logo

маориф

ОЛИМПИАДА. ХОНАНДАГОНИ МАКТАБҲОИ ДУШАНБЕ ПЕШСАФАНД

Олимпиадаи даставӣ байни хонандагони мактабҳои президентӣ ва литсейҳо барои хонандагони болаёқат аз фанҳои табиӣ - риёзӣ дар мактаби байналмилалии президентии шаҳри Душанбе доир гардид. Дар он 233 хонанда иштирок кард, ки 43 нафари он сазовори ҷойҳои  намоён гаштанд.
Тибқи иттилои Хуршед Каримов, муовини директори Маркази ҷумҳуриявии дарёфт ва рушди истеъдодҳои назди Вазорати маориф ва илм, дар ҷамъбасти олимпиада дастаи хонандагони Литсей барои хонандагони болаёқат дар шаҳри Душанбе  бо гирифтани 17 ҷойи ифтихорӣ  (5 медали тилло,  5 нуқра ва 7 биринҷӣ) сазовори  ҷойи якум шуданд.
Дар ин радиф, Мактаби президентӣ барои хонандагони  болаёқат дар ноҳияи Данғара бо гирифтани 6 ҷойи ифтихорӣ (3 медали тилло, 1 нуқра ва 2  биринҷӣ) сазовори ҷойи дуюм, Литсей - интернати президентӣ барои хонандагони болаёқати шаҳри Душанбе бо гирифтани 4 ҷойи ифтихорӣ (1 медали тилло ва 3 биринҷӣ) соҳиби  ҷойи сеюм гаштанд.
Ҳамзамон, хонандагони Мактаби президентӣ барои хонандагони болаёқат дар шаҳри Бӯстон сазовори 3 ҷойи ифтихорӣ (1 медали тилло ва 2 биринҷӣ), Литсей барои хонандагони болаёқати равияи иқтисодии шаҳри Душанбе сазовори 3 ҷойи ифтихорӣ (1 медали нуқра ва 2 биринҷӣ) гардиданд. Хонандагони муассисаҳои таълимии дигар шаҳру навоҳии кишвар мутаносибан аз як то ду медал ба даст оварданд.
Ғолибони олимпиадаҳои ҷумҳуриявӣ бо ҷом, медалҳо, ифтихорнома ва туҳфаҳои хотиравии Вазорати маориф ва илми Ҷумҳурии Тоҷикистон қадр шуданд.
- Вазорати маориф ва илм дар самти дарёфту рушди истеъдодҳо ва таҳкими ҳаракати олимпӣ мунтазам тадбирҳои судманд андешида, барои ташаккули тафаккури мантиқии хонандагон заминаи мусоид фароҳам меорад, - изҳор дошт Х. Каримов.
Бино ба гуфтаи масъулони Вазорати маориф ва илм, хонандагоне, ки сазовори ҷойҳои 1, 2 ва 3 гаштаанд, ҳангоми супурдани имтиҳонҳои Маркази миллии тестӣ соҳиби 100, 75 ва 50 холи (бонус) иловагӣ гардиданд. Ин имконият медиҳад, ки ғолибони олимпиада бо ҷамъи холҳои аз имтиҳон бадастоварда ва холҳои иловагӣ донишҷӯи мактабҳои олии мамлакат гарданд.

Раҳматулло КАРИМОВ,
“Ҷумҳурият”


Баёни ақида (0)    Санаи нашр: 10.05.2018    №: 91    Мутолиа карданд: 699
08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ


Дар сомонаҳои дигари Тоҷикистон хонед