logo

фарҳанг

НАШРИЯИ № 1. ИН ҲАҚИҚАТРО ДИГАРБОРА ТАҲҚИҚОТИ ҲИРФАӢ СОБИТ НАМУД

Нашрияи расмии Ҷумҳурии Тоҷикистон - рӯзномаи «Ҷумҳурият» дар доираи як тадқиқоти фарогир оид ба муайян намудани афзалиятҳои расонавии аҳолӣ рӯзномаи серхонотарини мамлакат эътироф шуд.  Натиҷаҳои ин пажӯҳиш, ки рӯзи 6 апрел бо иштироки доираи васеи намояндагони ВАО, созмонҳои ҷамъиятӣ, таҳлилгарону ҷомеашиносон дар Маркази тадқиқоти стратегии назди Президенти Ҷумҳурии Тоҷикистон эълон гардид, собит намуд, ки хонандагон бештар ба мазмуну муҳтавои ин нашрияи бонуфузи мамлакат таваҷҷуҳ зоҳир намуда, дар тамоми манотиқи ҷумҳурӣ ба он дастрасӣ доранд.
Дар оғози нишаст оид ба муаррифии ҳисоботи тадқиқотии «Муайян намудани афзалиятҳои расонавии аҳолии Ҷумҳурии Тоҷикистон: телевизион, радио, нашрияҳои чопӣ, сомонаҳо, шабакаҳои иҷтимоӣ ва месенҷерҳо (паёмрасонҳо) таъкид шуд, ки он дар ҳамдастӣ бо Вазорати фарҳанги Ҷумҳурии Тоҷикистон ва Ташкилоти ҷамъиятии «Машварати расонавӣ» аз ҷониби Маркази тадқиқоти сотсиологии «Зеркало» бо истифода аз фановариҳои навини назарсанҷӣ сурат гирифта, ба ҳеҷ як воситаи ахбори омма бартарӣ дода нашудааст. Натиҷаҳо, танҳо бар пояи мавзеъгирӣ ва эътирофи хонандагон муайян гардида, баёнгари вазъи воқеии фазои иттилоотии кишвар аст.
- Ҳадафи пажӯҳиш муайянсозии дараҷаи истифодаи аҳолии Тоҷикистон аз васоити ахбори оммаи ватанӣ ва хориҷӣ мебошад. Натиҷаҳои тадқиқот ба суолҳои муҳим посух дода, нишон медиҳанд, ки ВАО - и анъанавӣ бояд дар кадом самтҳо рушд кунад ва чи пешомадҳое онҳоро интизор аст. Он аудиторияи ВАО - и пешрафтаро муайян карда, барои интихоби самтҳои афзалиятнок дар рушди минбаъдаи соҳа ва ё ВАО - и алоҳида мусоидат хоҳад кард, - гуфт директори Маркази тадқиқоти сотсиологии «Зеркало» Қаҳрамон Бақозода.
Зикр шуд, ки шахсони дар назарсанҷӣ иштирокдошта, аз 18 – сола боло буда, интихоби тадқиқоти мазкур бисёрзина, мутобиқшуда ба тақсимоти маъмурӣ - ҳудудӣ ва намуди маҳали эҳтимолӣ мебошад. Дар назарсанҷӣ 2206 нафар иштирок намуда, 27,7 дарсади пурсидашудагон аҳолии шаҳр ва 72, 3 дарсадро сокинони деҳот ташкил медиҳанд.
Директори Ташкилоти ҷамъиятии «Машварати расонавӣ» Набӣ Юсуфов зимни муаррифии натиҷаҳои тадқиқот гуфт, ки дар Тоҷикистон танҳо ду нашрия - Нашрияи расмии Ҷумҳурии Тоҷикистон - «Ҷумҳурият», бо теъдоди зиёд ва «Имрӯз-нюс» ҳаррӯз нашр мешаванд. Зимни пурсиш, ки “Кадом рӯзномаро мехонед?”, пурсидашудагон аксаран «Ҷумҳурият» - ро ном гирифтанд. Дар баробари ин, чуноне маълум гашт,  шумораи онҳое, ки ҳар рӯз рӯзнома мехонанд, ҳамагӣ 13,7 дарсадро ташкил медиҳад. - Тадқиқот собит намуд, ки рӯзномаи серхонандатарини мамлакат нашрияи расмии Ҷумҳурии Тоҷикистон «Ҷумҳурият» мебошад. Нашрияи Вазорати маориф ва илми Тоҷикистон - «Омӯзгор»  ва нашрияи марказии Ҳизби Халқӣ - Демократии Тоҷикистон «Минбари халқ» мутаносибан мақомҳои дуюму сеюмро касб карда, чоргонаи пешсафро нашрияи порлумонии Тоҷикистон рӯзномаи «Садои мардум» ҷамъбаст кардааст, - изҳор дошт Набӣ Юсуфов.
Дар доираи ин тадқиқот муассисаи давлатии телевизиони “Сафина” ва радиои “Садои Душанбе” низ аз расонаҳои сертамошобин ва сершунаванда эътироф шудаанд. Дар раддабандии рӯзномаҳои хусусӣ ҷойи аввалро нашрияи маърифатӣ - фароғатии «Оила» ишғол кардааст. Ҷойҳои дуюм ва сеюмро низ нашрияҳои барои фароғати оилавӣ пешбинишуда - «Дилкушо» ва «Муҳаббат ва оила» ишғол карданд.
Ба қавли Набӣ Юсуфов, дар доираи тадқиқот муайян шудааст, ки новобаста аз пешравиҳои технологӣ ва дастрасии бештар ба расонаҳои электронӣ дар ҷомеа майли зиёд ба рӯзномахонӣ аз байн нарафтааст. Хондани рӯзнома ҳанӯз ҳам барои мардум шавқовар буда, аксари хонандагон ба матолиби касбӣ таваҷҷуҳ зоҳир менамоянд. Шумораи аз ҳама бештари хонандаҳо дорои маълумоти олӣ (67,6 дарсад) буда, боқӣ (46,5 дарсад) дорои маълумоти миёна ва миёнаи махсус мебошанд. Натиҷаи дигари тадқиқот нишон медиҳад, ки шумораи онҳое, ки тариқи обуна рӯзнома мехонанд, ҳамагӣ 16,5 фоизро ташкил медиҳад. Яъне, майли хонандаҳо ба мутолиа танҳо ба обуна вобаста набуда, мазмуну муҳтавои баланди нашрия афзалият дорад. Ин ҳақиқатро фикри наздик ба 84 дарсади хонандагони нашрияҳо бори дигар собит сохт.
Мувофиқи маълумоти Вазорати фарҳанги Ҷумҳурии Тоҷикистон ҳоло дар мамлакат 367 рӯзнома нашр мешавад, ки аз ин шумора 105 нашрия давлатӣ ва 262 нашрия ғайридавлатӣ мебошанд. Тавре натиҷаҳои тадқиқоти мо нишон медиҳанд, талаботи аҳолӣ ба нашрияҳои чопӣ то ҳол зиёд мебошад. Қариб нисфи ашхосе, ки мо пурсидем (47,7 дарсад), дар ҷавобҳои худ нишон доданд, ки то ҳол мисли пештара рӯзномаҳои ватаниро мутолиа мекунанд.
Тадқиқоти анҷомшуда воқеияти ин амрро собит намуд, ки «Ҷумҳурият» ба унвони Нашрияи расмии Ҷумҳурии Тоҷикистон мавриди эътирофи ҷомеа ва хонандагони сершумор аст. Чун меҳвари фаъолияти онро ҳадафҳои бунёдӣ ташкил дода, дар тарғиби сиёсати созандаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҳифзи арзишҳои волои миллӣ, дастовардҳои Истиқлолияти давлатӣ нақши муҳим дорад. Гузашта аз ин, дар шароити рақобати шадиди иттилоотӣ ба роҳ мондани нашри ҳаррӯзаи он дар солим нигоҳ доштани фазои иттилооти кишвар мусоидат намуда, ба хонанда хабару гузоришоти саҳеҳ ва матолиби таҳлилии коршиносона пешниҳод мешаванд.
«Ҷумҳурият» дар идомаи рисолати арзишманду таърихии худ имрӯз ҳам дар роҳи баланд бардоштани сатҳи маърифатнокӣ, худшиносиву ҷаҳоншиносии мардум пешоҳанги матбуоти тоҷик мебошад. Ин аст, ки хонанда зимни назарпурсӣ аз миёни 367 нашрияи чопии кишвар ба «Ҷумҳурият» авлавият дода, онро ҳамчун рӯзномаи милливу дӯстоштанӣ эътироф намудааст. 
Хуршеди ҶОВИД,
Фирӯзи РАҲМОНИЁН, “Ҷумҳурият”


Баёни ақида (0)    Санаи нашр: 10.04.2018    №: 71    Мутолиа карданд: 351

21.08.2019


Путин 4 сентябр бо Сарвазири Ҳиндустон музокирот мегузаронад

Амири Қатар даъвати Путинро ба ФИБП пазируфт

Даҳ ҳазор нафар бинобар сӯхтор дар пойтахти Бангладеш бе сарпаноҳ монд

Токио имкони ба мадор баровардани радифҳои ҳарбиро баррасӣ дорад

Ҷаҳон дар як сатр

ШИНОВАРӢ. Варзишгарони тоҷик ба Чемпионати ҷаҳон рафтанд

19.08.2019


Баррасии асосноккунии техникиву иқтисодии роҳи Қалъаи Хумб – Ванҷ

Баргузории ҳамоиши "Ҷавонони эҷодкор – парчамбардорони миллат ва пайравони Пешвои миллат"

15.08.2019


Муносибатҳои Ҳиндустон ва ҶМЧ бояд суботи ҷаҳонро таъмин созанд

Дар Япония бар асари гармии ҳаво наздики 13 ҳазор кас бистарӣ шуд

Мулоқоти сарони Россия, Эрон ва Туркия моҳи сентябр доир мешавад

Ҷаҳон дар як сатр

05.08.2019


Ҷаҳон дар як сатр

01.08.2019


Вохӯрии Сироҷиддин Муҳриддин бо Кан Ҷе - квон

Масоили муҳоҷират матраҳ гардид

Фестивали яхмос ва обҳои ташнагишикан дар Душанбе

АКАДЕМИЯИ ИЛМҲО. Аз таъсиси маркази тарҷума то ҷашни Саразм

64 дарсади зарари молиявӣ барқарор шуд

ШАҲРИ ТУРСУНЗОДА. Корҳои ободонӣ вусъат мегиранд

ҲИСОР. Саноатикунонӣ дар мадди аввал

ФАЙЗОБОД. Афзоиши истеҳсоли маҳсулоти кишоварзӣ

НОҲИЯИ РӮДАКӢ. Саноат рӯ ба беҳбудӣ дорад

ДДТТ. Нуфузи байналмилалӣ меафзояд

Ҷаҳон дар як сатр

30.07.2019


Фестивали тобистонаи Душанбе доир мешавад

Мулоқоти Шодихон Ҷамшед бо Хуанг Деҳаи

Соҳибкорони ватанию хориҷӣ дар Бадахшон ҷамъ меоянд

БЕҲСОЗИИ ТАЪМИНОТ БО ОБ. Барои он зиёда аз 27 миллион ҷудо гардид

ШАҲРИНАВ. 160 иншооти ҷашнӣ ба истифода дода шуд

Трамп то интихоботи соли 2020 артишашро аз Афғонистон бароварданист

Душанбе 80 шаҳрванди Афғонистонро, ки дар Тоҷикистон ҳукм гирифтааст, ба Кобул истирдод намуд

Ҷаҳон дар як сатр

29.07.2019


ҲИФЗИ ИҶТИМОӢ. Як нишасти муҳим

ДУШАНБЕ. Рушди саноат дар мадди аввал


Дар сомонаҳои дигари Тоҷикистон хонед