logo

қонунҳои ҶТ

Қонуни Ҷумҳурии Тоҷикистон Оид ба ворид намудани тағйиру илова ба Қонуни Ҷумҳурии Тоҷикистон «Дар бораи ҳифзи ҳавои атмосфера»

Моддаи 1. Ба Қонуни Ҷумҳурии Тоҷикистон аз 1 феврали соли 1996 «Дар бораи ҳифзи ҳавои атмосфера» (Ахбори Маҷлиси Олии Ҷумҳурии Тоҷикистон с. 1996, № 3, мод. 53; с. 1997, № 23-24, мод. 333; с. 2007, № 5, мод. 370) тағйиру иловаҳои зерин ворид карда шаванд:
1. Дар тамоми матни Қонун калимаи «Фасли» ба калимаи «Боби» иваз карда шуда, бобҳо ва қисмҳо бо рақамҳои арабӣ ишора карда шаванд.
2. Номи Фасли 1 дар таҳрири зерин ифода карда шавад:
«Боби 1. Муқаррароти умумӣ»
3. Дар ном ва матни моддаи 1 калимаҳои «Вазифаи қонунҳо оид ба ҳифзи ҳавои атмосфера» ба калимаҳои «Мақсад ва вазифаи Қонуни мазкур» иваз карда шаванд.
4. Ба Қонун моддаи 11 бо мазмуни зайл илова карда шавад:
«Моддаи 11. Мафҳумҳои асосӣ
Дар Қонуни мазкур мафҳумҳои асосии зерин истифода мешаванд:
-атмосфера –қабати газҳое, ки заминро иҳота карда, асосан аз нитроген, оксиген ва ба миқдори кам аз гази карбонат ва озон иборат аст;
-консентратсияи ҳадди ҷоиз –миқдори моддаҳои зарарнок, ки бо меъёри қонунӣ ё аз ҷониби мақомоти ваколатдори давлатӣ муқаррар карда шудааст ва ба саломатии инсон, муҳити зист, олами наботот ва ҳайвонот зараровар нест;
-қабати азонӣ –қабати атмосферие, ки байни баландии 7-8 километр дар қутбҳои замин, дар экватор 17-18 километр ва дар рӯи сайёра бо зичии зиёд дар баландиҳои 20-22 километр аз сатҳи замин воқеъ гардида, шуоъи ултрабунафши барои мавҷудоти зинда ҳалокатовари кайҳониро аз худ намегузаронад.».
5. Моддаи 2 дар таҳрири зайл ифода карда шавад:
«Моддаи 2. Қонунгузории Ҷумҳурии Тоҷикистон дар бораи ҳифзи ҳавои атмосфера
Қонунгузории Ҷумҳурии Тоҷикистон дар бораи ҳифзи ҳавои атмосфера ба Конститутсияи (Сарқонуни) Ҷумҳурии Тоҷикистон асос ёфта, аз Қонуни мазкур, дигар санадҳои меъёрии ҳуқуқии Ҷумҳурии Тоҷикистон, инчунин санадҳои ҳуқуқии байналмилалие, ки Тоҷикистон онҳоро эътироф намудааст, иборат мебошад.».
6. Дар моддаи 3 ва дар тамоми матни Қонун сархатҳо бо аломати дефис (-) ишора карда шуда, калимаи «байналхалқӣ» ба калимаи «байналмилалӣ», калимаҳои «қонунҳо оид ба ҳифзи ҳавои атмосфера» ба калимаҳои «қонунгузорӣ оид ба ҳифзи ҳавои атосфера» ва калимаҳои «муҳити табии зист» ба калимаҳои «муҳити зист» иваз карда шаванд.
7. Дар қисмҳои якум, дуюм ва сеюми моддаи 8 калимаҳои «мақомоти давлатии махсус ваколатдор» ба калимаҳои «мақомоти ваколатдори давлатӣ» калимаҳои «Вазорати ҳифзи табиати Ҷумҳурии Тоҷикистон» ба калимаҳои «Кумитаи ҳифзи муҳити зисти назди Ҳукумати Ҷумҳурии Тоҷикистон» ва калимаҳои «мақомоти давлатии оид ба ҳифзи ҳавои атмосфера махсус ваколатдорро» ба калимаҳои «мақомоти ваколатдори давлатиро» иваз карда шаванд.
8. Дар номи Фасли 2, ном ва матни моддаи 9 калимаҳои «вазифаҳои» ва «вазифадоранд» мутаносибан ба калимаҳои «ӯҳдадориҳои» ва «ӯҳдадоранд» ва дар сархати чоруми қисми сеюм ва минбаъд дар тамоми матни Қонун калимаҳои «талофии» ва «талофӣ» мутаносбан ба калимаҳои «ҷуброни» ва «ҷуброн» иваз карда шаванд.
9. Дар моддаи 10:
-қисми дуюм дар таҳрири зайл ифода карда шавад:
«2. Мақомоти иҷроияи маҳаллии ҳокимияти давлатӣ ва мақомоти ваколатдори давлатӣ оид ба ҳифзи ҳавои атмосфера, шахсони мансабдори онҳо ӯҳдадоранд дар кори ташкили ҳифзи ҳавои атмосфера ба шаҳрвандон ва ташкилотҳои ҷамъиятӣ ҳамаҷониба мусоидат карда, пешниҳоду талаботи онҳоро оид ба масъалаи мазкур сари вақт баррасӣ намоянд.»;
-дар қисми сеюм калимаҳои «мувофиқи қонунҳои ҷории» ба калимаҳои «тибқи тартиби муқаррарнамудаи қонунгузории» иваз карда шаванд.
10. Дар моддаи 11:
-қисми шашум дар таҳрири зайл ифода карда шавад:
«6. Ҳангоми иҷро накардани талаботи меъёрҳои моддаи мазкур партофтани моддаҳои ифлосро ба атмосфера бояд маҳдуд карда, боздошта ва ё манъ намуда, дар ҳолатҳои зарурӣ фаъолияти шахсони воқеӣ ва ҳуқуқӣ (аз ҷумла корхонаҳои комплекси саноати ҳарбӣ) тибқи тартиби муқаррарнамудаи Қонуни мазкур қатъ карда шавад.»;
-дар қисми ҳаштум калимаҳои «мақомоте, ки ба ҳифзи ҳавои атмосфера назорат мебаранд» ба калимаҳои «мақомоти ваколатдори давлатӣ оид ба ҳифзи ҳавои атмосфера» иваз карда шаванд.
11. Дар қисми дуюми моддаи 13 баъди калимаи «мақомоти» калимаи «ваколатдори» илова карда шавад.
12. Дар моддаи 14:
- қисми дуюм дар таҳрири зайл ифода карда шавад:
«2. Шахсони воқеӣ ва ҳуқуқӣ вазифадоранд, ки дар пешгирӣ аз таъсири зараровари садо, лазиш, майдонҳои электромагнитӣ, нурпошӣ ва дигар манбаъҳо ба муҳити зист ва саломатии инсон тадбирҳои зарурӣ андешанд.»;
-дар сархати дуюми қисми панҷум калимаҳои «аэродрому аэропортҳо», ба калимаи «фурудгоҳҳо» иваз карда шаванд;
-дар қисми шашум калимаҳои «манзили истиқоматӣ» иваз карда шаванд.
13. Дар моддаи 17:
- « -ҷумлаи якуми қисми якум дар таҳрири зайл ифода карда шавад:
«Маблағгузории барномаҳо ва тадбирҳо оид ба ҳифзи ҳавои атмосфера аз ҳисоби манбаъҳои зерин амалӣ карда мешаванд.»;
-сархати сеюми қисми якум дар таҳрири зерин ифода карда шавад:
-«-қарзҳои (кредитҳои) бонкӣ ва грантҳо;
-дар сархати чоруми қисми якум калимаҳои «шахсони юридикию шаҳрвандон» ба калимаҳои «шахсони воқеӣ ва ҳуқуқӣ» иваз карда шаванд;
-дар қисми дуюм калимаҳои «Маблағҳои пулӣ» ба калимаи «Маблағҳо» иваз карда шаванд.
14. Дар сархати сеюми моддаи 18 калимаи «авариявӣ» ба калимаи «садамавӣ» иваз карда шавад.
15. Дар қисми сеюми моддаи 19 калимаи «методикаҳое» ба калимаи «усулҳое» иваз карда шавад.
16. Дар қисми якуми моддаи 20 калимаи «методикаи» ба калимаи «усули» ва калимаҳои «мақомоти давлатии оид ба ҳифзи табиат ва тандурустӣ махсус ваколатдор» ба калимаҳои «мақомоти ваколатдори давлатӣ» иваз карда шаванд.
17. Дар қисми якуми моддаи 22 калимаҳои «мувофиқи Қонуни Ҷумҳурии Тоҷикистон «Дар бораи ҳифзи табиат» ба калимаҳои «Мувофиқи Қонуни Ҷумҳурии Тоҷикистон «Дар бораи экспертизаи экологӣ» иваз карда шаванд.
18. Дар номи Фасли 6 калимаи «навъҳои» ба калимаи «намудҳои» иваз карда шавад.
19. Дар моддаи 26:
-дар қисми якум калимаи «Ташкилоту корхонаҳо, муассисаҳо ва шаҳрвандон» ба калимаҳои «Шахсони воқеӣ ва ҳуқуқӣ» иваз карда шаванд;
-дар қисми дуюм калимаи «мақомоти давлатии махсус ваколатдор» ба калимаҳои «мақомоти ваколатдори давлатӣ» иваз карда шаванд.».
20. Дар қисми дуюми моддаи 28 калимаи «Ҳукумат» ба калимаҳои «Ҳукумати Ҷумҳурии Тоҷикистон» иваз карда шавад.
21. Ба Қонун боби 8 бо мазмуни зайл илова карда шавад:
«Боби 8. Ҳамкории байналмилалӣ дар соҳаи ҳифзи ҳавои атмосфера.
Моддаи 311. Принсипҳои ҳамкории байналмилалӣ дар соҳаи ҳифзи ҳавои атмосфера
Ҷумҳурии Тоҷикистон ҳамкории байналмилалиро дар соҳаи ҳифзи ҳавои атмосфера амалӣ намуда, принсипҳои риояи бехатарии байниҳамдигариро оид ба таъмини шароити мусоид барои зисти инсон, олами наботот ва ҳайвонот, муҳити зист мутобиқи стандартҳои байналмилалии ин соҳа ба роҳбарӣ мегирад.
«Моддаи 312. Фаъолияти шахсони воқеӣ ва ҳуқуқии хориҷӣ дар соҳаи ҳифзи ҳавои атмосфера дар Ҷумҳурии Тоҷикистон
Фаъолияти шахсони воқеӣ ва ҳуқуқии хориҷӣ дар соҳаи ҳифзи ҳавои атмосфера дар Ҷумҳурии Тоҷикистон бо риояи меъёрҳои қонунгузории Ҷумҳурии Тоҷикистон ва санадҳои ҳуқуқии байналмилалие, ки Тоҷикистон онҳоро эътироф намудааст, амалӣ карда мешавад.».
22. Фаслҳои 8 ва 9 дар таҳрири зайл ифода карда шаванд:
«Боби 9. Муқаррароти хотимавӣ
Моддаи 32. Тартиби баррасии баҳсҳо оид ба масъалаҳои ҳифзи ҳавои атмосфера
Баҳсҳо оид ба масъалаҳои ҳифзи ҳавои атмосфера аз ҷониби суд ҳал карда мешаванд.
Моддаи 33. Ҷавобгарӣ барои риоя накардани талаботи Қонуни мазкур
Шахсони воқеӣ ва ҳуқуқӣ барои риоя накардани талаботи Қонуни мазкур
Шахсони воқеӣ ва ҳуқуқӣ барои риоя накардани талаботи Қонуни мазкур бо тартиби муқаррарнамудаи қонунгузории Ҷумҳурии Тоҷикистон ба ҷавобгарӣ кашида мешаванд.».

Моддаи 2. Тартиби мавриди амал қарор додани Қонуни мазкур
Қонуни мазкур пас аз интишори расмӣ мавриди амал қарор дода шавад.

Президенти Ҷумҳурии Тоҷикистон     Эмомалӣ РАҲМОН
ш. Душанбе, 16 октябри соли 2009, № 557 

Қарори Маҷлиси намояндагони
Маҷлиси Олии Ҷумҳурии Тоҷикистон

 Дар бораи қабул намудани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон
«Дар бораи ҳифзи ҳавои атмосфера»
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳифзи ҳавои атмосфера» қабул карда шавад.

Раиси Маҷлиси намояндагони Маҷлиси
Олии Ҷумҳурии Тоҷикистон   С. ХАЙРУЛЛОЕВ
ш. Душанбе, 1 октябри соли 2009, № 1401

Қарори Маҷлиси миллии
Маҷлиси Олии Ҷумҳурии Тоҷикистон

Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳифзи ҳавои атмосфера» баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳифзи ҳавои атмосфера» ҷонибдорӣ карда шавад.

Раиси Маҷлиси миллии Маҷлиси
Олии Ҷумҳурии Тоҷикистон   М. УБАЙДУЛЛОЕВ
ш. Душанбе, 3 октябри соли 2009, № 686


Баёни ақида (0)    Санаи нашр:    №:    Мутолиа карданд: 874

26.02.2020


ҲАМОИШИ МУҲИМ ДАР КУМИТАИ ДАВЛАТИИ САРМОЯГУЗОРӢ ВА ИДОРАИ АМВОЛИ ДАВЛАТӢ

ДАНҒАРА – МИЗБОНИ ФЕСТИВАЛИ ФАРҲАНГИИ ҶАВОНОНИ ХОРИҶӢ

КИШОВАРЗӢ. НЕСТ КАРДАНИ ТУХМИИ ВАТАНӢ ХАТОИ НОБАХШИДАНИСТ

МАЪЮБОН КОРХОНАИ ҲАМРОЗ ДОРАНД

RABAT GRAND PRIX 2020. ТОҶИКИСТОНРО 7 ПАҲЛАВОН МУАРРИФӢ МЕКУНАД

25.02.2020


САФАРИ РАСМИИ СИРОҶИДДИН МУҲРИДДИН БА РОССИЯ

БАРРАСИИ МАСОИЛИ ТАЪСИСИ КОРХОНАҲОИ НАВИ САНОАТӢ

ДИД. БАРГУЗОРИИ ҲАМОИШИ МАЪРИФАТИЮ ТАРБИЯВӢ

ВАҲДАТ БА ИНТИХОБОТ ОМОДА АСТ

СУҒД. ФЕСТИВАЛИ ВИЛОЯТИИ "АТЛАСУ АДРАС" ТАНТАНА ДОРАД

"ИШҚИ МИНӮӢ" - И КАМОЛ БО ЗАБОНИ ОЛМОНӢ

МУБОРИЗА БАР ЗИДДИ МАЛАХ. ҶАЛАСАИ СИТОДИ ҶУМҲУРИЯВӢ

ГӮШТӢ. МУСОБИҚАИ ИНТИХОБИИ ОЛИМПӢ ДАР БИШКЕК ДОИР МЕШАВАД

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР


Дар сомонаҳои дигари Тоҷикистон хонед