logo

иҷтимоиёт

ВНМО. САЛОМАТИИ ҲАР ЯК ШАХС ДАР ДАСТИ ХУДИ ӮСТ

Сирояти вируси норасоии масунияти одамро (ВНМО) коршиносон на танҳо мушкили  соҳаи тандурустӣ медонанд, зеро ба иқтисодиёти давлатҳои ҷаҳон низ хисороти зиёд ворид намудааст. Ба гуфти мутахассисони соҳа ин сироят ба одам ба воситаи алоқаи ҷинсӣ, хун, асбобҳои тамйизнашуда  ва аз модар ба кӯдак мегузарад. Мутаассифона, дар кишвари мо низ ин беморӣ, ки ду - се даҳсолаи охир дар миёни мардумамон умуман вуҷуд надошт, мушоҳида мешавад. Ҳарчанд тибқи таҳлилҳои коршиносони Созмони ҷаҳонии тандурустӣ ҳоло он асосан дар байни гурӯҳҳои алоҳида вуҷуд дошта, ба аҳолии умумӣ зиён нарасондааст. 
- Бемории ВНМО - ро бемории вазнин гуфтан ҷоиз нест. Мисли дигар бемориҳо музмин арзёбӣ мегардад. Муҳим он аст, ки он идорашаванда мебошад, - мегӯяд Дилшод Сайбурҳонов, муовини директори Маркази ҷумҳуриявии пешгирӣ ва мубориза бар зиди ВНМО. Тибқи иттилои ҳамсуҳбати мо вақте нафар табобати зиддивирусиро  оғоз карда, бе танаффус давоми 2-3 моҳ доруҳои зиддивирусиро сари вақт истифода менамояд, дар натиҷа шумораи вирусҳо дар буния поин меравад. Ҳатто то ҳадди ноаёнӣ. Ин чунин маъно дорад, ки дар ин ҳолат хатари гузаштани вирус аз бемор ба нафари солим вуҷуд надорад. Илми муосир собит намуда, ки агар сарбории вирусӣ то ҳадди ноаёнӣ поин фарояд, шахс аз нигоҳи  эпидемиологӣ хатарнок нест.
Воқеан, солҳои охир  дар самти  пешгирӣ  ва аз байн бурдани ин беморӣ тибби муосир дастовардҳои зиёд ба даст овардааст. Ин аст, ки соли 2014 аввалин маротиба дар ҷаҳон коҳиш ёфтани шумораи сироятёфтагон ба мушоҳида расид. Ҳатто дар якчанд минтақаи ҷаҳон  барои пурра нобуд намудани он замина ба вуҷуд омад.
Тоҷикистон низ аз ҷумлаи кишварҳоест, ки барои пешгирӣ ва табобати ин беморӣ заминаи мусоид фароҳам овардааст. Масалан, қонунҳои амалкунандаи кишвар ба шахсони бо ВНМО зиндагикунанда табобати зиддиретровирусии ройгонро кафолат додааст. Доруҳои зиддивирусие, ки имрӯз сироятёфтагон истифода мебаранд, аз доруҳои  муосир буда,  ба стандартҳои ҷаҳонӣ ҷавобгӯ мебошанд.
Ба ин хотир, ҳамчунин, «Барномаи миллии оид ба муқовимат  ба эпидемияи вируси норасоии маснуияти одам дар Ҷумҳурии Тоҷикистон барои солҳои 2017 - 2020  қабул гардид, ки ҳадафи  асосии барнома гирифтани пеши роҳи паҳншавии сироят ва кам намудани шумораи сироятёфтагон мебошад. Тибқи барнома ҳоло дар тамоми муассисаҳои тиббӣ утоқҳои алоҳидаи зидди  вируси норасоии масъунияти одам ташкил гардидааст. Дар доираи барнома, ҳамчунин, кормандони соҳаи тиб ба мардуми кишвар ҷиҳати пешгирии сироятёбӣ пайваста корҳои фаҳмондадиҳӣ мегузаронанд.
-Таҳлилҳо нишон медиҳанд, ки дар ин самт баъзе дастовардҳо ба назар мерасад. Дар натиҷаи гузарондани корҳои фаҳмондадиҳӣ, аз  ҷумла зиёд намудани табобати ретровирусӣ шумораи  фавт аз ҳисоби чунин беморон ва аз ҳисоби беморони сил, ки оризаи асосии ВНМО мебошад, коҳиш ёфтааст, - мегӯяд Дилшод Сайбурҳонов.
Ба иттилои мутахассисон ҳоло имкон дорад аз модаре, ки гирифтори вируси норасоии масъунияти одам аст, тифли солим ба дунё ояд.
Умия Исматова, табиби таваллудхонаи № 1 - и шаҳри Душанбе дар робита ба ин масъала гуфт: «Барои дарёфти модарони гирифтори ВНМО ва пешгирии вирус аз модар ба кӯдак,  аз соли 2002 тамоми занҳои ҳомиладор дар марҳилаи аввали ҳомиладорӣ аз ташхис гузаронда мешаванд. Зеро ҳангоме ки модари гирифтори ВНМО табобати зиддиретровирусӣ мегирад, хатари гузариши вирус аз модар ба кӯдак то ҳадди  ниҳоӣ кам мешавад. Барои солим ба дунё омадани тифл кӯшиш мекунем, ин занон бо роҳи буриши қайсарӣ (ҷарроҳӣ) таваллуд кунанд. Ин кӯдакон ба ғизои ивазкунандаи шири модар  таъмин мешаванд. Зеро эҳтимоли гузариши ВНМО аз шири модар ба кӯдак вуҷуд дорад». 
Ба муҳоҷирони меҳнатӣ, ки ВНМО миёни онҳо бештар ба назар мерасад, дар навоҳии кишвар утоқҳои дӯстона ташкил шудаанд. Дар он мутахассион  ба муҳоҷирон ва оилаҳои онҳо ҷиҳати пешгирӣ аз ВНМО корҳои фаҳмондадиҳӣ мегузаронанд. Ҳамчунин 3 дармонгоҳи мобилӣ дар асоси нақлиёти сайёр ташкил шудааст. Ин нақлиёт ҳар моҳ як маротиба  ба ноҳияҳои кишвар сафар намуда, ба беморон ройгон хизмат мерасонад. Ҳамаи ин тадбирҳо, албатта баҳри ҳимояи мардум аз ВНМО роҳандозӣ гардидааст. Аммо ин чунин маъно надорад, ки бояд бепарвоёна ва ё бо таваккал зиндагӣ кунем. Зарур аст ба ҳангоми ворид шудан ба марказҳои хизматрасонии маишӣ, аз ҷумла кошонаи ҳусн, сартарошхона, ҳуҷраҳои косметалогӣ ва дигар марказҳое, ки хатари сироятёбӣ таҳдид мекунад, эҳтиёт шуд. Ҳатто ҳангоми беморхона рафтан, ҳатман бояд, ки аз табиб  тамиз шудани асбобҳои тиббиро талаб намуд. Саломатии ҳар як шахс дар дасти худи ӯст, нисбат ба он набояд бепарво бошем.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 26.06.2018    №: 125    Мутолиа карданд: 227

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед