logo

иҷтимоиёт

ҶАВОНОН. АВЛАВИЯТ БА ОМӮЗИШИ ИЛМ

Ҷавонон ҳамчун неруи созандаву пешбарандаи ҷомеа ва насли ояндасоз ҳамеша мавриди таваҷҷуҳ ва дастгириҳои роҳбарияти олии кишвар қарор доранд. Тайи солҳои Истиқлолияти давлатӣ ба хотири камолоти ҷавонон садҳо иншооти фарҳангӣ-фароғатӣ, майдону толорҳои варзишӣ ва беш аз 2500 муассисаи таълимӣ бунёду азнавсозӣ шуда, бо таҷҳизоти муосир таъмин гаштанд, ки   ин далели ғамхориҳои рӯзафзуни Ҳукумати мамлакат мебошад.
Басо хушоянд аст, ки дар ҷавоб ба ин ғамхориҳо ҷавонони худшиносу худогоҳ дар боло бурдани сатҳи зиндагии мардум  ва ба мамлакати мутараққӣ табдил додани Тоҷикистони азизамон саҳми назаррас мегузоранд.  Вале, мутаассифона, ҷавононеро низ вомехӯрем, ки бо сабаби аз гузаштаи пурғановати миллати худ огаҳии комил надоштан рӯ ба фарҳанги ғайр меоваранд. Ва, ба гумони ғолиб, яке аз сабабҳои ин истифодаи ғайримақсадноки сомонаҳои интернетӣ мебошад. Зеро баъзеи онҳо ба ҷои омӯзиш ва сайқал додани донишҳои хеш  соатҳои дароз андармони суҳбату бозиҳои интернетӣ гашта, вақтро, ки басо қимату гарон аст, беҳуда сарф менамоянд. Ҳол он ки интернет, ки яке аз ихтирооти бузурги инсоният ба ҳисоб меравад, пеш аз ҳама, бояд барои васеъ намудани ҷаҳонбинӣ ва мукаммал гардондани дониш истифода шавад. Пас, моро зарур аст, ки чунин ҷавононро аз ин роҳи нодуруст баргардонда, дар замири онҳо муҳаббат ба донишандӯзиро бедор созем. Ва дар ин амри хайр на танҳо аҳли маориф, балки тамоми қишри ҷомеа бояд саҳм бигирад. Аз ин рӯ, дар мактабҳо ва дигар ҷойҳои ҷамъиятӣ  ба воситаи ҷавонони фаъолу ҳушманд, ки мавриди эътирофи ҷомеаанд, мунтазам баргузор намудани суҳбатҳо ё чорабиниҳои илмӣ-фарҳангӣ ба манфиати кор хоҳад буд. Дар онҳо бояд, қабл аз ҳама, ҷавононро ба фахр кардан аз дастовардҳои тамаддунофари  миллати тоҷик даъват намуд. Зеро тӯли беш аз ҳазор сол фарзандони фарзонаи миллатамон дар пешрафту тараққиёти соҳаҳои гуногуни иҷтимоӣ нақши бориз гузоштаанд. Асарҳои безаволи Борбади Марвазӣ, Абуабдуллоҳи Рӯдакӣ, Ҳаким Фирдавсӣ, Абуалӣ ибни Сино, Умари Хайём, Мавлоно Ҷалолуддини Балхӣ, Камоллидини Беҳзод, Саъдии Шерозӣ, Абдураҳмони Ҷомӣ, Абдулқодири Бедил, Муҳаммад ал-Хоразмӣ, Абурайҳон Берунӣ ва садҳои дигар, ки то ба ҳол роҳнамо ва раҳкушои инсониятанд, далели ин гуфтаҳоянд.
Ҷавонони мо бояд дарк созанд, ки омӯзиши мероси бойи ниёгонамон ва андухтани илмҳои муосир боиси рушду нумуи онҳо хоҳад гашт ва барои ин Ҳукумати мамлакат тамоми шароитҳоро муҳайё кардааст. Танҳо аз ҷониби онҳо саъю кӯшиш мебояд, чунонки Сарвари давлат Эмомалӣ Раҳмон зимни ироаи Паём ба Маҷлиси Олӣ (22 декабри соли 2017) иброз доштанд: «Дар ин раванд зарур аст, ки минбаъд худи ҷавонон ташаббускори амалҳои созанда бошанд, дастовардҳои илмиву   эҷодии худро сари вақт муаррифӣ созанд, ба муқобили зуҳуроти номатлуб мубориза баранд, зиракии сиёсиро аз даст надода, дар ҳифзи амнияти ҷомеа ва давлат омода бошанд, таъриху фарҳанги халқамонро гиромӣ доранд ва барои ободиву пешрафти минбаъдаи Ватанамон саъю кӯшиш намоянд».
Диловаршо ҒИЁСОВ, 
омӯзгори муассисаи таҳсилоти миёнаи умумии № 59,
деҳаи Заркамари ноҳияи Файзобод


Баёни ақида (0)    Санаи нашр: 16.04.2018    №: 75    Мутолиа карданд: 407

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед