logo

иқтисод

ОБ. ТАЪМИНОТ БЕҲТАР МЕГАРДАД

Масъалаи бо оби тозаи нӯшокӣ таъмин намудани истифодабарандагон дар шаҳру шаҳракҳо ва деҳоти ҷумҳурӣ  ба салоҳияти Корхонаи воҳиди давлатии “Хоҷагии манзилию коммуналӣ” вогузор шудааст. Корхона дар доираи татбиқи “Барномаи беҳтар намудани таъмини аҳолии Ҷумҳурии Тоҷикистон бо оби тозаи нӯшокӣ барои солҳои 2008 - 2020” тадбирҳои зарурӣ амалӣ намуда истодааст. Алимурод Исломзода, директори генералии корхона, доир ба рафти иҷрои барномаи мазкур ва дурнамои соҳа андешаи худро ба хабарнигори рӯзнома  баён намуд:
- Корхонаҳои обтаъминкунӣ ва канализатсияи тобеи КВД “Хоҷагии манзилию коммуналӣ” бо истифода аз имкониятҳои мавҷуда кӯшиш доранд,  ки талаботи аҳолии кишварро  бо оби тозаи нӯшиданӣ таъмин намоянд. Бо дастгирии бевоситаи Ҳукумати Ҷумҳурии Тоҷикистон баҳри расидан ба ҳадафҳои даҳсолаи қаблӣ, яъне Даҳсолаи байналмилалии амал «Об барои ҳаёт, солҳои 2005 - 2015», дар ҳудуди хизматрасонии корхона як қатор лоиҳаҳои сармоягузорӣ мавриди амал қарор гирифтанд. Ба ҳолати 31 майи соли ҷорӣ 12 лоиҳаи сармоягузорӣ амалӣ шуда истодааст. То имрӯз татбиқи 4 лоиҳаи сармоягузорӣ ба маблағи беш аз 72 миллион доллари ИМА ба охир расид. Лоиҳаҳои мазкур дар шаҳру ноҳияҳои Кӯлоб, Конибодом, Истаравшан,Бохтар, Ваҳдат, Восеъ, Рашт, Данғара, Фархор, Мир Сайид Алии Ҳамадонӣ ва Панҷ роҳандозӣ гардиданд. Мақсад аз татбиқи лоиҳаҳо сохтмон ва таҷдиду барқарорсозии иншооти обтаъминкунӣ, беҳтар намудани сатҳу сифати хизматрасонии обтаъминкунии истифодабарандагон дар шаҳру ноҳияҳои ҷумҳурӣ, таъмини корхонаҳои обтаъминкунӣ бо техникаву таҷҳизоти муосир ва дар маҷмӯъ, беҳтар гардондани шароити дастрасии аҳолӣ ба оби нӯшокӣ ва беҳдошт мебошад.
Баҳри расидан ба ҳадафҳои барномаҳои амалкунандаи соҳа Ҳукумати ҷумҳурӣ ба рушди мунтазам ва пешрафти пайвастаи КВД «Хоҷагии манзилию коммуналӣ» таваҷҷуҳи махсус зоҳир менамояд. Дар ин замина тайи 15 соли охир, яъне солҳои 2004 - 2018 аз ҳисоби Буҷети давлатӣ барои рушди соҳа ба андозаи 100 миллиону 138, 1 ҳазор сомонӣ маблағ ҷудо шудааст. Мавриди зикр аст, ки сол то сол маблағгузорӣ мунтазам афзоиш меёбад.
Ин ҳама аз таваҷҷуҳ ва ғамхориҳои доимии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нисбат ба соҳа башорат медиҳад. Мақсади асосӣ пайваста беҳтар гардондани шароити дастрасии аҳолии ҷумҳурӣ ба оби нӯшокӣ ва ба ҳамин васила таъмини зиндагии шоистаи шаҳрвандони кишвари азизамон мебошад, ки он дар оғози Паёми навбатии Сарвари давлат махсус қайд гардидааст.
Маҷмаи умумии Созмони Милали Муттаҳид  21 декабри соли 2016 қатъномаеро, ки ба барномаи байналмилалии «Об барои рушди устувор, 2018 - 2028» оғоз бахшидааст, бо ҷонибдории 177 давлати аъзои ин созмон  якдилона қабул намуд. Имрӯз моро зарур аст, ки баҳри расидан ба ҳадафҳои даҳсолаи нав дучанд меҳнат намоем ва аз тамоми имкониятҳои мавҷуда босамар истифода барем, то ки ба Ҳадафҳои Рушди Ҳазорсола, яъне ду баробар кам кардани теъдоди одамони ба оби нӯшокӣ ва воситаҳои асосии санитарӣ дастрасӣ надошта, расида бошем.
Итминони комил дорам, ки солҳои минбаъда низ тамоми кӯшишу ғайрати кормандони соҳа ба баланд бардоштани сатҳу сифати хизматрасониҳои коммуналӣ, аз ҷумла таъмини аҳолии ҷумҳурӣ бо оби тозаи нӯшокӣ ва беҳтар гардондани шароити беҳдошти онҳо равона хоҳад гашт. Бо дастгириҳои ҳамешагии Ҳукумати ҷумҳурӣ дар ин ҷода муваффақ хоҳем шуд.
Матлубаи АБДУҚАҲҲОР,
“Ҷумҳурият”


Баёни ақида (0)    Санаи нашр: 07.06.2018    №: 114    Мутолиа карданд: 155

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал

ХАТЛОН. Рафти кишти такрорӣ бад нест, аммо...

Ҷаҳон дар як сатр

Путин зарурати рушддиҳии технологияҳои рақамиро таъкид кард

Ба Афғонистон низомиёни Амороти Муттаҳидаи Араб ва Қатар меоянд


Дар сомонаҳои дигари Тоҷикистон хонед