logo

фарҳанг

"ҶУМҲУРИЯТ". РЕШАПАЙВАНД БО ХАЛҚУ ВАТАН

Дар Қасри Арбоб, ки барои халқи тоҷик ҳамчун маҳали зуҳури Пешвои муаззами миллат ва Кохи сулҳу ваҳдат гаронмоя аст, гузарондани ҷамъбасти озмуни Нашрияи расмии Ҷумҳурии Тоҷикистон - рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Суғд ва ноҳияи Бобоҷон Ғафуров бахшида ба 21 - солагии Рӯзи Ваҳдати миллӣ ва ба хотири гиромидошти Қаҳрамони Тоҷикистон Бобоҷон Ғафуров дар журналистикаи муосири тоҷик падидаи бесобиқа аст.

Дар толоре, ки пас аз суханҳои таърихии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон «Ман ба шумо сулҳ меорам» кафкӯбии бардавоми умедворон ба сақф печида буд, баргузор шудани ҷамъбасти озмуни «Ҷумҳурият» дорои ҳикмати ба худ хос аст. Зеро он бо каломи созанда дар роҳи таблиғи сиёсати меҳанпарваронаи Сарвари давлат, таҳкими сулҳу субот, гиромидошти арзишҳои миллӣ ва ободии диёр собитқадам аст. Ва озмуни мазкур, ки бо шаҳомати хосса, басо дилнишину хотирмон сурат гирифт, идомаи мантиқии ҳамин рисолати рӯзнома аст, ки бо шак-лу муҳтавои нав манзур шуд. Аз ин рӯ, тасодуфӣ набуданд нидоҳои «олӣ», «беназир», «Аҳсант, «Ҷумҳурият!», ки пас аз анҷоми ҷаласаи бошукӯҳ миёни иштирокдорону меҳмонони он садо медоданд.
Алҳол на дар таърихи журналистикаи шӯравӣ ва на муосири тоҷик боре ҳам нашуда, ки ҷамъбасти озмуни рӯзномае дар чунин сатҳ ва дар чунин кохи боҳашамат гузаронда шуда бошад. Агар афзоем, ки дар ин ҷамъомад аҳли қалам, сиёсат, илму фарҳанг, намояндаи Дастгоҳи иҷроияи Президенти Ҷумҳурии Тоҷикистон, роҳбарони мақомоти иҷроияи ҳокимияти давлатии вилояти Суғд иштироку суханронӣ карданд, дараҷаи шаҳомати он ва сатҳи эътибору нуфузи «Ҷумҳурият» ҳувайдо мегардад.
Аслан ташкили озмунҳо барои рӯзномаҳо як амали муқаррарии дохилиидорист, ки мавзӯеро интихоб, инъикос ва ғолибонро муайяну онҳоро дар идораи худ сарфароз месозанд. Яъне, маъракае, ки ҳар рӯзнома ба ин васила муддате диққати муаллифону хонандаҳоро сӯи худ мекашад. Аммо «Ҷумҳурият» бо ин роҳи маъмулӣ нарафт, роҳи навро интихоб кард: озмун бояд на ба манфиати маҳдуди нашрияҳо, балки чун маъракаи густурдаи сиёсию маънавӣ ба манфиати қишрҳои гуногуни ҷомеа хизмат кунад. Ду сол қабл бо эълони нахустин озмуни худ нишон дод, ки рӯзнома ғайр аз ҷалби муаллифони беҳтарин, инъикоси паҳлуҳои гуногуни мавзӯъҳои интихобкарда, ки имрӯз барои ҷомеа, барои таҳкими истиқлолият ва ваҳдати миллӣ муҳиму созгоранд, ғайр аз минбари хоссу ом будан бояд рисолати ташкилотчигиро низ бар дӯш дошта бошад.
То кунун дар ҷумҳурӣ ягон рӯзнома ба ин масъалаи умда таваҷҷуҳ накарда буд. Ин роҳи наве буд, ки маҳз «Ҷумҳурият» кошифона бо он рафт. Яъне, оғози озмун дар нашрия ва анҷоми он дар ноҳия ё шаҳр. Ҳамчунон, ба хонандагони сершумори худ боз ҳам наздиктар шудан, бо онҳо иртиботи бевосита кардан ва наздашон рафтан. Дар доираи озмунҳои худ «Ҷумҳурият» беҳтарин муаллифон ва онҳоеро бо худ мебурд, ки ҳам дар сиёсат, ҳам дар фарҳанг ва ҳам рӯзноманигорӣ дасти тавоно доранд. Ин худ барои хонандагоне, ки солҳо рӯзномаро хонда, муаллифони маҳбубу писандидаи худро ягон бор аз наздик надидаанд, дидори нишотбахш ва мондагор буд.
Дигар навгоние, ки маҳз «Ҷумҳурият» имрӯзҳо пиёда мекунад, ҳамкории бевосита бо мақомоти иҷроияи маҳаллии шаҳру навоҳии кишвар аст. Ташкили озмунҳои муштараки рӯзнома ва мақомоти иҷроияи маҳаллӣ як воситаи басо муассири ҳамкории журналистон ва хизматчиёни давлатӣ дар роҳи тарғиби фаъолтари сиёсати созандаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Чун ҳама як ҳадаф – шукуфоии Тоҷикистони соҳибистиқлолро дорем, бояд чун пайравони содиқу кордони Пешвои муаззам дар фикри ободии диёр, рӯзгори гуворотари халқамон бошем. Бо қалам, бо каломи созанда низ. Ва ҳар озмуни «Ҷумҳурият», ки дар шаҳру ноҳияҳо бо иштироки садҳо нафар баргузор гашт, гувоҳи қобилияти хуби ташкилотчигии кормандони рӯзномаро нишон дод. Яъне, онҳо танҳо бо чопи мақолаҳои озмунӣ иктифо накарданд. Чун давоми мантиқӣ аз пайи ташкили ҷамъомадҳои хотирмону вохӯриҳои судманд бо шоирону нависандагон, олимону сиёсатмадорон шуданд, то ки бардошти маънавии мардуми шаҳру навоҳӣ аз ин мулоқоту суҳбатҳои ошкорою самимӣ дар роҳи таҳкими сулҳу субот, ваҳдат, ватандӯстӣ боровартар бошад.
Дар раванди ташкили озмунҳо, пеш аз ҳама, ба чеҳраҳои тобноки миллат рӯ овардани «Ҷумҳурият» амри тасодуф нест. Зеро рӯзгори Қаҳрамонони миллат беҳтарин намунаи хизмати содиқона ба халқу Ватан аст. Тавассути мақолоти озмунҳо дар баробари бозтоби хизматҳои мондагори Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон хонандагон, ҳамчунин, дар бораи рӯзгори ибратбахшу мероси гаронбаҳои дигар фарзонафарзандони миллат - Нусратулло Махсум, Садриддин Айнӣ, Бобоҷон Ғафуров он қадар маълумоти ҷолибу муфид ва аксар вақт нав гирифтанд, ки баробари бозёфтанд. Ба ин васила, мо на танҳо хотираи абармардони миллатро зинда медорем, ин, ҳамчунин, аз муассиртарин василаи тарбияи ватандӯстии насли наврасу ҷавон аст, ки аз рисолатҳои умдаи рӯзнома мебошад. Ва чун «Аҳсант, «Ҷумҳурият!» гуфтанҳоро мешунидам, мутмаинам, ки таҳсинҳо, аз ҷумла ҳамин бори маъниро мекашиданд.
Озмунҳои навоваронаю густурдаи «Ҷумҳурият» гардиши куллии сифатӣ ва маънавӣ дар журналистикаи ватаниянд. Ин сароғози боз як лоиҳаи вижаи рӯзнома аст баҳри бо сухани воло ва созанда бо халқу Ватани худ беш аз пеш решапайванд гирифтан.
Хуршеди ҶОВИД,
 «Ҷумҳурият»


Баёни ақида (0)    Санаи нашр: 05.07.2018    №: 132    Мутолиа карданд: 182

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед