҷидду ҷаҳд онро ғанитар гардонад. Аз ин рӯ, тақвият додани ҳамкориҳои фарҳангии гуногунҷабҳа ба манфиати ҳар кадоме аз кишварҳои минтақа аст. 
Бо назардошти ин масъала дар изҳороти муштараки сарони кишварҳои Осиёи Марказӣ аз 15 марти соли 2018 чунин омадааст: «Ҳамкории мутақобилан судманди тиҷоратию иқтисодӣ ва сармоягузорӣ, тавсеаи инфрасохтори ҳамлу нақлию нақлиётии минтақавӣ, оқилона аз худ намудани захираҳои обу энергетикӣ ва иқтидорҳои озуқаворӣ, рушди саноат ва соҳаҳои коркард, истифодаи технологияҳои пешрафта ва инноватсия дар самти пешбурди иқтисодиёти рақамӣ ба рушди устувори некуаҳволии мардумони Осиёи Марказӣ мусоидат менамояд. Дар заминаи масъулияти таърихии худ барои нигоҳдорӣ ва таҳкими муносибатҳои эҳтироми тарафайн, дӯстӣ ва бародарии байни халқҳоямон, мо ба таҳкими ҳамгироӣ дар соҳаи фарҳангу санъат, маорифу илм, сайёҳӣ ва варзиш даъват менамоем».       
Кушодашавии гузаргоҳҳои сарҳадии байни Тоҷикистону Ӯзбекистон ва пас аз чандин солҳо ба дидори ҳамдигар расидани мардумони дорои риштаҳои хешутабории наздик боз як ҷанбаи дигари муҳими оғози тақвиятбахшии робитаю ҳамкориҳои ду кишвар ба шумор меравад. Ин робитаҳо ба тадриҷ имрӯз аз доираи муносибатҳои хешутаборӣ фаротар мераванд ва айни ҳол мебинем, ки босуръат ба соҳаҳои дигари фаъолияти мардумони ин ду сарзамин доман паҳн менамоянд.
Қобили зикр аст, ки арзёбии чунин падидаҳо дар фарҳанги имрӯзаи мо бояд маъною ҷилои дархури дигаргуниҳои ҷаҳони муосирро пайдо кунад ва барои ташаккули арзишҳои таҳаммулгароёна мусоидат намояд. Зеро ҳама гуна осори фарҳангӣ дар ҳар давру замон дар қаринаи ҳаёти муайяни ҷамъиятӣ тавлид мешавад ва вижагиҳои онро бояд ба пуррагӣ дар худ инъикос намояд.
Х. ИДИЕВ,
ректори ДДФСТ ба номи М. Турсунзода,
узви вобастаи Академияи илмҳои Ҷумҳурии Тоҷикистон


Баёни ақида (0)    Санаи нашр: 10.04.2018    №: 71    Мутолиа карданд: 270

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед