logo

фарҳанг

КОНИБОДОМ. АВЛАВИЯТ БА ҲИФЗИ ЁДГОРИҲОИ ТАЪРИХӢ

Ёдгории таърихию меъморӣ - Мадрасаи Ойим, ки дар шаҳри Конибодом ҷойгир аст, бо дастгирии мақомоти иҷроияи ҳокимияти давлатии шаҳр, Ташкилоти ҷамъиятии «Имдоди Ғайрат» ва маблағгузории  Сафорати ИМА таъмир мегардад.

Бинобар иттилои Бурҳониддин Ҷабборӣ, мудири шуъбаи фарҳанги шаҳри Конибодом, барои таъмир беш аз 77 ҳазор доллари амрикоӣ пешбинӣ шудааст. Тибқи лоиҳа ин маблағ бояд дар 4 марҳила ҷудо гардад. Марҳилаи аввали он аллакай анҷом пазируфт. Ҳоло марҳилаи дувуми таъмир идома дорад. То имрӯз боми мадраса аз таъмир бароварда шуда, корҳои таъмирӣ дар ду масҷид ва саҳни он идома доранд. Тибқи нақша то охири соли 2019 Мадрасаи Ойим бояд пурра аз таъмир бароварда шавад.
Он дар роҳи қадимаи Конибодом – Қуқанд, самти роҳи деҳаи Патар, воқеъ аст. Мадраса хеле бузург буда, аз 27 ҳуҷра ва ду масҷиди калон иборат мебошад. Ба иттилои Шералӣ Хоҷаев, сардори шуъбаи ҳифз ва истифодаи мероси таърихию фарҳангии Вазорати фарҳанг, Мадрасаи Ойим ёдгории асрҳои 16 – 17 буда, дар заминаи мадрасаи пешин, ки дар ҳамин мавзеъ мавҷуд буд, сохта шудааст. Баъдтар аз сабаби фарсуда шуданаш зани сарватманди маҳаллӣ онро, ки аслан барои таълими занон пешбинӣ шуда буд, таъмиру бозсозӣ менамояд. Дар натиҷа мадраса номи Ойимро мегирад.
Мадрасаи мазкур, ки нахустин маркази илмию таълимӣ барои занону духтарон дар Тоҷикистон ба шумор меравад, ҳамчун ёдгории таърихии аҳамияти ҷумҳуриявидошта ба қайд гирифта шуда, соли 2015 аз ҷониби ЮНЕСКО ба феҳристи силсилаи ёдгориҳои таърихию меъмории  ҳавзаи  Сирдарё  шомил гардидааст.
Шералӣ Хоҷаев иқдоми пешгирифтаи мақомоти иҷроияи маҳаллии ҳокимияти давлатии шаҳри Конибодомро, ки бо мақсади ҳифзи мероси ниёгон ва рушди соҳаи сайёҳӣ нигаронда шудааст, саривақтӣ ва ҳатто барои дигар мақомоти иҷроияи маҳаллии ҳокимияти давлатии шаҳру навоҳии кишвар намунаи ибрат медонад.
- Дар иҷрои  аксари бандҳои «Барномаи давлатии ҳифзи мероси таърихию фарҳангӣ барои солҳои 2012 - 2020» мақомоти маҳаллӣ барои таъмиру тармими ёдгириҳои  дар ҳудуди маҳаллаашон буда  муваззафанд. Аммо, мутаассифона, на ҳама мақомот барои таъмиру барқарорсозӣ иқдом мегиранд, ки ин боиси пурра иҷро нагардидани барнома ва таъмирталаб боқӣ мондани ёдгориҳо мегардад. Итминон дорем, ки баъди пурра таъмир шудан, ин ёдгории таърихӣ ба макони тамошобоби сайёҳӣ табдил меёбад, - мегӯяд Ш. Хоҷаев.
Фарзона ФАЙЗАЛӢ, “Ҷумҳурият”


Баёни ақида (0)    Санаи нашр: 03.05.2018    №: 87    Мутолиа карданд: 140

16.08.2018


Рӯзноманигорони ӯзбек меҳмони Тоҷикистон

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе


Дар сомонаҳои дигари Тоҷикистон хонед