logo

сиёсат

ОБОДКОРӢ ҲАМ ИБОДАТ АСТ

Дар ҳошияи суханронии Cарвари давлат муҳтарам Эмомалӣ Раҳмон дар мулоқот бо намояндагони ҷомеаи кишвар

Мулоқот ва суханронии навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо аҳли ҷамоатчигии кишвар дар арафаи фарорасии моҳи шарифи Рамазон бамаврид ва саривақтӣ сурат гирифт.

Сарвари давлат бо овардани бурҳону далелҳои муътамад, ки аз  ояҳои қуръонӣ ва ҳадисҳои Паёмбар (с) маншаъ мегиранд, бамаврид фармуданд:  «Дар моҳи шарифи Рамазон, ки Офаридгор дар каломи осмонии худ онро айёми иҷобати дуо, қабули тавба ва амалҳои хайру савоб донистааст, мардуми мо кӯшиш мекунад, ки фазилатҳои парҳезу накукориро бештар риоя кунанд, аз аъмоли зишт худдорӣ кунанд, ба аёдати падару модарони худ ва беморону ранҷурон раванд ва шахсоне, ки тавону имконашон бештар аст, ба ятимону маъюбон ва камбизоатону дармондагон дасти мададу ёрмандӣ мерасонанд».
Бо пайравӣ аз ин роҳнамоиҳои Пешвои миллат тайи чанд соли охир вазорату кумитаҳо, ташкилоту муассиса, инчунин, шахсони  саховатпешаи кишвар кумакҳои хайриявиро пайваста ба оилаҳои камбизоат ва хонаи пиронсолону маъюбон мерасонанд. Кӯшишҳои Сарвари давлат  дар ин самт пеш аз ҳама ба он равона шудаанд, ки оилаҳои осебпазири ҷомеа ба тадриҷ сатҳу сифати зиндагии худро баланд бардоранд. Тибқи фармудаҳои шариати ислом низ садақаи фитр, набояд ба шахсони дорою ходимони дин, балки пеш аз ҳама ба хешу ақрабои ниёзманд, ятиму нодор, қарздору маъюб ва  мусофир дода шавад.
Дар баробари ин,  дар ин моҳи шариф дар мағозаву бозорҳо аз ҷониби баъзе шахсони беинсоф беасос боло бурдани нарху навои маводи хӯрока ба мушоҳида мерасад. Масалан, чанд рӯз қабл аз оғози моҳи шарифи Рамазон якбора дар баъзе дукону мағозаҳои шаҳри Душанбе гӯшт камёфт гардида, рӯзҳои баъдӣ нархи гӯшти гов аз 36 то ба 39 - 40 сомонӣ боло рафт. Фурӯшандаҳо ин ҳолатро дар кам ворид шудани гӯшт маънидод мекарданд, ки ба ҳақиқат дуруст намеояд, чунки нархи гӯшт дар ҳама шаҳру ноҳияҳои атрофи пойтахт бе тағйир мондааст. Ба ҳамин монанд, нархи баъзе аз анвои меваҷот низ рӯ ба баландшавӣ дорад. Савдогарони бозор андеша намекунанд, ки бо боло рафтани нархи як маҳсулот, хоҳу нохоҳ нархи маҳсулоти дигар низ меафзояд.
Сарвари давлат дар мулоқот ба маврид  зикр карданд, ки дар аксар кишварҳои мусулмонии дунё ба хотири савоби бештар ёфтан дар моҳи шарифи Рамазон ва рӯзҳои ид нарху наво баръакс  поён ва ҳатто ройгон тақсим намудани маводи хӯрока кори маъмулӣ  гардидааст. Чаро мо чунин корро накунем?
Дигар масъалаи доғи рӯз ин хариди зиёди маводи хӯрока дар арафаи идҳо аз ҷониби шаҳрвандон мебошад. Ба ин кор бештар модарону хоҳарон, соҳибхоназанҳо саҳм дошта, баъзан рӯйхати хариди нуқлу наво ва анвои зиёди меваҷот ва обу шарбатҳоро фармоиш дода, ду – се намуди хӯрок омода месозанд ва ба исрофкорӣ роҳ медиҳанд. Дар ҳоле ки метавонанд танҳо аз ҳисоби сарфаи чунин маъракаҳо гӯшае аз рӯзгори худро обод созанд. Аз ҷониби дигар барои худу фарзандон шароити беҳтаре таъмин намоем.
Сарвари давлат дар мулоқот бо аҳли ҷамоатчигии кишвар зикр карданд: «Дар давоми се соли дар пеш истода зарур аст, ки дар ҳар як маҳали аҳолинишин, шаҳраку деҳот ва деҳаҳои калон бунёд ва таъмиру навсозии муассисаҳои томактабӣ, мактабҳои таҳсилоти умумӣ, маркази саломатӣ бо таваллудхонаҳо барои на камтар аз 10-15 кат ва ҳуҷраҳои махсус барои анҷом додани хатна, бунгоҳҳои тиббӣ, майдончаҳои варзишӣ вусъат дода шавад».
Ин гуфтаҳо барои ҳамаи мо як барномаи мукаммали амал барои ободии кишвар, баланд бардоштани некуаҳволии халқ, фароҳам овардани шароити муносиби зиндагӣ барои ҳар сокини кишвар мебошад.
Пас, моро зарур аст, ки дар атрофи Пешвои муаззами худ сарҷамъ гардида, барои амалисозии ин ниятҳои нек ва созанда камари ҳимматро боз ҳам мустаҳкамтар баста, фарҳангофар будани миллати куҳани худро  бори дигар исбот намоем.
Азизулло МИРЗОЗОДА,
муовини раиси Кумитаи оид ба корҳои дин, танзими анъана ва ҷашну маросими миллии назди Ҳукумати ҷумҳурӣ


Баёни ақида (0)    Санаи нашр: 28.05.2018    №: 105    Мутолиа карданд: 175

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед