logo

номаҳо

СУГАТ. АГАР МАСЪУЛОН ДАСТГИРӢ МЕКАРДАНД…

Пули дарёчаи Арчакапаи Ҷамоати деҳоти Сурхоби ноҳияи Лахш, ки дар самти роҳи деҳаи Сугат ба маркази ноҳия қарор дорад, қариб ҳар сол бо сабаби баланд шудани сатҳи об валангор гардида, рафтуомади мо - сокинонро ба марказ ва деҳоти дигари ноҳия қатъ месозад.
Дар маҷмӯъ қариб 9 километр роҳ то мавзеи номбурда хароб буда, дар он ҳаракати мошинҳо ниҳоят мушкил аст. Ҳарчанд бо заҳмати мардум ва дастгирии роҳбарияти ноҳия пули муваққатӣ сохта мешавад, аммо аз сабаби ноустуворӣ он боз вайрон мегардад. Соли гузашта низ дар натиҷаи фуромадани сел беш аз 200 метр роҳи мошингузари байни кӯпруки Арчакапа ва шоҳроҳи Душанбе – сарҳади Қирғизистон пурра хароб гардид.
Наздики як сол боз молҳои ниёзамонро бо ранҷу машаққати зиёд ба ҷойи даркорӣ мерасонем. Рӯзҳои боронӣ дар ин роҳи вайрона ҳаракат кардан имкон надорад. Сари вақт ба шифохона расондани беморон низ аз ин макон имконнопазир аст. Қариб 130 хонавода аз надоштани роҳи дуруст барои рафтуомад ва кашондани молу маҳсулот дар мавзеи номбурда мушкилӣ мекашанд.
Дар баробари ин, набудани роҳи обод борҳо мӯҷиби дар анборҳо пӯсида рафтани меваю сабзавот гашта, меҳнати шабонарӯзии мо - бошандагони ин деҳаро ба боди фано додааст. Бинобар ин, чанд сол аст, ки ҳазорҳо гектар замини ҳосилхези минтақаи Сугати ноҳия - яке аз беҳтарин ҷойҳои зироаткорию чорводорӣ бекор хобидаанд. Дар минтақаи номбурда зиёда аз 2 ҳазор гектар замини кишоварзӣ мавҷуд аст. Вале айни замон ҳамагӣ дар 140 гектари он зироат кишт мешавад.
Мавзеи Сугат барои рушди соҳаи кишоварзӣ, хусусан картошкапарварӣ, обу хоки муосид ва заминҳои васеъ дошта, дар ҳолати сохта шудани роҳи мошингузар ва беҳбудӣ ёфтани ҳаракати воситаҳои нақлиёт дар ин ҷо баробари аз байн рафтани мушкилиҳо майдонҳои киштбоб мавриди истифодаи деҳқонон қарор мегиранд. Тадриҷан боғоту киштзорҳои нав ташкил ёфта, ба афзоиши истеҳсоли меваю сабзавот ва зироати дигар такон мебахшанд. Ҳамчунин, ин мавзеъ беҳтарин макони чорводорист. Барзгарон дар минтақаи Сугат назар ба гӯшаҳои дигари ноҳия ҳосили аз ҳама баланди картошка мегиранд. Аксари заминҳои кишти бошандагони деҳаҳои Себзор, Озодагон ва Сугат дар мавзеи номбурда ҷойгиранд. Онҳо алъон ҳайронанд, ки ба кадом роҳ ба сари замини кишташон трактор баранд ва ё тухмию пору кашонанд. Мехоҳем, ки ин мушкили чандсолаи хешро тавассути рӯзномаи «Ҷумҳурият» - нашрияи расмии Ҷумҳурии Тоҷикистон ба иттилои масъулон расонем, то онҳо ақаллан бидонанд, ки моро чӣ дарде домангир аст. Агар роҳбарони масъул моро дастгирӣ мекарданд, мушкил то ба ин ҳад вазнин намегардид.
Тайи чанд соли охир роҳҳои марказии ин минтақаи дурдаст то ба сатҳи байналмилалӣ таъмиру таҷдид гардиданд. Бовар дорем, ки ин мушкили кӯчак низ дар ояндаи наздик ҳалли худро меёбад
Ориф ТОИРОВ,
сокини деҳаи Сугати ноҳия Лахш


Баёни ақида (0)    Санаи нашр: 30.04.2018    №: 85    Мутолиа карданд: 1446

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед