logo

фарҳанг

СПИТАМЕН АВЛАВИЯТ БА РУШДИ ҲУНАРМАНДӢ

Ҳунару ҳунармандӣ дар кишвари мо хеле ривоҷу равнақ ёфта, аз насл ба насл мегузарад. Мардуми тоҷик аз қадимулайём ҳунарманд буданд ва то ба имрӯз баъзе аз ҳунарҳои миллии қадимаи мо омада расидаанд. Дар хотирам нақш бастааст, ки бобоям дар вақтҳои холигиашон ба бофтани ҳар намуд сабадҳо машғул буданд. Он кас аз ҳунари намадрезӣ низ огоҳ буданд. Модаркалонам бошанд, ба риштаресӣ машғул гардида, сипас ҷӯробҳои пашмин мебофтанд. Ин ҳама ҳунарҳоро бобою бибиям аз гузаштагони худ, ки дар ҳозира ноҳияи Кӯҳистони Мастчоҳ умр ба сар бурдаанд, мерос гирифта буданд.
Бонувони Спитамен лаҳзае дар хона бекор нанишаста, бо тарбияи фарзанд ва кори хона машғул гардида, инчунин дар вақтҳои холигиашон бо пухтупази хӯрокҳои миллӣ ва нонҳои болаззат, гулдӯзию қуроқдӯзӣ машғуланд.
Онҳо аз шароити мусоиди фаъолият истифода бурда, бо ҳунари худ асбоби рӯзгорро муҳайё месозанд. Дар ноҳия ҳоло зиёда аз 100 бонуи ҳунарманд ба қайд гирифта шуда, бо аҳли оила ва шогирдони худ  машғули коранд. Бонувони спитаменӣ асосан дар хона ба ҳунарҳои адрасу атласбофӣ, гилембофӣ, сӯзанидӯзӣ, тоқидӯзӣ машғул гардида, баъзеашон дастранҷи худро ба фурӯш низ мебароранд.
Бинобар маълумоти корманди бахши кор бо занон ва оилаи мақомоти иҷроияи маҳаллии ҳокимияти давлатии ноҳияи Спитамен Азиза Валиҷонова дар қайди ин ниҳод то имрӯз  113 бонуи ҳунарманд  буда, дар Ҷамоати деҳоти Турсун Ӯлҷабоев Муҳаббат Юлдошева  ва дар Ҷамоати деҳоти Истиқлол Гулчирой Қӯзибоева бо ҳунари сандуқсозӣ ва сабадбофӣ машҳуранд.
Дуредгарӣ, аз чӯб сохтани ҳар гуна асбоби рӯзгор ва мусиқӣ, сандуқсозӣ, гаҳворасозӣ,  кулолгарӣ, танурсозӣ ҳоло ҳам дар ноҳия  дар ҳоли рушд мебошанд. Маҳсулоти тайёркардаи ин гуна устоҳо ниёзмандони зиёд дорад. Аз ҷумла, танӯр дар ноҳия бо сифати баланд омода мешавад.
Бо мақсади ҳавасмандгардонии аҳолӣ ҷиҳати истеҳсоли молҳои ниёзи мардум дар хона ва рушди ҳунарҳои мардумӣ аз 1 январи соли 2018 фурӯши чунин молу мавод аз пардохти ҳамаи намудҳои андоз озод карда шуд. Ҳунармандони ноҳия аз ин иқдоми неки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дилгарм гардида, фаъолияти худро  дар ин самт дучанд карда истодаанд. Зеро илму фан ва техникаву технология хеле пеш рафта бошад ҳам, вале талабот ба маҳсулоти дастӣ ва ҳунарҳои миллӣ боқист.
Фирӯз БОҚӢ, сармуҳаррири ҳафтавори «Паёми Спитамен»


Баёни ақида (0)    Санаи нашр: 12.04.2018    №: 73    Мутолиа карданд: 407

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед